السلام عليكم ورحمه الله وبركاته
بعد غيبه شهور رجعت لكم بروايتي الأولى ..وأتمنى تعجبكم ..
بعد غيبه شهور رجعت لكم بروايتي الأولى ..وأتمنى تعجبكم ..
بعرفكم على البيوت إلي بتشارك معنا بالبدايه …بعدين ندخل في الأحداث
أول بيت…بيت أبو فهد
أبو فهد :رجال تاجر …أسمه محمد مشعل الفهد
أم فهد :مرة متحضرة توها بنت لأنها متزوجه وهي صغيرة كانت معلمه بس قدمه أستقالتها وجلست بالبيت
فهد :فهد شاب والنعم فيه ينحط على الجرح يبرى …شخص غامض ..ومحد يفهمه في ذا الكون إلا صديقه مشعل …شخصيته قويه وقياديه وما عنده لعب بنات بس هو حنون على خواته …وإذا قالو جب لنا شي يجيبه على طول بس لازم يقتنع وشو له هالشي …هو يشتغل مع أبوه في الشركه بس المفروض أنه في ثالث جامعه ..فصل لأنه ما يبي يكمل ويبي يشتغل على طول ..وأبوه يتكل عليه في كل شي
فيصل وتركي :فيصل وتركي توأم بس ما يتشابهون ..كل واحد في جهه وهم في ثاني كليه الملك خالد العسكريه ..وشياطين ويحبون المقالب ..وهم بصراحه يجننون …أجسامهم حلوه وشعورهم طويله بس مو مرة ومو ناعمه مرة ..بيضان …
فيصل شفايفه ورديه وجهه نحيف وفيه غمازات ولابس تقويم وعيونه حلوة وخشمه صغير وحلو
أما تركي شفايفه ورديه وشكله مرة يجنن وعيونه كبار وحلوة وأهم شي عنده شعرة …
صبا :… في أولى كليه قسم لغات وترجمه …بس ما عندها سالفه لأنها لعابه …صبا بنت حللوة وأمورة ….جسمها مو نحيف ولا دوبه جسمها متوسط مو طويله مرة …عيونها عسليه وكبار بشرتها بيضاء ..وشعرها بني غامق وناعم وقاصته فراوله قصير مرة لفوق كتوفها ودايم طايح على وجهها وتحب الهندين بشكل مو طبيعي …
ربى:ربى بنوته حلوة بأول ثانوي …مهضوم حقها في البيت ودلوعه ودايم تعتزي بفهد وفهد ياخذ حقها …وهي ملا محها عربيه صح
خشمها طويل وفمها صغير ومو بيضاء مرة مثل صبا ..أسمر من صبا شوي ..وشعرها أسود وتحت كتوفها وكله قطعه وحده وما تحب تقصصه مدرجات ….
وأخر العنقود وليد :وليد هذا أحلى واحد فيهم يجنن لبى عمرة عيونه دوائر وماليتها البراءه وفمه صغير وردي وخدوده كبار وشعرة كثير ..وهو لسه يتخطى وأكثر ناس مهتمين فيه فهد وربى ….
البيت الثاني …بيت أبو خالد ..
أبو خالد أخو أبو فهد ….:رجال والنعم فيه ..ما يحب حركات العيال كل شي عنده جد وما يلعب مع أحد ..وإلي يلعب معه يا ويله حتى عياله يخافون منه
أم خالد :مرة عن سبعين رجال …تحب أبو خالد وتموت عليه ..وتحب عيالها وهم أغلى شي عندها…وهي كبيرة في الاربعينات ..بس شبابيه وفلاويه ..ويموتون البنات عليها عشانها نكاتيه …
خالد :شاب مع أبوه في الشركه تخرج مع فهد من الثانويه وقرو أنهم مو مكملين ….شاب يجنن ملامحه حلوة وطفوليه شوي …وجهه نحيف ..وعوارضه هي إلي محليته …ويحب حركات البنات ويموت عليهم ..ويحب يقهرهم …وهو ولد أبو خالد الوحيد …
وهو يشتغل مع أبوه في الشركه
خلود :خلود بنت طويله وشعرها طويل ومهبوله وملامحها إماراتيه وكلش عندها ولا أحد يا خذ جوالها …تحس نفسها بدون جوالها ..كأنها بدون هويه ….. تموت على بنت عمها صبا …وهي نصفها الثاني ……
خوله :خوله هذي بنوته حلوة ومميزها من بين الناس كلهم نعومتها ودلعها …خوله هذي أنسانه أنطوائيه ما تحب تختلط في الناس …حدها البيت للمدرسه ومن المدرسه للبيت ..ما تحب السوق ما تحب بيت عمها …ما تحب شي خجوله وما تعرف تتكلم زي الناس …تحس إنها وهي تتكلم الناس يراقبونها …وهي مع ربى بنفس الصف بس ما تختلط في حد ..
