الوسم: التسجيل

موضوع رائع يستحق التثبيت

كثير من المنتديات شوي وتبوس رجلك عشان تسجل عندهم

ومن اكثر ما يدبل كبد الزائر انه يكون مستعجل ومشغول وقاعد يدورله على رابط لبرنامج معين

او اي ملف معين هو يبيه عن طريق محرك البحث قوقل .. واخيراً يلقى الرابط الي كان يدورعليه

ولكن في مجموعة من المنتديات ..وكل ما يدخل على منتدى يلقى مكتوب ( عفواً لقد تم حجب هذا الرابط عن الزوار .. يجب عليك التسجيل عشان تشوفه )

وبعض المنتديات الأخرى تتمادى في البثارة إلى درجة انها تقولك ( يجب عليك التسجيل والرد بعد عشان تشوف الرابط )

وتلقى الموضوع وصل عدد صفحاته إلى مليون او مليونين صفحه في احيان كثيره وكلها ردود لأعضاء تاريخ تسجيلهم يعود إلى عشر سنين

وعدد مشاركات كل عضو من هالأعضاء 1 مشاركة .. وكل الردود تكون من طقة : مشكور – ويسلمو – مشكر خالص – ميرسي قدن

الله ياخذ روسكم تعبتوني وخليتوني اسجل واكتب رد وآخرتها الرابط خربان..

الزبدة وبمحض الصدفة البحته.. احب اعلن عن براءة اكتشافي لطريقة تقدر تاخذ فيها الرابط الي تبيه

من هالنوعية من المنتديات من غير تسجيل وبثواني معدودة فقط

مع خليك بال وداعاً لهاك حجب الروابط عن الزوار .. وكلي فخر اني قدرت ابطل مفعول هالهاك الماصل..

واليكم الطريقة ..

الخطوات:

:: 1 ::

على سبيل المثال كنت تبحث عن رابطانشوده MP3 تبي تحملها ولقيتها بهالمنتدى ..

طبعاً مثل ما انت شايف المحتوى مخفي وعشان تشوفه لازم تحط رد وعشان تحط رد لازم تسجل

ولاحظ عدد صفحات الموضوع وكلها يسلمو.. ابوك يالمشوار..

:: 2 ::

بهالحالة لا يطق بك عرق بل اجعل العرق يطق براعي المنتدى يومه يشوف عشرين الف زيارة للموضع

ولا واحد من هالعشرين الف سجل عنده بالمنتدى ولارد جا للموضع من هالعشرين الف زاير

وطبعاً هالعشرين الف زاير خذوا من الموضوع الي يبونه وهم يدعون لي من غير تسجيل ولا هم..

فكيف تسوي ذلك؟!

اذهب الىأدوات الموضوعمثل الي بالصورة وبكل بساطه اخترعرض نسخة للطبع.

:: 3 ::

وبكل بساطة بتنفتح معك الصفحة التالية وبتلقى الروابط الي بالموضوع كلها انكشفت قدامك ومن ضمنهم الرابط الي كنت تدور عليه ..

انسخه والصقه في متصفحك واضغط انتر وانتهى الشرح.. ( انظر الرابط الملون بالأحمر بالصورة)

وحليناها:11_1_202[1]:

أدعولي بالتوفيق ..
بالدنيا ولأخرة ..
ملطوش لعيونكم