التصنيف: الإتكيت و التجارب و النصائح المنزلية

احضري ملح الليمون واذهبى إلى المطبخ وباقي أنحاء المنزل لتقومي معنا بحملة تنظيف شاملة، وتعيدي بريق بيتك وملابسك اللامع، فلملح الليمون إنجازات مذهلة في التنظيف أهمها:

التخلص من آثار غليان الماء:

يمكنك التخلص من آثار غليان الماء في غلاية الشاي عن طريق إضافة معلقة من ملح الليمون، ووضعها على النار حتى تغلي ثم قومي بفرك الإناء حتى تزول ترسبات الغلي.

تنظيف البوتاجاز: لاستعادة بريق ولمعان عيون البوتاجاز الذهبية (الموقد)، عليكِ بخلع العيون وإضافتها إلى الماء المغلي المضاف له ملح الليمون وبعد فرك العيون ستستعيدين بريقها الذي تعودتي عليه.

التخلص من آثار حرق الطعام:

تستطيعين استخدام ملح الليمون في التخلص من آثار حرق الطعام بأواني الطبخ التي لا تستطيعين أن تتخلصي منها بسهولة، وذلك عن طريق إضافة عدة ملاعق إلى الإناء المراد تنظيفه وملأه بالماء البارد ووضعه على النار حتى يغلي، وبذلك ستجدي آثار الحرق قد اختفت.

تنظيف الغسالة والملابس:

إضافة بضع ملاعق من ملح الليمون إلى مسحوق غسيل الملابس في درج الغسالة الخاص بالمسحوق، يساعد على جعل الملابس البيضاء أكثر بياضًا.

تنظيف الأحواض المنزلية:

للحصول على حوض مطبخ جديد، يمكنك أن تضيفي ملح الليمون إلى الماء المغلي والقيام بفرك الحوض، وستجدين الحوض يلمع وسيكون ذلك بديلًا عن شرائك لحوض جديد.

التخلص من البقع المختلفة:

أخطاء
الثلاجة
– تجنبى تكديس الثلاجة أو الفريزير بالأوانى و المأكولات لأن هذا يرفع من درجة حرارتهما و يعرض ما بهما للفساد
2- تجنبى وضع أكياس بلاستكية بها مواد سائلة <شوربة – حليب – ….> أو مواد طرية <عجين – فول مدمس – عجينة طعمية – …> فى الرف العلوى من الفريزر لأنها سوف تكون أقواس تدخل بين أسلاك الرف العلوى و تتجمد على هذا الشكل و سيصعب عليك جداً تحريرها من بين الأسلاك ، أنتظرى حتى تتجمد فى الرف السفلى ثم أنقليها اينما تشائين
3- لا تضعى أى شىء بالفريزير إلا فى أكياس شفافة حتى لا تتحيرى بعد فترة ماذا ياترى فى هذا الكيس ؟؟؟
4- لاتضعى زجاجات الماء بدون غطاء فى الثلاجة لأن الماء يمتص الروائح و يتغير طعمه
5- عندما تنكسر بيضة فى موضع البيض فى الثلاجة فلا تضعى بيضة أخرى مكانها إلا إذا كنت قد نظفتى مكانها تماماً بالماء و تأكدتى من تمام نظافته و جفافه لآن أى نقطة زلال متبقية كافية لتلتصق البيضة الجديدة بها و تنكسر بالطبع عند محاولة أخذها
6- لا تكدسى الخضروات من طماطم و فلفل و خيار فى أناء واحد كبير فى الثلاجة لأنكى قد تنسين ان لديك خيار مثلاً فى قاع الإناء فيتلف و يتلف باقى الخضر أو ربما تشترى نفس الصنف مرة أخرى وهو لديك أصلاً .