وخالد وصبا هم أقرب الناس لها ..وما تحب غيرهم …
البيت الثالث بيت أم نورة
أم نورة مرة تاجرة وعندها مشغل وهي إلي مديرتة هي وبناتها الثلاث … وهي شبابيه ومرجوجه و هي بعد أخت أبو فهد وأبوخالد ..توفى زوجها وهي حامل بجنى …
نورة :أرج من أمها …وتحب تنكت وتموت على النت ….وهي نحيفه وشعرها أشقر شوي وخدودها كبار وعيونها عاديه
وغمازاتها تجنن وهي تدرس مع صبا وخلود بنفس القسم …
رشا :رشا بنوته أمورة دافورة تدرس بثالث ثنوي أدبي وهي دافورة وتحب الكتب …تلبس نظارات ..وعندها معرض نظارات عشان الكشخه ..وناعمه مرة شكليا بس أما أخلاقيا فهي عربيجيه …وإلي في راسها بتنفذه لو على قص رقبتها …
جنى ..جنى مع ربى بأول ثانوي بس هذي بمدرسه وهذي بمدرسه …وهي جالسه تحن على أمها أنها تنقلها مع ربى .بنفس المدرسه
وقالت لها أمها الترم الثاني بتنقل …جنى بنوته ناعمه ..وحلوه وعندها ذوق في كل شي …
………………………… ……………وهم كللهم ساكنين في الشرقيه ………………………… …………………
نورة جالسه في غرفه صبا الكبيرة والفخمه ..وتغني وترقص
صبا :نوير أنطقي ذاكري ولا طسي برى الأمتحانات قربت وأنتي ترقصين
خلود :خليها المهبوله ..والله ما عندها سالفه المفروض أن عمتي فاصلتها ومشغلتها مع الفلبينيات إلي بالمشغل
صبا:ههههههههههاي
نورة وقفت وتهز رجلها :وبعدين معكم خلوني أعيش حياتي
دخلت عليهم ربى وجنى ورشا ومعهم وليد
نورة راحت وأخذت وليد ونزلته على الأرض ومسكت يدينه وتمشيه :هدا هدا وليد مشى
وليد يضحك ومستانس …
صبا :نوير ..طسي برى خليني إذاكر
نورة أخذتهم وطلعو لغرفة ربى :ذاكري جعلك تسقطين
صبا :أوريك
بعد دقايق
صبا :والله مب من جيدي ..بس أزعجتني كويره
خلود :هههه يا نذلك..
صبا قومي قومي خليني أزينك بالمكياج ..
خلود :زيني عمرك أنا بروح أذاكر في البلكونه
قامت خلود بتروح للبلكونه
صبا :هيه أخواني تحت
خلود ضربت راسها بكتابها :أوه نسيت ..خلينا نزل والله مليت وحنا بنروح ألحين ..وأسبوع مب شايفين بعض ..
صبا:أوكي يالله …معنات أني مب مقتنعه بأنا مب شايفين بعض ..صبا نزلت مع خلود لتحت لقت عمتها ومرة عمها
صبا :مساء الخير
أم نورة :هلا والله بالطش والرش والبض المفقش ..إلي ينفقش بوجهه نورة ..وينها المهبوله ؟
خلود :ههههههههه نورة فوق تلعب مع البنات
أم خالد ترفع حاجبها :ليه وأنتم مب بنات
خلود يدق جوالها وهي تطلعه :إلا بس هي تلعب مع البنات الصغار
خلود :ألو
خالد :نعم ؟
خلود :نعامه ترفسك ..انت إلي داق وش تبي
خالد :هههه يالله أركبو ..أنا دايخ وأبي أنوم
خلود :يالله باي
سكرة خلود :يالله يمه خالد عند الباب …
أم خالد :يالله ..مشينا…….. يالله تمسون على ىخير
أم نورة +أم فهد :وأنتي من أهله
طلعو وفي الطريق خلود وصبا يمشون مع بعض وخلود تزين لثمتها
صبا :ثاني مرة جيبو خوله معكم
أم خالد :أبشري ..كلميها وخليها هي تجي …
صبا :أنا بجيكم بكرة ..وبتفاهم معها ..
خلود :حياك الله ..
وهم طالعين لقو فهد وفيصل وتركي داخلين
فهد:مساك الله بالخير مرة عمي
أم خالد :هلا عيالي وش أخباركم
فهد :بخير ..الحمد لله ……وش أخبارك يا خلود ..
خلود :بخير وش أخباركم أنتم .
فهد:بخير
أم خالد :يالله توصون بشي ؟
العيال :سلامتكم ..
طلعو..وركبو السيارة
خلود :السلام
خالد :وعليكم السلام
خلود :وين أبوي
خالد :في البيت ..وش فيكم مخلين خوله بالبيت لحالها ..
أم خالد :هي ما رضت تروح
خالد :أجل تحملو أبوي قدامكم في البيت وعيونه تطلع شرار ..
خلود وأمها قامو يتنافضون
………
في بيت أبو فهد ..
فهد وفيصل وتركي وأم نورة وصبا وأم فهد جالسين يسولفون
صبا وتركي وفيصل يسولفون لحالهم وفهد وأمه وأم نورة يسولفون لحالهم
أم نورة :والله العظيم ..أشياء ما تتوقعينها
فهد :والله الحريم أهم شي تطلع أحسن من جارتها بتدفع إلي تبين ..حتى لو مليون
أم خالد :حتى ولو …والله الأسراف مب زين .
