:11_1_209[1]:مساء الخير بنات
اية اخباركم دى احلى ملوخية والمصرية مش حاجة تانية
المكونات
نصف كيلو ملوخية طازجة او مكيسة
كوب وربع شوربة فراخ او لحمة (حسب الرغبة )
نصف ملعقة كزبرة ناشفة
نصف ملعقة فلفل اسود
نصف ملعقة ملح
3فصوص ثوم
الطريقة
اول حاجة نعملها نجيب الملوخية ونارطفها (نفصل الورق عن الساق) بعدين نغسلها وننشفها ونخرطها (نقطعها قطع صغيرة) بالمخرطة
بعدين نسلق اللحمة او الفراخ الى انتوا عايزينة
بعدين نجيب الثوم ونحط علية الملح والفلفل والكزبرة ونفرمة بالمدقة كويس
بعدين نجيب خليط التوم ونشوحة بزيت كويس بس طبعا ميتحرقش اول ما تتطلع ريحتة حلوة بشوية نضيف الشوربة ونقلب كويس بعدين نحط الملوخية ونقلب دقيقتين حتى تستوى
الف الف الف صحة وعافية
يسلمو عزيزتي
شكرا شكرا
