السلام عليكم بنااات …
اول موضوع لي في قسم ادب وخواطر ….
فحبيت ابتدي بقصائد الخليج ..
واول قصيدة لبلادي العنابــي ((قطــــر )) الله يخليها ويحفظ اهلها..فديت ترابج ياقطــر
قصيدة محمد بن حمد بن فطيس المري
داري قطر وانا اهنا امثلها
المجد مطلوبي وانا طلابه
عهد علي اني لشرف داري
ترك صبي ما يعز ترابه
شوفوا دمي من حبها عنابي
وحماستي من ضووها شبابه
شاعر خليجي والعروبه بيتي
والبيت ماياقف بدون اطنابه
وهذه ابيات اخرى لشاعر قطر الكبير شاعر المليون
ومـدام ان ديرتـي دار التميمـي -=-=-=- فأنا ما ضنتي يحجـب شعاعـي
تربينـا علـى حـب الطــــــليـعـه -=-=-=- وندعس للوطـن روس الافــاعـي
نعيش ارفعتـه ونعيـش لاجلـــه -=-=-=- ونموت لعزته موت(ن) جماعـي
قطـر داري ودار ابـن الفجـــــاءة -=-=-=- بـلادٍ نبتهـا سيـف ويــــــراعـــي
والحين قصائد لبلاد الكرم ..((الســعوديه ))
فضل الله أنا سعودي
هذي الأرض الحره حدودي
أرض أجدادي نبض فؤادي
شمس الدنيا مسرى الهادي
هذا الوطن الغالي بلادي
مصدر عزي سر وجودي
هذي الأرض الحره حدودي
يا بلادي من علو إلى علو
ما يزعزع ثابت اركانك عدو
ما يدنس طهرك بلادي غلو
حي وجه الخير.. حي الله جديده
حب من الله لعبدالله يزيد
يا ملكنا فيك ما تكفي.. قصيده
وما تغني الروح حي الله قصيد
قال أبو متعب لنا الجمله المفيده
قال ما يغني وبين ما يفيد
الوطن في قلوبنا دين وعقيده
من وقف دون السعوديه شهيد
والعمل يدني مرامينا البعيده
والصبر ينبي عن الباس الشديد
يا وطنا لك علينا ما تريده
لك علينا يا وطنا ما تريد
حنا هل الطوله.. تواتر علمنا
ما همنا من ذمنا ما همنا
ما ضاقت صدور العتب من حملنا
صدر السعوديه بحب.. ضمنا
حنا وهي ياللي تبينا دلنا
في عيون عبدالله ترانا كلنا
الله عليها دارنا ما مثلها
حنا لها حنا ملكها واهلها
حنا وهي.. ياللي تبينا دلنا
في عيون عبدالله ترانا كلنا
وهذي قصيدة للبلد الحبيب …((الكويــــت))
قلعتي دمتي لنا فخرا كبير
دمتي ودام القلب فيك متيمِ
ولكي علينا من الفضل الكثير
نور وعلم كل ذاك مقدمِ
قسما لو غبت عنك ولو وقت قصير
ينتابني حزن وضيق مؤلمِ
يا قلعتي إني بكِ دوما اسير
بجمال روعة كل شئ لك ينتمِ
قلعة الكويت يا صرحاًُ مثير
لم تشبه شوائب او محرمِ
بقول الله نمشي بأحكام القدير
بكل ما سنه الرسول لِمسلمِ
اعضائُها دوماً لها خير النصير
والله نعماً بهم ، والكل محترمِ
مني حسينٌ لكم كل التعابير
بالخير دوما يارؤوس العز والكرمِ
اتحفتمونا بأقلام منقطعات النضير
إن الحكيم حكيم العقل والقلمِ
وهاذي قصيدة للبحرين …الله يخليها ويحفظ اهلها …
بحرين،ماعرف والله شلون اعبر لج عن إحساسي
انتي كل الحب والشوق والغلا والزين
من يوم انولدت وحبج بداخل دمي كان جاري
آمري،تدللي لوتطلبين حتى العين
فدوة لج ، افديج بأغلى ما عندي لأنج حياتي
لاتستغربين مني ماعرفتي انتي من تكونين؟
يمكن حسبتي أيام إني كنت عنج ساهي
بس قدرج ومكانتج بقلبي والله فوق عالي محمي بسيوف وحدين
انتي كل الفخر ومنحتيني الغرور والتباهي أقول لج من قبل والحين
إني امشي وأقول أنا بحريني رافع(ن) راسي
من يوم الله خلقني وزرع فيني القلب غرستج نبته أداريها من الصوبين
ماتعرفين إن انتي رافقتي قلبي بالدقايق والثواني
وان ماعرفتي،لازم الحين تعرفين
أقول لج اياها بصوت عالي يا بعد كلي وحالي
أحبج حيل،وتأكدي حتى اليوم إلي بتوقف فيه عن التصاعد أنفاسي
وهذي قصيدة للإمارات ….^_^ الله يحفظج يابلاد العز ..
يا بو ظبي يا عنيده ديـرة الظبـي الموالـي
شيخي خليفه يا شيخي شوفك بعيني مرادي
سلطني يا دبي قومي ارقصي افراح وليالـي
بس تغني لابن راشد حاكم اليـوم قـادي
لام قيوين سلامي مرشرش بشوق السؤالـي
لابن المعلا تحيه تاصلـه حـدي الفـؤادي
هيه عجمان تباهي قومـي بثـوب المنالـي
ارفعي الاعلام هيبه لشيخ النعيمي تـزادي
فزي يا فجيره وقومي مرعده مزنك تهالـي
عد ما هلت هتونك لشيخك الشرقي تعادي
شارقه شمس الشوارق شارقه بالضي سالـي
لشيخها سلطان قولي مضمر يردد سهـادي
ارتفع يا سهيل ارفع راس هالخيمـه بعالـي
لسيدها ابن القواسم بالتحيه بـادي بـادي
الرئاسه في النهايه لابـن زايـد يـا معالـي
ذاك نجله شوفوا زوله كنه الرمـح المعـادي
يا فديتك يا خليفه يابـن زايـد بالعلالـي
شامخ شمخ البيارق بحكمك القايد تجـادي
هذي الابيات حالي السموحـه راس مالـي
حبي لزايد فديتـه مشغـل حبـه فـؤادي
كل ما اكتب بشعري لازم اهديكم غوالـي
من ديار الشيخ زايد وجدوا شيوخ العمادي
ال النهيان سيف من جنوب اليـا شمالـي
ثم مكتوم ونعم الـف نعميـن الـذوادي
اهدي العود وعطوره باقي شيـوخ المفالـي
من اماره اليا اماره راكب خيلـي انـادي
شفت يا زايد فديتك حي بقلوب العوالـي
زايد ما مات حي ارفعـو الـراس اتحـادي…
الله يحفظ كل دول الخليييج ان شاء الله ..والدول العربية الاسلاميه ..ويحفظ اهلها …^_^ قولو امين
وبس سلامتكم ….^_^
تحياتي ..
((نحــــــولة قطـــــر ))
اتمنى ان ينال اعجابكم ….^_^ وتسعدوني بردودكم …
.gif)
يعني لو احتجتي أَي حاجة تفضلي .