……..
صبا :خخخ وأنا أقول ليش ما جيتنا الأسبوع إلي راح ..أثاريك محجوز …تستاهل ..
تركي :والله يا صبو ..لو تشوفين الزنزانه إلي أنا فيها ..جعلك تقعدين فيها ..تخوف
صبا أنهبلت :وجع وش ذي الدعوة
فيصل :هههههه عشان تشوفين الزنزانه …
صبا قامت ..:جعلكم تحجزون يا الأثنين في زنزانه متر في متر ..أحسن لي أروح أقابل المهبل أحسن من مقابلكم
تركي :أجيكم ..
صبا :لا هم بيجونك لو يدرون إلي مثلهم وشرواهم هنا
تركي مسوي نفسه بيقوم يلحقها ..إلا وصبا مثل الصاروخ فوق على طول ..
صبا دخلت على البنات :هاي كويره
نورة :أسمي نورة مو كويره
صبا :هههههه يا كويرة فاتك أمك دعت عليك دعوة تجنن
نورة تلعب جيم بوي وما ألتفت لها :وشي ؟
صبا :تقول هلا بالطش و الرش..
رشا قاطعتها :والبيض المفقش إلي ينفقش في وجهه نورة ..حفظناها دايم أمي تقولها ..
ربى:ههههههه حلوة ذي
صبا بجديه :أجل يالله قومو فيصل وتركي تحت ..
نورة رمت الجيم بوي :جد
صبا :خير …شوي شوي على الجهاز ..يه جد
نورة ورشا لبسو لثمهم ونزلو تحت
نورة تنزل مع صبا:يا هلا والله بعيال خالي …يا مرحبا يا مرحبا نوركم طفى الكرهبا
تركي :هههههه يا مرحبا بك يا بنت عمتي ..
فيصل :وين البقيه ما جو
صبا :ما بقى إلا النعومات وما يبون يجون ..
نورة جلست جنب فهد :وش أخبارك يا فهود
فهد يشوفها بنظرات أستحقار(وش ذي الميانه ):بخير ..
نورة تتطنز عليه :بخير ..وش فيك تقولها من غير نفس
أم نورة :كويرة أعقلي عن فهد ..
فيصل +تركي :هههههه أخيرا عرفنا عيارتك
نورة :الحمد لله والشكر أول مرة تعرفونها ..عادي أي وحده أسمها نورة يعيرونها كويرة فيها شي ذي
صبا موقفه في صف نوره :أحسن منك يا القرد والشنبانزي
فيصل :صبا أنطمي ..
نورة :ههه عرفت عيارتكم
فيصل قام :أحسن لي أروح أنخمد ورانا بكرة جمعه ..وما ني مروق لكم
تركي ما يواجه نورة وصبا لحاله :خذني معك ..
نورة تصفق :أيه هجو هجو ..يا خوافين
فهد عصب :نورة ليش هالأزعاج كله
نورة خافت :سوري ..شكل القعده معي ممله
أم نورة :أقول بلا كلام فاضي يالله حنا تأخرنا ..كلمي السواق يجي يا خذنا ..
نورة :أوكي مامي
فهد :لا أنا بوديكم
نورة :يوه يالله متحملني بالبيت بعد توديني بسيارتك
فهد من جد عصب :أنا أودي عمتي ما أوديك
نورة :أيه هين ..يالله بروح أجيب شنطتي وأنادي البنات ..
رشا :بروح أنا
قامت رشا لغرفه البنات لقت فيصل وتركي مهبلين فيهم
رشا من وراهم تصفق بهدوء :برافو …
فيصل:يمه
تركي :وش جابك
رشا :يعني ما قدرتو على نورة وصبا جيتو على النعومات ..
فيصل قام :أقول رشو حبيبتي
رشا خقت :نعم حبيبي أمر .
فيصل :وش تبين
رشا دفته من كتفه :بعد أشوف ..هيه جنى يالله بنروح ..
جنى :يالله جايه قامت جنى ..وسلمت على ربى ..:باي رورو
ربى :باي حبيبتي
تركي يشوفهم وناقد عليهم عشانهم نعومات ..
فيصل :باي رشا
رشا:يا سخفك ..وراحت لغرفت صبا تدور شنطه نورة
دخل عليها فيصل :وش تدورين
رشا خافت :شي ما يخصك
فيصل :عشان أدور معك ..
رشا :فيصل ..بعد عني ..
رشا لقت الشنطه وجات تبي تطلع بس وقف فيصل على الباب …
رشا :فيصل ..وبعدين
فيصل :ولا قبلين …بس ليش مسويه نفسك شخصه ..
رشا :أنا شخصيه غصب عنك…… بعد
فيصل :مب مبعد ..وش تسوين
نورة من تحت :رشا وين رحتي .؟
رشا :فيصل بعد
فيصل:نو
رشا دفته بقوه وراحت :ثاني مرة عدها وشوف وش يصير يا فيصل ..ترى مو أول مرة تسويها ..
فيصل يضحك برود :باي يا قلبي ..
راحت رشا وهي تنتفض من الخوف ..