أخطاء الغاز
1- لا تملئى براد الشاى أو كنكة القهوة أو أى إناء بالماء لأخره لآن بمجرد غليان المياه سوف تفور و تطفىء الشعلة و يبدأ الغاز بالتسرب
2 – لا تضعى أبداً أناء صغير على شعلة كبيرة رغبة فى السرعة فإذا كان ذو يد ستحترق اليد و تملأ المطبخ رائحة البلاستك المحروق أما إذا كان بدون يد فقد تتعرض الفوطة أو المساكة التى ستمسكينه بها للإحتراق
3 – لا تغلقى باب الفرن بعنف لآن الهواء المندفع داخل الفرن قد يؤدى ايضاً لإطفاء الشعلة و هنا الخطر أكبر لأنك لن تلاحظين عكس شعلة البوتجاز التى تريها بوضوح
4 – لا تفتحى باب الفرن إلا للضرورة القصوى أثناء استخدامه لسببين أولاً لأن بعض المعجنات و الكيكات تهبط عند فتح الفرن و السبب الثانى و الأهم هو أنه كلما فتحتى باب الفرن انخفضت درجة حرارته و يأخذ بعض الوقت لتعود درجة حرارته لما كانت عليه مما يؤدى لتأخر نضج ما به
5 – لا تتركى ما ينسكب على البوتجاز أو داخل الفرن لليوم التالى دون تنظيف فعندما تشعلى النار مرة أخرى فإن الأشياء المسكوبة سوف تحترق و يكون من الصعب جداً تنظيفها بعد ذلك
6 – عندما تريدين أن تطهى شىء على نار هادئة جداً مثل الرز مثلاً فانظرى للشعلة بضع ثوانى لتتأكدى بأن تلك النار الهادئة جداً لن تنطفىء.

قاعدة زعلانة ومكشرة علشان العيد خلاص قرب وأنت فعلا نظفتي البيت بطريقتك العادية..

بس للأسف فيه بقع عنيدة مش عايزة تطلع بالرغم من إنك اشتريتي كل المنظفات اللي الناس قالوا لك عليها إنها بتطلع البقع الموجودة على الأرض أو على السجاد وبتلمع الزجاج بس ما فيش فايدة برضه كل حاجة زي ما هي …

بقعة على السجادة!!

بقعة على الحطية!!

ده غير البقع اللي على الباب !!

والنجف مش راضي يلمع زي الأول !!

ولا يهمك من أي حاجة طول ما إحنا موجودين ما أنت عارفة إننا دايما بنكون جانبك في كل المواقف وفي كل الأوقات

علشان كده قررنا النهارده إننا نكون معاكي
علشان نخلصك من كل المشاكل اللي قابلتك

بس الأول ابتسمي

وتعالي نشوف مع بعض إزاي ممكن تلمعي بيتك

-1-
لتمليع زجاج الشبابيك والبلكونات

لو عايزة زجاج الشبابيك والبلكونات يلمع يبقى كل اللي عليكي إنك بعد ما تشيلي التراب من على الزجاج تجيبي قطعة قماش قطنية مبللة بالمية الباردة والصابون السائل وتمسحي بها الزجاج، وبعد كده تجيبي قطعة قماش تانية مبللة بالمية الباردة وتمسحي بها الزجاج، ولو حسيتي إن الزجاج مش بيلمع يبقى ضيفي إلى قطعة القماش دي ملعقة خل أو رشي الزجاج بملمع الزجاج، في النهاية استخدمي ورق الجرائد علشان تنشفي الزجاج من أي آثار للمية…

وخدي بالك من إنك تنظفي الزجاج الداخلي بشكل رأسي والزجاج الخارجي بشكل أفقي.

-2-
لتنظيف ولمعان الأبواب

هاتي فرشة وابدأي في إزالة أي آثار للتراب من على الأبواب … وبعد كده هاتي جردل وحطي فيه مية وملعقة كبيرة صابون وهاتي ليفة أطباق تكون جديدة وخليها لتنظيف الأبواب وابدئي في مسح الأبواب بها وبعد كده هاتي قطعة قماش قطنية مبللة بالمية وامسحي الباب بها وبعد كده امسحي الباب بقطعة قماش ناشفة وده علشان تتأكدي من إن الباب نشف تماما من أى آثار للمية.

-3-
لتنظيف ولمعان الجدران

هتجيبي فرشة علشان تشيلي بها أى تراب موجود على الجدران ولو لاقيتي أي بقعة على الجدران يبقى اكتفي فقط بإنك تمسحي مكان البقعة دي بنفس الطريقة اللي مسحتِي بها الأبواب.

-4-
لتلميع السيراميك

لو عايزة تتخلصي من أي آثار للبقع اللي بتكون موجودة على البلاط أو السيراميك يبقى هاتي فرشاة خشنة وبليها بالكلور والمية وادعكي بها البقع دي أكتر من مرة كويس وبعد كده امسحيها بالمية المضاف إليها صابون سائل وهتشوفي الفرق بنفسك.

