المرق من مطبخي 2024.

الكمية تكفي: 4 أشخاص
وقت التحضير: 10 دقائق
المقادير: كيلو وربع بصل كيلو الا ربع طماطم نص كيلو لحمه صحيحه نص كيلو لحمه مفرومه نص كوب رز ملح وفلفل وكزبره ناشفه مطحونه ربع كيلو سمنه حبهان ومستكه
التحضير: حطيت الرز فى الطحان وطحنته وحطيت عليه شويةمايه صغيره علشان يطرى وفرمت البصله وحطيت ملح وفلفل والكزبره الناشفه وهضيف كل ده على اللحمه المفرومه واخلطهم كويس
الطبخ: صبعت الكفته وابتديت اشوحها فى معلقتين تلاته سمنه
فى طاسه تيفال بحط معلقتين تلاته سمنه وبضيف عليهم المستكه والحبهان وبعد ما السمنه تسخن اضيف اللحمه علشان اقفل مسامها وبعد ما تاخد لون هاخدها على مايه بتغلى وفيها بصل وملح وفلفل وحبهان ورق لورو واسيبها تتسلق
هنفرم كيلو وربع البصل ونرش عليهم شوية ملح ونضيف عليهم كوباية مايه ونسيبهم على النار لحد ما البصل يتسلق ويبخر مايته تماما ويبقى بيلزق فى قاع الحله ونراعى التقليب المستمر
بعد ما البصل اتسلق ونشفت مايته تماما
ضفت ربع كيلو السمنه او نقدر نقول كوباية سمنه كبيره ونقلبها بصفه مستمره لحد ما البصل يخشخش فى المعلقه والسمنه تفصل فوق الوش
عصرنا كيلو الا ربع طماطم وصفينها من المصفه
خلاص البصل اتحمر تماما ونبتدى نضيف عليه عصير الطماطم كبشه كبشه مش مره واحده وبعمل كده ليه علشان البصل يستوى ويبقى زى المربى وطبعا نراعى التقليب المستمر ونسيب وقت بين كل كيشه وكبشه حوالى خمس دقائق
بعد ما خلص المرج وبقى جاهز والبصل بقى زى المربى

هضيف اللحمه المسلوقه مع المرج تاخد غلوه وتشرب منه
هضيف شوية شوربه على المرج بس مش اخفه اوى لانى عاوزاه تخين
نحط المراجيس على النار تسخن اوى
ابتدى اضيف المرج ومعاه قطع اللحمه فى المراجيس واوزعها
عملت طاجن فخار عادى سخنته كويس جدا وبعدها حطيت فيه المرج وضفت فيه الكفته وده علشان لو حد معندوش مراجيس يحط فى الطواجن الفخر عادى

وبالف هنا وشفا

يعطيك العافيه
الله يعافيش حبيبتي
مشكوره ياقلبي
سلمت يداكى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.