فهد في السيارة ينتظرهم :عمه ..ليش تأخرو بناتك
أم نورة :دقيقه …هذا هم جو
نورة تركب السيارة :السلام عليكم
فهد :..وعليكم
نورة مستحقرته لأخر درجه ورافع ظغطها ..لأنها عجزة فيه ما تدري وش يعجبه ..
ركبو كلهم وصل بيتهم ..
أم نورة :يالله تصبح على خير
فهد :وأنتي من أهله
نزلو البنات وأخر وحده نورة وهي قاصده تبي تشوف وش رده فعله على الحركه إلي بتسويها :تصبح على خير ..ونزلت وسكرة الباب بقوه
فهد :وجع يوجعك يا كويرة
دق جوال فهد :هلا حبيبي
نورة في نفسها :وجع من ذا إلي دق ما لقى يدق إلى إلحين
مشعل :هلا فهود وينك ..
فهد :دقيقه ..نورة أدخلي
نورة كانت تناظر فهد ومعجبه فيه
نورة :ليش الشارع شارعك
فهد أنقهر وفحط ..
نورة :ههههههه …ودخلت
فهد يكلم :أنا في السيارة بغيت شي
مشعل :لا والله بس كنت أبيك تسهر معي شوي ..
فهد :لا والله ما أقدر ..بكرة جمعه ولازم أقوم بدري
مشعل :أوكي باي
فهد :باي حبيبي ..
سكر فهد وراح لبيتهم نزل من السيارة وفقلها ورح لالباب لما دخل لقى ابو وربى وصبا وأم فهد جالسين
فهد بتسامه :مساء الخير
أبو فهد :هلا حبيبي ..مساء النور
أم فهد :حياك ..
قعد فهد جنب أمه :هاه شكلكم متحمسين وأنتهم تسولفون .
صبا :نقول لأبوي يودينا بأجازة لدبي ..وهو مو راضي يقول حدكم أبها والطايف ومكه ..
ربى تنوم وليد:حنى نبي نغير جو ملينا من أبها كل سنه وحنا رايحين لها ..
فهد :أقول قومي أنتي وياها لغرفكم يا ذكرو يا نامو ..بسرعه
صبا :ملينا ملينا من المذاكرة ..
فهد :يبه أشرط عليهم ..إذا جابت ربى 98 وفوق وصبا تنجح فيها بتقدير جيد جدا مرتفع وفوق نوديكم إن شاله لأيطاليا ..
أبو فهد أقتنع :أوكي
أم فهد :يالله قومو ذاكرو عشان تجيبونها ..
قامو البنات ..:أوكي
فهد :ربى عطيني وليد
ربى: نايم
فهد :عطيني إياه أنا بوديه لغرفته
ربى عطت وليد لفهد وراحت لغرفتها ..
فهد يلعب بشعر وليد :يبه ..أبوتركي جارنا وينه ..
أبو فهد :مسافر ..
أم فهد :ليش ؟
أبو فهد :والله لقيت ولده اليوم تركي وقال أنه مسافر يعالج ..
فهد :عسى ما شر ؟
أبو فهد :يقول عنده عصبه في رجله منقطعه ورايح يشوف وش علاجها
فهد عصب :وتركي هالصايع ليش ما يروح مع أبوه ..بس فالح من حاره لحارة ومن مقهى لمقهى
أبو فهد :ما عليك منه يا فهد خله مصيرة يعرف قدر أبوه ..
فهد شال وليد وراح لغرفته ..
فهد ينزل وليد في سريرة :نوم العوافي ..
طلع فهد وسكر الغرفه ..
………
أبو فهد يصحي عياله :فيصل …تركي قومو يالله
فيصل :أوكي يبه ..
قام فيصل وقوم تركي معه
دخل فيصل وتروش ولبس ثوبه وغترته وتعطر ولبس نعاله وطلع لقى صبا في طريقه متروشه وفوطتها على راسها :هلا صبو ..
صبا معها دخون وتدخن فيصل ..:يالله لا تتأخر أبو من الصبح ينتظركم ..وين تركي
فيصل :تركي نايم
صبا:نعم؟!
فيصل :إيه والله نايم ..
صبا عطت فيصل الدخون :أمسك ..
ودخلت غرفه فيصل وتركي :تركي
تركي فز :وجع نعم وش صاير .
صبا:قم ..أبوي معصب تحت يقول قومو تركي وإلا والله لأجيه وأتوطى فبطنه ..قم
تركي قام :يالله قايم ..
صبا:يالله
طلعت صبا :والله العظيم ناس ما تفهم
صبا عندها بكرة أمتحان ..بما أنها بالكليه …أما ربى باقي عليها أسبوع
..
تركي تروش وخلص وطلع لأبوه أخذ الدخون وتدخن وطلعو كلهم للمسجد
صبا دخلت غرفتها ونشفت شعرها وفكته ومسكت كتابها وجلست تذاكر …
دخلت عليها ربى تصيح
صبا خافت :ربو حبيتي وش فيك ..
ربى :صبا ما عرفت أذاكر حاسه أن مخي مقفل ..
