الدينصور والحاكم
الدينصور راح ابهمه مقهور
انمحه من الوجود بأمر ربه
صح هوَ جبل والباقي اقشور!
لكن لو تخلد حيل صعبه!!!
مثل حاكمنه صعبه ايصير مقبور!
لأن ياخذ عُمر من عمر شعبه!
—-
قبور وقصور
الشعب سوه احتلال احتل القبور
والحاكم غضب زيدها القصور
ياقبر ايتشيد يبني قصرين!
حتى اتكون للاحفاد بعدين
ابلا تفكير معروفه القضية
الحاكم سالم وشعبه الضحيه!
شفت شعب ابثورته اتعله للنور
وشفت شعب ابحصرته مات مقهور
لأن عاش ابظليمة وما رضى ايثور!
—-
حيرة
اغطي اعيوني بيدي من الاكيك!
حتى ما اناظرلك ابدربي
الكَه الكَلب تالي ينظر اعليك
بالله اشلون اغطي اعيون كَلبي
بقلم
حسين الساعدي
كلمات رائعه..
بكل حرف همست به..
وهذا يدل على جمال روحك وروعه احاسيسك
راقت لي هذه الحروف وهذا النبض الرائع
لقلبك السكينه
بكل حرف همست به..
وهذا يدل على جمال روحك وروعه احاسيسك
راقت لي هذه الحروف وهذا النبض الرائع
لقلبك السكينه