-5-
لتلميع خلاطات الحمام والمطبخ والأحواض والبانيو

من ضمن المشاكل اللي ممكن تقابلك مشكلة انطفاء لمعان الخلاطات الإستانلستيل وفي الحالة دي يبقى هاتي ليفة خشنة أو قطعة قماش صوف وحطيها في صابون أو أي ملمع للحمامات وابدئي في دعك الخلاطات بها وبعد كده اغسلي الخلاطات كويس بالمية.. لو الطريقة ماجابتش نتيجة ممكن إنك تمسحيها بقطعة قماش مغموسة في خل أو زيت طعام وبعد كده تغسليها بالمية والصابون.

وبالنسبة لتنظيف البانيو والأحواض نفس اللي عملتيه مع الخلاطات هتعمليه مع البانيو والأحواض وعلى فكرة الطريقة دي بتخليهم يلمعوا وبتنظفهم كويس جدا..

-6-
للتنظيف ولمعان المرحاض

بالنسبة لتنظيف المرحاض يبقى يا ريت إنك تحطي في المرحاض ¼ كوب (كلوروكس) وتسيبيه لمدة ساعة وبعد كده تجيبي الفرشاة الخاصة به وتدعكيه بها كويس وبعد كده اشطفيه كويس بالمية ده للجزء اللي جوه وبالنسبة للجزء الخارجي نظفيه بنفس الطريقة اللي نظفتي بها البانيو.

-7-
لتلميع النجف والكريستال

لو عايزة النجف يلمع كأنك لسه شرياه يبقى هاتي قطعة قماش وبليها بالمية الدافية المضاف إليها معلقة خل وامسحي بها النجف.

لكن لو عايزة تلمعي قطع الكريستال الصغيرة يبقى ممكن إنك تنظفيها من حين لآخر بالكحل المستخدم لتنظيف الجروح.

-8-
للتخلص من البقع الموجودة في قماش الستائر والمفارش القطن

لو عندك بقع صعبة في قماش الستائر أو المفارش القطن اللي عندك ومش عايزة تتطلع يبقى ضيفي معلقة من "النشادر" إلى المية اللي هتغسلي بها الستائر أو المفارش وعلى فكرة "النشادر" مش بس هتطلع لك البقع اللي فيها لأ دي كمان هتحمي المفارش القطن اللي عندك من الكرمشة ..

واوعي تعصري الستائر أو الأقطان اللي بتغسليها لأن ده بيخليها تتكرمش زيادة على اللزم وبيأثر على نسيجها.

-9-
للتخلص من البقع الموجودة على رخامة المطبخ

لو كانت عندك رخامة المطبخ لونها أبيض وحاسة إنه بدأ يتغير ويميل إلى الاصفرار يبقى كل اللي عليكي إنك تدعكيها بعصير الليمون مع إضافة شوية ملح ناعم إليه وبعد كده امسحيها بقطعة قماش مبللة بالمية.

-10-
للتخلص من بقع الماكياج من على السجاد

ساعات كتير وأنت بتحطي ماكياج بيقع منك على السجاد وعلشان تتخلصي من البقع اللي زي دي يبقى رشي البقعة دي بملمع الزجاج "هتلاقيه في السوبر ماركت" وبعد كده هاتي فرشاة الموكيت أو السجاد وضيفي إليها مية وصابون وادعكي بها البقع دي كويس وبعد كده نشفيها بفوطة صغيرة ناشفة.

-11-
لتنظيف الجلد

ابقي استخدمي "شمع النحل"، وهي مادة متوفرة ‏بشكل سائل خاص بالمفروشات وامسحي بها أي حاجة جلد عندك، وبعد كده امسحي الجلد بفوطة ناعمة جافة وعلى فكرة المادة دي بتنظف وبتحمي الجلد من التشقاقات.

-12-
لتلميع الزجاج

لو عايزة تلمعي أي حاجة زجاج عندك في البيت يبقى ادعكي الزجاج بفوطة مغموسة بعصير ليمون وبعد كده نشفيها بمنديل ورق وبعد كده امسحيها بورق جرائد مبلل ..

ولو عايزة تتخلصي من آثار أي خدوش على الزجاج يبقى ادعكي مكان الخدوش دي بمعجون الأسنان وهتشوفي النتيجة بنفسك.

وفي النهاية أحب أقول لك إن اهتمامك بنظافة البيت أول بأول هيخليكي في غنى عن كل المشاكل دي..

ولو عايزة ريحة بيتك تبقى حلوة على طول ممكن إنك تغمسي قطعة قطن بأي زيت عطري وتحطيها داخل المكنسة الكهربائية وبكده كل مرة لما تيجي تشغلي المكنسة هتلاقي إن المكنسة بتطلع ريحة حلوة والريحة دي هتنتشر في البيت كله…