صبا:لا حبيبتي بس يمكن عشانك توك صاحيه ..أنتي ألحين أنزلي أقعدي مع أمي وبعد شوي أطلعي ذاكري وأن شاء الله تعرفين تذاكرين
ربى :صبا تعالي أنزلي معي ..
صبا لبست نعالها :يالله
نزلو تحت ما لقو أمهم
صبا :أكيد أنها بالمطبخ
ربى :مشينا
صبا دخلت على أمها لقتها تذوق الغدا
صبا:بو
أم فهد نطت :وجع ..صبا وش ذي السماجه
صبا :أنا سامجه ..الله يسامحك يا يمه ..
ربى :هههههههه ما عندها أسلوب صح يا يمه
أم فهد لفت أنتباهها عيون ربى :ربى حبيبتي وش فيك
ربى أبتسمت :لا يمه ما فيني شي ..
صبا :تدلع بس ما عرفت تذاكر ..وخير يا طير ما عرفتي تذاكرين ..أحسن أسقطي ..
أم فهد تظرب صبا :وجع وش ذا الفال ..لا تحسبينا مثلك
ربى :إيه تحسبيني مثلك ..
أم فهد :يالله بس روحو جهزو السفرة بسرعه
صبا :لا ما رديت عليكم ..دقيقه خلوني أرد ..
ربى تسحب صبا :أقول أمشي بس
راحو البنات وجهزو السفرة
صبا بعد ما خلصت :أنا بطلع أذاكر ..قولي لأمي ما أبي أتغدا ..ما لي نفس ..ولا أقول أنا بروح أقول لها
ربى :أحسن وفرتي كلام
راحت صبا ودخلت المطبخ ..:يماه
أم فهد :نعم .
صبا :ترى بالعصر بروح لبيت عمي ..
أم فهد :والأختبار إلي بكرة ..
صبا :مو أنا بروح لخلود أذاكر معها وبنوم عندهم ..وبجيكم بكرة لا تخافون علي ..بذاكر زين وبنوم زين ..وبكرة أفتحو لي الباب مو تخلوني ساعه بالشمس <<صبا ما عطت امها فرصه ترد عشان ما تقول لآ
صبا تبوس أمها :مشكورة يا ماما ..
وهي تطلع من المطبخ :ترى ما أبي الغدا ..
أم فهد :هالبنت بتذبحني ..
طلعت صبا لغرفتها ومسكت شنطتها الصغيرة وحطت فيها ملا بسها إلي بتداوم فيها بكرة ..
لما خلصت أستشورت شعرها ومسكت كتاب وذاكرة شوي لما أذن العصر ..صلت ولبست عبايتها وطلعت مع السواق ..حمدت ربها أن محد في الصاله ولا كان بيمسكها
وصلت لبيت عمها ودخلت
لقت خالد وأم خالد وأبو خالد وخوله في الصاله
خوله لما شافتها تعلقت فيها :صبو
صبا تضمها بحرارة وحشتيني يا حبيبتي ..
أبو خالد :حيا الله صبا ..
أم خالد :حيا الله بنيتي ..
خالد :هلا صبا ..تو ما نور البيت
صبا تفك خوله وتمسكها من خصرها :هلا فيكم
وراحت سلمت على عمها ومرة عمها وجلست جنب عمها .:وش أخبارك عمي ..وش أخبارك يا خاله
أبو خالد :بخير ..دامني شايفك
أم خالد :والله بخير وش أخبار أمك ..
صبا :بخير ..لفت على خالد :وش أخبارك خالد ..أشتقتلك من زمان ما شفتك ..
خالد ذاب : بخير ..تشتاق لك العافيه ..
صبا تلعب بشعر خوله إلي تقريبا في حضنها :كيفك خوله وحشتيني موت
خوله: أنتي إإلي وحشتيني ..ممن زممان ما شفتك
صبا ما تحب تقاطع خوله وهي تتكلم :أنا إلي من زمان ما شفتيني ولا أنتي إلي أختفيتي عن العالم ..
خوله :بس والله تغيرتي .
صبا :من ألاحسن للأسوء ولا من الأسواء للأحسن
خوله بتسامه البرائه :من الأحسن للأحسن
صبا :هههههه يا بعد عمري ..وطبعت على خدها بوسه..
صبا :أجل وين أم الجوال
أبو خالد :فوق غارقه بين كتبها ..
صبا وقفت ومعها خوله:أنا بروح أشوفها .
أم خالد :البيت بيتك ..
خالد :خوله..نسيتيني لما جات صبو
صبا أنحرجه من خالد لما دلعها
خوله :برجع لك بعدين
خالد :ههههه أوكي
راحت وخوله بين يدينها وتسولف عليها ..
خالد يراقبها لما أختفو وهو معجب بأسلوب صبا لأنها تعرف تختار الأسلوب المناسب لكل شخص
أبو خالد :الله يجعلها من نصيبك
أم خالد :أمين
خالد أنحرج :هه أمين
خلود جالسه تحوس في أوراقها :وينها وينها
دخلت عليها خوله :وش تتدورين
خلود :أدور أدور أدور ورقه مدري وين أختفت
خوله :رتبي غرفتك عشان تتعرفين تذاكرين
خلود :أوكي حبيبتي تعالي دوريها معي ..
