الوسم: الحبوب

تعاني المرأة والرجل حقيقةً من مشكلة حبوب الوجه "الزيوان” تلك الحبوب التي تظهر في مناطق مختلفة من الوجه وبغزارة على الأنف واليوم سنقدم لك حلول للتخلص من هذهالرؤوس السوداء وإزالتها من خلال 3 وصفات طبيعية ستجعلك تودعين الزيوان وتحصلين على بشرة ناعمة ، صافية ، نقية.

الطريقة الاولى :
يؤخذ من نخالة القمح نصف قبضة كف، ويؤخذ من قشر اللوز اليابس والمطحون ناعما ملعقتان كبيرتان ويخلط مع بعض،من ثم يضاف اليهما بعض الماء ويعجن شبه عجين على أن يبقى رخوا وبعدها يدلك به الوجه مرتين باليوم في الصباح والمساء ولمدة يومين تلاحظين زوال الزيوان من الوجه.

الطريقة الثانية :
يؤخذ من خميرة العجين العادية قدر ربع ملعقة صغيرة ويضاف اليها ملعقة ماء كبيرة ويدلك بها الوجه مرة باليوم ولمدة ثلاثة أيام ،من ثم يعرض الوجه بعض الوقت لاشعة الشمس.

قبل اي شي حطي من الميلك المنظف من مجموعة وايت بيرفكت من لوريال وبعد عشرة دقايق ابداءي الخطوات التالية

1- غسلي وجهك بالصابونة الي انتي متعودة عليها

2- استخدمي تونر لوريال المبيض من مجموعة وايت بيرفكت ب25 ريال من النهدي

(يشيل الحبوب الي تحت الجلد يصفي البشرة ويفتحها ويفضل بعده تحطي كريم مبيض او يفتح ركزو هنا في سر بس استنو لاتستبقوالاحداث

3- بعد التونر ايش تحطين سيروم فيتامين سي من ريكسول ب90 ريال من النهدي بصراحة
أفضل اسميه (السحر ) وبنزل فيه موضوع لحاله لما له من فوائد لاتعد ولاتحصى للبشرة
(تفتيح ونضارة وازالة البقع والهالات والتعب والاءرهاق وهو حل لكل مشاكل وجهك وعنقك )

4- خلي بشرتك ترتاح خمس دقايق وبعدين حطي الكريم المبيض ممكن تاخذين حق ريكسول متاز

5- يوميا قبل النوم حطي على وجهك ورقبتك وحول عيونك مكان الهالات

اللهم صلّ على سيدنا محمد ٍ وعلى آله وصحبه وسلم تسليما ً كثيرا ً

حبيباتي ما راح أطول بالمقدمات ،، راح أبدأ على طول

بس اول شيء :

تذكروا آية الكرسي فإن فضلها عظيم

ثاني شيء :

الانف مكان تجمع الدهون والاغلبية يعاني من نقاط سوداء ورؤوس سوداء
طيب والحل ؟ :ss:

امس اشوف خشمي وأتأمل فيه طبعا ً الرؤوس السوداءاللي بالخشم ماهي نقاط سوداء
طبعا ً كانو شعر صغار صغار ما يناشلون حتى بملقط بس طبعا ً لكثرتهم يبانون بشكل واضح
– أنا أقصد خشمي مو خشومكم كل وحدة تتأمل خشمها وتحدد هل رؤوس سوداء والا شعر-

وقمت وسويت التالي :

الاشياء اللي استخدمتها بسيطة :

1- شرائح شمعية من byly – وللعلم هذا أفضل منتج جربته –

طبعا ً هالشرائح تستخدم للوجه بس انا استخدمتها للأنف
– أتمنى الصورة تكون واضحة لاني مصورتها بالظلام –

2- إسكنول بالليمون – اللي بالصورة برتقال أدري بس هذي الصورة من النت –

3- كلين آند كلير لازالة الرؤوس السوداء

وكم قطعة قطن صغيرة للوجه

طريقة الاستخدام :

جبت غسلت وجهي بالصابون وبالاخص أنفي غسلته عدل مدل
وبعدين جففته بالفوطة وبالاخص بعد أنفي لين صار جاااااااف عدل مدل –

بعدين جبت الشرائح الشمعية ولصقتها على خشمي وشلت من تحت لفوق
عكس نمو الشعر وبالاخص الاطراف ويمين وشمال وكل مكان ما خليت شبر
طبعا ً اللون الاسود بخشمي خفففففففففففف وايد
واشوف الشريحة الشمعية وشلون صايرة مليانة أسود شعر صغار وايد لكن فعلا ً انشال

بعدين جبت كلينكس وحطيت شوي من كلين اند كلير ودعكت خشمي
وضغطت عليه عشان اشيل الرؤوس السوداء

وبعدين جبت قطعتين قطن وحطيت فيهم اسكنول وعكت خشمي
عدل مدل خشمي طبعا ً انقلب طماط صار خشم مهرج بس بعدين راح طبعا ً
و يمكن بعضكم ما يتحمل الحرقان
فيخفف شوي من هالمستحضرات يكتفي بـ اسكنول او كلين اند كلير
يعني الطريقة تحرق شوي مو تقعدون تدعون علي ،،
وبعدين غسلته – اللي هو خشمي بماي بارد – وجففته وبس (y)

طبعا ً النتيجة ما يحتاج اول ما رحت لاختي قالت لي

شمسوية بخشمج

قلت لها مب قايلة ههههههههههههه

وهذا اللي صار وبس ، طبعا ً خشمي كان شي وصار شي وأضمن لكم باذن الله ان السواد يختفي ع الاقل 75 % من خشومكم ،، (y)
وفيه طريقة عرضتها بموضوع سابق لي عشان تصغير الخشم وراح أرجع احطها للي ما قط عرفت ولا قرأت بهالشي و اللي هي:

حطي معجون أسنان على خشمج من برة طبعا ً وخليه ربع ساعة لين يجف وغسليه وعقب مسحي خشمج بماء ورد وبتشوفين وشلون خشمج كان كبير وصار صغير.

لكن بالنهاية :

مالك الا خشمك لو كان أعوج :21_133:

هالموضوع مو منقول أبدا ً أبدا ً أبدا ً
واللي بتنقله للفائدة ما يخالف بس رجاء ً تدعي لي وتكتب ادعوا لصاحبة الموضوع
واللي استفادت من موضوعي ما ابغيكم تردون بس ادعوا لي دعوة طيبة
بالتوفيق والصلاح وتيسيير الامور وقضاء الحاجة
ربي استجيب لدعائي انك سميع ٌ مجيب ،،