الوسم: الــــدنيــــا

إيـه ياوقـت القسى ليتك تليــــــن
………. وليت بعد الضيق نلقى بك سعـه

لـي متى والــوقت عيا لا يزيـــــن
………. وإن شكيت الناس قالـوا لي طعه

جيت ادور شــي بعيوني ثميـــن
………. ضايع ٍ مني ولابــــي منفعـــــه

واعذابي كـــل ما عـد السنيــــن
………. من جنوب الطائف لين جيت جده

يقطعـك دنيـــا تــــذل الطيبيـــــن
………. والردي بالعز نـــوره ولعــــــــه

كنت احسب الناس مثلي ضايعين
………. واثـري لحالــي واعيش بمعـــمـعـه

احترامـي يا زمــــان التايهيــــن
………. وش بقى عندك نشوف ونسمعــه

الامل موجــــود لكـــن مايبيــــن
………. حظ من هو زان حظه وامتعـــــه

عشت بالدنيا وانا فيها سجيــــــن
………. شفت فيها ضعوف وناس ملكعــه

الصداقه كنز ويــن المخلصيــــن
………. ومن يخـون الـود يا قلبـي بعــــــه

وش يصـــير ان عشت بالدنيا حزين
………. المهــم القلــب يتماشـــــى معـــــه

.