خوله:أنا ما أعرف وش تبين بس بأوريك وحده يمكن تلقاها لك
خلود :منهي ذي الوحده عالمه على غفله
خوله تفتح يدينها :ترا
خلود برود :هلا صبا أرحبي
صبا رفعت حاجبها :كذا الترحيب بالناس إلي جاينك عشان يذاكرون معك ولا تغدو يبون يتغدون معك
خوله :أوكي انا بروح للخالد ..
خلود :قولي له يجيب لنا غدا ..
خوله :أوكي ..
نزلت خوله :خالد البنات يبون غدا ممن المطعم
خالد :تو خليده زارطه صحن وش كبرة
أبو خالد :قم يمكن جاعت رح جب لها
خالد قام :طيب
صبا حطت عبايتها ومشطت شعرها وطلعت تنورتها وبلوزتها وعلقتها عشان ما تتعفط :خلود ..وش ذاكرتي ..
خلود بفرحه :لقيتها
صبا نطت من مكانها :وجع منهي
خلود مات ضحك على شكل صبا :هههههههه الورقه ..
صبا جلست على الكنبه وتربعت ومسكت كتابها :يالله ذاكري بس
خلود :معلوم بذاكر تدرين أبوي وش يقول
صبا تذاكر :وش يقول
خلود :يقول إن جبتي تقديرات زينه بوديكم أسبوع لدبي وأسبوع لقطر ..
صبا نطت :جد ..
خلود :والله
صبا :الله ..تصدين أبوي يقول نفس كلام عمي بس أبوي يقول بوديكم لدبي وإيطاليا
خلود :هئ أيطاليا ..
صبا :إيه ..بس والله فله لو تروحون معنا ..
خلود قامت بسرعه من السرير طاح جوالها :هئ جوالي
صبا :هههههه عليه العوض ومنه العوض
خلود شوي وتصيح :آآآه يا حبيب قلب أمك ..
صبا :أقول لا تكبرين السالفه وذاكري ..
صبا أنبطحت على الأرض وصارت تذاكر بجديه
خلود بعد رجعت مكانها تمسح جوالها ساعه وتذاكر دقيقه ..
بعد ساعه طق الباب عليهم
خالد :خلود
خلود قامت وفتحت الباب :يس وش إبغا أنت؟<<تكلم انجليزي ..
خالد طارت عيونه بالبنت إلي منبطحه وما أنتبهت له
خلود :هيه وين وصلت
خالد :أمسكي هذا غداكم والله الله فيه خلصيه كله
خلود أخذت الغدا وسكرت الباب برجها : لا توصي حريص
خلود جلست على الأرض :يالله حياتي قومي أكلي ..
قامت صبا :آآآآآه الحمد لله مشيت ..
خالد لسه متصنم قدام الباب
صبا:وين خوله ..قومي ناديها
خلود :ما تبي ..
صبا :سألتيها .؟
خلود :أختي وأعرفها
صبا :طيب قومي ناديها عشان ما تزعل
خلود :سوري أنا جوعانه وماني فاضيه أناديها
صبا قامت :طيب يا خلود والله أنك نذله
صبا فتحت الباب بشويش تشوف فيه أحد ولا لأ لقت خالد رايح لغرفته..دخل خالد وسكر الغرفه وصار يطل من خرق في الباب .
صبا لما تطمنت أن خالد دخل طلعت لغرفه خوله .
خالد لما شافها وده يفتح الباب ويسحب كرسي ويتفرج ..
صبا :خوله حبيبتي تعالي تغدي
خوله ماسكها كتابها الرياضيات وتذاكر :لا حياتي مما أحب أكل وأنا أذاكر
صبا :أوكي أنتي حرة ..بس أذا أحتجتي شي قولي لي ..
خوله :مما تقصرين ..
طلعت صبا من غرفه خوله وسكرت الباب وقف :الله ويوفقك يا خوله وتطلعين من الصندوق إلي انتي عايشه فيه ..
خالد قاعد يتفرج بكل وقاحه
مشت صبا تبي تروح إلا وخالد واقف قدامها
بلعت ريقها :خخخخالد ..
خالد بتسامه ذوبتها :إيه خالد …
بعد خالد من طريقها بعد ما قزها قز ..:روحي تغدي
صبا راحت تركض
دخلت وسكر الباب لقت خلود مندمجه في الأكل
صبا بنظرت توعد …من بين أسنانها:آآآآه ومسكتها وظربتها لما طاحت على الأرض
خلود :وش صاير ..كل ذا عشان كليت قبلك
صبا لقت عذر :إيه ليش تاكلين قبلي هاه ..بقرة تاكل وتنام بس ..
خلود قامت من الأرض :أقول أكلي بس ..
كلو وخلصو
صبا قامت ..:الحمد لله تسلم يد إلي سواه
خلود :ويد إلي جابه
صبا بتسامه :وإلي جابه …
خلود :وإلي كلاه
صبا :ويد صبو إلي كلته ..
خلود : وانا؟
صبا :قومي قومي لأرفسك
راحت صبا غسلت ورجعت لكتابها ..تذاكر
صبا :خلود بنام إذا أذن المغرب قوميني ..أوكي
خلود :أوكي
نامت صبا ..
