السلام عليكم ورحمة الله وبركاته ……..كيفكم ياحبايبي ماودي اطول عليكم الله يطول بعمركم انا وصديقاتي بيننا منافسه من اول وحده تجيب كيك مالح وصراحه بحثت بما فيه الكفايه مالقيت ياليت لو وحده فيكم تسوي كيك مالح او تعرف طريقة كيكه مالحه تعطيني الطريقه وجزيتم الجنه "انا بحثت وماطلع الا معجنات او بيتزا انا ابغى كيك بس مالح "مع خالص شكري وتقديري
محبتكم:الوان الطيف
الكيك المالح
المقادير:
4 بيضات
ثلاث ارباع كاس طحين كويتي
فوق النص بشوي كاس ماي
تحت النص بشوي كاس زيت
ملعقه صغيره بيكنج باودر
ملعقه صغيره بهار مخلوط
ملعقه صغيره ملح
شوي بصل مبشور ((تقدرين تستغنين عنه))
نقط ليمون عشان زفورة البيض
بقدونس مقطع قطع صغيره تقريبا كاسين اهم شي يكون كثير
جبن كرفت مبشور
الطريقه:تخلط جميع المقادير ماعدا الجبن المبشور خليه على جنب آخر شي
ولا تنسين تحطين نقطتين اوثلاث من عصير الليمون على البيض عشان زفورته
بعد ماتخلطينهم بالخلاط صبي الخلطه في صينه مدهونه بالزيت
بعدها اخذي الجبن المبشور وحطيه ع الوجه وبعدها دخلي الصينيه في الفرن الين تنضج
صحه وعافيه
المقادير:
أربع بيضات
علبة حليب رمبو أو ما شابه
ملعقةكبيرة خميرة
ملعقة بيكنج بودر
سكر
ملح
هيل
زعفران
ثلاثة أرباع الكوب زيت
دقيق
الطريقة:
نخلط البيض .السكر.الملح.وباقي المقادير ما عدا الدقيق…
وبعد ذلك نضيف الدقيق حتى تتكون لدينا عجينه كعجينة الكعك العادي.. ونتركه ليختمر..
* نضعه في صينية مدهونه ونضع عليه بيض مخفوق ثم نضع عليه حسب الرغبه جبن شيدر مبشور أو زعتر.. يدخل الفرن حتى يتحمر من أسفل و أعلى
ويفضل تقديمه مباشرة لانه ألذ وهو ساخن…
حبيبتي في قسم الطلبات موجود بالصفحة الرئيسية ارجو انك تحطي اي طلب
مشكووووووووووووووووووووووووووو ووووووووره ياعسل الله يعطيك العافيه ماقصرتي
