امانه ليه..؟!! لاضاقت ضلوعـك صحـت باحبابـك
علامك ليه ياصدر الشقـاوي ماتطيـق الشـور
تهجّ. لويـن..؟ والدنيـا مـدا واسبابـي اسبابـك
اخبرك كنت.. ابو كل الفضا والخاطـر المسـرور
علامك ليه ضقت وطارت اسرابي عنْ اسرابـك
تجهّم للزعل وانت الحليـم الواسـع المخبـور
تصك ابواب صبرك ليه..؟ في وجـهٍ.. تعـزوابـك
أنا ما كنت أحسبك من بعيـد العالميـن تثـور
أثرك اللي تثور من اقرب الدنيـا.. مـن اقرابـك
غلط بعض البشر يرثع عبث في داخلك ويـدور
يلفّك ليـن حلمـك ينتهـي.. وتغربـل اعصابـك
انا وشلون اعديهـا..!! وقـول لحضرتـك… معـذور
ماْدامك ضقت فيه وجه اللي ليا ضاقت تهقوابك
رفيق الدرب من دونه حياتـي فـدوة المذكـور
حلالـه… كـل ماتملـك يدينـي لا لفـى بابـك
وصل فيك الزعل تلمس طرف من يجبر المكسور
وصل فيك العبث..؟ تخطـي بحقـه يـوم حيابـك
صدر واللي رفع سبع وبسط سبع ٍ تظـم بحـور
هذاك ان صد… صد الوقت كلـه واعلـن غيابـك
يميني لعنبو حيـك اليـا صكـت علـي دهـور
فخر راسـي لياضاقـت علّـي وجـاك طلاّبـك
هذاك اللي احسه في عيونـي للعيـون النـور
هذاك اللي احسه بـس يسكنـي ويحـي بـك
صدر ماعاد فيها زفرتينـك.. والطفـش والجـور
هنا,, وقّّف.. مـدام ان الزعـل عيـا ولا..تابـك
تعوّذ بالكريـم اللـي وهـب للمتقيـن الحـور
اذا ضاقت بك الحيلـه عليـك وضاقـت ثيابـك
وخلك مثل خبري بك مداهيلـك فـرح وسـرور
وقلّط كـل خلـق الله بوسطـك وافتـح كتابـك
قديم اسمع وارددها يقولـون الصـدور قبـور
وابيك تصير قبر همـوم وقتـي لا تقهـوابـك
مما رااق لقلبي
طرحتِ فابدعتِ
دمتي ودام عطائكِ
ودائماً بأنتظار جديدك الشيق
لكِ خالص حبي وأشواقي