ورجعت خلود لكتبها وذاكرت لما أذن المغرب ..
تحت في الصاله
أبو خالد :يالله الدنيا تمشي
خالد :تصدق ..!!!
أبو خالد :هههه تستهبل أنت وجهك ..
خالد :يبه بطلب منك طلب ..
أبو خالد :وأنا كم عندي من خالد ..أامر بس لا تكثر ..
خالد :أبخطب ..
أم خالد :هذي الساعه المباركه ..
خالد :هاه وش قلت يبه ..
أبو خالد بتسامه:من تبي ؟
خالد :أبي صبا بنت عمي
أبو خالد :ذي إلي فوق ..
خالد :إيه ذي ..
أم خالد :والله ما نلقى أحسن منها ..
خالد :أمي موافقه بس أنت يبه وش رايك
أبو خالد :إلي تشوفه ..إذا تبيها خطبناها اليوم قبل بكرة
خالد :لا يبه هي بتخلص أختباراتها الأسبوع الجاي مع خلود ..إذا خلصت نخطبها ..
أم خالد :إيه يا أبو خالد ..وش رايك؟
خوله كانت جالسه معهم وتسجل كل شي
أبو خالد :على بركه الله ..
أم خالد :والله لو ما خلود ملقوفه وبتحرج البنيه كان زغرطت
خوله قامت بهدوء وراحت فوق
خوله دخلت عليهم لقت خلود تذاكر على السرير وصبا نايمه على الكنبه ..
خوله :خلود وش في صبا نايمه ليش ما تذكر..
خلود :إيه صح ذكرتيني …صحيها صحيها .
خوله :صبا صبا ..
صبا :أممه
خوله :قومي ..المغرب أذن وأنتي لسه نايمه
صبا قامت معصبه :خللود ما قلت لك قوميني على المغرب ..
خلود ما رفعت عينها من الكتاب :هذي خوله حبيبتي قومتك ..
صبا :إيه ليت العرب كلهم مثل خوله
خوله صار وجهها أحمر :صبا إذا صحصحتي أبيك بموضوع
خلود رفعت حاجبها :وشو .؟
خوله :أبيها تشرح لي مسأله في الرياضيات ..
خلود:أيه .هين
صبا قامت وتوضت وصلت ورفعت شعرها بطوق
خوله راحت لغرفتها
صبا :حرام عليك يا خلود لا عاد تسألينها ..
خلود :ترفع ظغطي ..بعدين السؤال عادي ..
صبا :بالنسبه لخوله مو عادي ..
خلود :أنا والله ودي أنها تتغير
صبا :وش رايك ندخلها معهد أعاده تأهيل في الصيف ..
خلود :مستحيل ..تبينها تزيد بعد
صبا :ليش
خلود :شوفي أنا بقولك سر ..
صبا :وشو .؟
خلود :شوفي أختي خوله ..كانت عاديه وطبيعيه ..بس من بعد حادثه صارت لها تغيرة ..
صبا:أي حادثه
خلود :مدري أنا سمعت أمي وأبوي وهم يتكلمون بس وش الحادثه ..مدري ..
صبا:أوكي ..كذا حلو …الأنسان إذا ولد وهو حالته كذا من يوم خلق ..صعب يتغير ..
بس إذا كان مثل خوله ..عادي يتغير بسهوله …بس تصدقين أول مرة أدري أن خوله كانت عاديه ..
خلود :اأموت وأعرف وش صار لها .؟
صبا :ترى بعض القافه تندمين أنك تلقفتي ..
خلود رجعت لكتابها :إيه والله ..
صبا :أنا بروح لخوله ..أخوك موجود ..
خلود : لا تلقينه طلع مع فهد ..
صبا :أحسن بعد ..
طلعت صبا لغرفه خوله وطقت الباب ودخلت ..
صبا :مساءالخ……
خالد كان عند خوله ويلعب هو ياها.
صبا رجعت على طول للغرفه :يمه
خلود :وش فيك ..
صبا تصرفها :يمه في قطو برى
خلود نطت فوق المكتب :يماه وتصارخ
صبا ورطت وصارت تدور في الغرفه ..شلون تسكتها ذي
صبا تسحبها ومن بين أسنانها :أنطمي أنطمي ..
خلود ترقص فوق الطاوله من الخوف :آآآآآآه يمه يمه …يماه خويليد ألحقني ..
صبا :جعلك الصمرقع ..أنطمي
خالد وخوله جاو يركضون وفتحو الباب لقو خلود تصيح فوق الطاوله وصبا تجر ثوبها وتقوللها :أنطمي فضحتينا .
خالد منهبل من أشكالهم :خير وش صاير
خوله ميته من الخوف ومتعلقه في خالد من ظهره
خلود بصراخ :وراك وراك قطو
خوله صارت تصارخ وتبكي ..
