اكيد كل البنات عقدتهم تهايات الشعر المقصفة
واللي بتظهر الشعر غير صحي وشكله مو حلو خصوصا اذا كان طويل بتحسي ان طوله بس عالفاضي
وللي بيقولو انه مالها علاج غير القص
انا جايبه لكم حل اليوم وبقولكم اني لقتلها علاج
ومن اول استعمال كمان
ايييييييوة من اول مرة
احكيلكم كيف صار
كنت رايحة الحمام حطيت على شعري حمام زيت لقيت اطراف شعري متقصفة قلت خليني احط لها شويت زيوت كمان كانت عندي حطيت بس شويه في راحت ايدي من زيت الخروع وزيت الجلسرين وحكيت ايدي مع بعض وفركت اطراف شعري فيها و حطيت مرة تانية كمان شوي في راحت ايدي ومسحت بيها على شعري من فوق ورحت الحمام ضليت شوي وغسلته
والمفاجئة كانت بعد الغسل وبعد ما نشف شعرييييي
شفته لقيت الاطراف المقصفة راحت الحمد لله وموفاضل منها غير كم شعرة يمكن كانت ما وصلتهم الزيت وشعري ما شاء اللة بيلمع 
بعد يومين عملت حمام الزيت الي كنت عملته بس من غير ما احط زيت الخروع و الجلسرين للاطراف
وبعد ما غسلت الخلطة شفت الاطراف لقيتها على حالها الي كانت ما وصلتهم الزيت بالمرة الي فاتت لساتهم على حالهم فعرفت انه السر من زيت الخروع
رحت ببحث في النت لاني لازم اعرف طبعا وين السر بالموضوع 
شوفو شو لقيت بنات
| حماية الشعر من التقصف إن النهايات المتقصفة تعتبر علامة للشعر الغير صحي، ولأن زيت الخروع يحتوي على بعض العناصر الهامة كفيتامين E والأحماض الأمينية والأحماض الدهنية مثل أوميجا 6 فهو يساهم بشكل قوي في منع تقصف الشعر حيث أنه يخترق فروة الرأس ويعالج الخشونة التي تؤدي لتقصف الشعر، ضع زيت الخروع على شعرك واتركه لبضع ساعات ثم قم بغسله ولأن زيت الخروع زيت لزج نوعا ما يمكنك خلط زيت خفيف معه كزيت الزيتون لتخفيف استخدامه. |
