{مدخل .. !هنا طالت مسافاتي هنا تاهت عناويني
هنا هذا الحزن بحكايتي ما مل عاداته
هنا غربة هنا وحشه هنا الاحلام ترثيني
هنا موت الهقاوي للحنايا زف سكراته
ماقول ان الصدر ضايق أقول الكون فيني ضاق
ماقول أن غيبتك صعبه أقول البعد ينهيني
أنا يامازعل قلبي عليك وماطريت فراق
أشيل بخاطري يمكن..وارضى لو تراضيني
ياليتك بس تفقدني كثـر ماأفقدك واشتاق
قسم بالله مايطري على بالك تخليني
بعيني انت هالدنيا ومن غيرك لعيني لاق
كثير وماملوا عيني وقلبك بس يكفيني
فراق وكنت أبي منّك تعوّض هالصبر بعناق
عشانك بعت هالعالم وجيت اليوم تنفينـي
حبيبي حلت الفرقا وبعثرت بجفاك أوراق
عزاي بغيبتك صوره علـى بعدك تواسينـي
أنا غصب علي أرضى ببعدك وأكتم الأشواق
وأكابر رغم حرماني وأداري دمعتي بعيني
حبيبي والجفا سجني وقربك من سماي إعتاق
بكثر عيوبي بعينك فقدتك وينك وويني!
حبيبي حس في حزني ترى دنياي ماتنطاق
أهونها ولا هانت كبيره صدمتي فيني
وش اللي يصير بالدنيا لو إنك جيتني مشتاق
وش اللي تخسره يعني إذا فكرت ترضيني
من الآخر ترى بعدك عطاني هالزمان طراق
لأني كنت احسـب إنـك تمـوت وماتخليني
! .. مخرج }
ماني بقايل ياغالي شي عادي لو تروح
لو تروح يموت حلمي وتنتهي حفنة اماني
هم يتّعود سنيني غم واوهام وجروح
والف خنجر في خفوقي تطعن الحدب المحاني
وآحساس رآآقي ..~
ابدعت بطرحك الذووق ..~
يعطيك العافية ..~
ودي لك