خالد ضم خوله ودخلها غرفتها وسكر عليها خوله تطق الباب بقوه وتصارخ
خالد :صبا
صبا ما تدري وش تسوي بالكذبه إلي قالتها
صبا :نعم
خالد سحبها من يدها ودخلها مع خوله في الغرفه وسكر عليهم ..صبا مب من وعيها تحس الدنيا تدور فيها ..ضمت خوله وصارت تهديها ..
أم خالد جات :خير وش صاير
خالد :يقولون فيه قطو في البيت ..
أم خالد :يمه خوله وينها
خالد :مع صبا بالغرفه ..
راحت أم خالد لغرفه خوله لقتها تصيح في حضن صبا
أما خالد راح لخلود إلي ماسكه جوالها وتصيح فوق الطاوله ومتخبيه ورى الستارة ..
خالد :وين القطو ما شفت شي ..
خلود :حتى انا ما شفته ..بس صبا تقوله
خالد :أقول أنزلي بس ما فيه قطو ولا شي
خلود :متأكد
خالد :إيه متأكد ..بالعقل من وين يدخل القطو ..
خلود نزلت من الطاوله ..:مدري يمكن دخل من الباب ..ولا شي
خالد راح :والله أنك فاضيه ..
دخل خالد غرفه خوله ..وأخذت صبا عبايه خوله وطلعت وهي ودها تذبح نفسها ..حاست البيت كله ..حمد ربها مليون مرة أن عمها مب هنا ولا كان حقق في الموضوع …
دخلت صبا على خلود لقتها تتلفت يمين ويسار ..جاتها الضحكه:خلود خلاص القطو باح
خلود :خايفه يا صبا خايفه ..
صبا جلست على الكنبه .:(يا رب ينسون الموضوع والله إني ندممانه )
خلود مسكت كتابها ورجعت تذاكر .
صبا تذاكر : خلود وش رايك إذا خلصنا ..نقدم في بعثه الملك عبد الله ..
خلود :صبا ..خلصي بعدين فكري ..
صبا :كيفك …
ذاكرو لما جا وقت العشى
لبست صبا نقابها وعبايتها وراحت تتطمن على خوله ..
دخلت لقت خالد عندها :مساء الخير
خالد بنص أبتسامه .لأنه عارف أن صبا تكذب :مسا النور
صبا :وش أخبارك الحين يا خوله
خوله :بخير ..
صبا :يالله أنزلي تعشي ..
خوله :بس ..
خالد :أقنعيها يا صبا مب راضيه تنزل ..
صبا :لا لازم تنزل ..إذا تحبني
خوله قامت :أوكي ..بس أنزلي معي
صبا أنحرجه وهي تناظر خالد :ما يصلح يا حبيبتي ..
خوله :لا تنزلين معي أتعشى مب نازله مب متعشيه
خالد :يالله يا صبا ..أبوي معزوم
صبا أرتاحت :اوكي ..كانت خايفه من عمها ..
نزلو وتعشو ..
خالد يناظر صبا وهي تتعشى وش لون تاكل وشلون ترفع الملعقه ..يعني ..احرج صبا ..
وصبا ما جابت هوى دارة ..
خالد :خلود ..أما شكلك كان يجنن وأنتي فوق الطاوله وخايقه من القطو
صبا بلعت ريقها وخايفه يسألونها وين شفتي القطو ..قامت :الحمد لله كثر الله خيركم
خوله :صحه
خالد :ما كليتي يا صبا
صبا (إنا لله وإنا له لراجعون ..يبي يفضحني ذا ) صبا ما لفت عليه :الحمد لله شبعت ..
رحت صبا على طول لغرفت خلود .وسكرة الباب :أوه ..ربي ستر.
حطت عبايتها وجلست تذكر ..طرى على بالها ربى ..دقت عليها ..
صبا :ألو
ربى :وجع وين رحتي من الصبح وانا أدورك وأمي مب راضيه تقولي ..
صبا:ههههه أنا في بيت عمي ..
ربى :بس ..على بالي ..عند عمتي كان ذبحتك ..
صبا :ربى وين فهد ليش ما طلع اليوم
ربى :ودى وليد للملاهي
صبا : أها ..أوكي يالله باي
ربى:باي ..
صبا سكرت ورجعت لكتابها وتذاكر بكل مافيها …صح هي ما تحب تذاكر بس حبها للسفر دفعها..
دخلت خلود :هاه شكلك مو عاجبك الأكل ..
صبا مندمجه في المذاكرة :……….
خلود :أنا بنام …الساعه ثلاث قوميني أراجع ..ok
صبا:طيب ..
نامت خلود وطفت المبات كلها باقي لمبه فوق صبا ..
..خوله دخلت على صبا:هئ الدوب مطفي عليك المبات
صبا أبتسمه :لا عادي ..
خوله :تعالي ذاكري عندي أنا أنام ما أطفي المبات
صبا قامت :أوكي ..
راحو خوله وصبا..لغرفه خوله …ونامت خوله ..
صبا :خوله ..متى ينوم خالد
خوله بصوت ماليه النوم :قد نام من بدري وراه بكرة دوام ..
صبا :أوكي أنا بنزل للحديقه شوي ..
خوله :ألبسي حجابك يمكن تلقين أبوي ..<<عشان ما يهاوشها ويقول أنها ما تستحي من خالد
………………………… ……..
