الوسم: الريش

والصلاة والسلام علي أشرف المرسلين سيدنا محمد صلي الله عليه وسلم وعلي أله وصحبه ومن والاه

النهارده معانا أكله مصريه أصيله بس مع شويه تعديل بسيط بيخليها أطعم وألذ كتيرررررررررررررررررر

طبعا محشي ورق العنب بالريش أكله جميله وسهله وطعمها وااااااااااااااااااااااااااااا ااااااااااو وبتشرف في المناسبات الراقيه جدا

يلا نبتدي ياقمرات

أولا :- خلطة المحشي (( وفيها السر الصح لنفس ست البيت في الطبخ )) وتنفع كمان للكل أنواع المحشي

@ أرز مصري مغسول ومصفي كويس جدا
@ بصل مفروم
@ خضرة محشي (( شبت وكزبره وبقدونس ))
@ عصير طماطم
@ شوية زيت ذره
@ حتة سمنه أو زبده لو حبيتي (( حسب الرغبه ))
@ نعناع ناشف
@ صلصه بس مش كتير يادوب معلقتين لو الكميه كبيره
@ ملح وفلفل وشطه ببريكا (( للي بيحب الشطه ))
@ وطبعاً ورق العنب أوعي تنسي

إضافات المحشي (( ودي هنعرف بتتضاف أمتي بس بعدين ))

@ زيت زيتون
@ ليمون
@ كمون
@ شوربة لحمة مغليه (( أو مياه مغليه وتدوبي فيها مرقتين ماجي ))

الأول هنبتدي طريقة الخلطه بسم الله

أهم حاجه في الخلطه الخضره أوعي تقطعيها بالسكينه لأ قطفيها زي الملوخيه وأفرميها بمفرمه الملوخيه لحد ماتنعم خالص وتبقي عامله زي الملوخيه

وبعدين تفرمي البصل وتحطيه في طاسه وعليه شوية زيت وتسيبيه لما يبقي لونه دهبي

وبعدين تضيفي عليه الطماطم وتسيبيه يتسبك تمام

وبعدين حته صلصه صغيره ورشة نعناع ناشف وملح وفلفل وشطه لو تحبي وحتة سمنه أو زبده (( وأنا عن نفسي أفضل الزبده )) وبعدين تشيليهم من علي النار و تضيفي عليهم الرز وتقلبيهم

بعد كده تجيبي حلة وتحطي فيها ورق فويل في القعر وترصي فيها اللحمه أو الريش

وبعدين تبتدي تلفي المحشي بالخلطه وخدي بالك أول شيء محشي ورق العنب بيكون فيه ناحيتين ناحيه ناعمه وناحيه خشنه دايما تحطي الرز في الناحيه الخنشه وتلفي كويس وأنتي بتضغطي علشان مايفوكش وبلاش بالله عليكي الصوابع الكبيره اللي بتكون عامله زي صوابع الديناصور دي خليكي في الصغير أشيك
وكمان حاجه مهمه لو حسيتي أن فيه ميه بتنزل من صوباع المحشي بسبب الخاطه اعصريه بالراحه من الميه علشان ماتنزلش في الحله

وبعد كده ضيفي عليها الكمون وزيت الزيتون ونص لمونه كده

وبعدين بعد ماتخلصي رص الحله تحطيها علي النار وتصبي عليها الشوربه المغليه علشان صوابع المحشي ماتفوكش منك وخلي الشوربه تغطيها خاااالص وأوعي تنزلي رز في الحله وأنتي بتلفي المحشي وده لسببين أولاً بيخلي المحشي يعجن وثانيا بيخلي شكل المحشي وحش قوي

وغطيها كويس وسيبيها تغلي وأول ماتغلي وطي عليها وسيبيها علي النار لحد ماتستوي

أول ماتحسي أنها أستوت أقلبيها في طبق وبألف هنا وشفا علي قلوبكم

المقادير:
8 قطع ريش غنم
2/1 ملعقة صغيرة ملح
4/1 ملعقة صغيرة فلفل اسود
1 ملعقة صغيرة اوريجانو
1 ملعقة صغيرة ريحان
2/1 ملعقة صغيرة بهارات مشكلة
1 ملعقة صغيرة بابريكا
10 عود روز ماري
8 حبة طماطم صغيرة
8 شرائح ليمون
2 ملعقة كبيرة زيت او زبدة
2 حبة كبيرة بصل، مفروم شرائح
3 – 4 فص ثوم، شرائح
2 حبة كبيرة طماطم، مفرومة خشنة
1 حبة كبيرة فلفل حلو، شرائح