**************************
لماذا يرفضكم ازواجكم احيانا ؟؟؟( تعلمي معي سر من اسرار الحياة )
لاحظت بعض البنات يكررون كلمات معينه
استغربتها
مثل :
– ليش الناس صارو ا كذا؟؟
– انا مهما اسوي احس الناس ما يبين بعينها ؟
– لاحظت اشياء غريبه بالمجتمع …..و …..و ليش الناس صارت بهالصورة ؟؟
– والى اخره
من الفاظ توحي ان الناس خبيثة و المجتمع سئ
وان الناس الطيبة اصبحت قليله
——————–
تقبلو مني هذي الفلسفة البسيطة في فهم الحياة والمجتمع النابعه من دينا الحنيف
ومدموجه بعض الاراء الحديثة
الحياة التي تعيشينها من اختيارك
يعني اذا اخترتي الحزن والبكاء والألم
ستجذبين المزيد من الحزن والهم وضيقة الخلق
لأنك المتحكمه الوحيده بمشاعرك وردود افعالك
أنت ما تفكرين فيه
اعرف وحده تزوجت عن حب وتعيش مع زوجها من سنوات
دائما تكرر اخاف يتركني
اخاف اقعد الصبح القاه هارب ؟؟؟
وتعيش بهذا القلق من سنوات
واصبحت تصرفاتها نابعه من تفكيرها
كيف ؟؟
اذا تأخر بالدوام تظن انه هرب منها
اذا انشغل عن الرد على مكالمتها او مسجاتها
تظنه بدا يتهرب
وبالتالي تتصرف على هالأساس
شلون؟؟
تكتب المزيد من المسجات
وتصل اكثر
وفي هذي الاثناء يكون زوجها مشغول او لاهي او اي عذر بالدنيا
ولما يكلمها او يرجع البيت
وش تسوي؟؟؟؟؟
طبعا عارفين
تسأله وتحاسبه وتشره عليه
وتبكي وتصرخ وتنهار
وهو احيانا يعتذر واحيانا يطنش
لما مع الايام صارت حياتهم
لف ودوران
واعتذارات
وتشره
و و و
بدأ يتهرب منها فعلا ………..
وزاد عندها شعور انه بينحاش منها
وبعد 9 سنوات زواج
وحب ورومانسيه من طرفها
قعدت الصبح ما لقته
دورت دورت دورت ما لقته
خرج ولم يعد
مع الأسف
زاد المها وحزنها وقامت تقول ليه الدنيا كذا؟؟
الي حصل انها كانت تفكر بكل وقت بأن زوجها بيتركها
مع انها كانت طيبه معاه ورومانسيه واغرقته بالهدايا والحب والعطاء
لكن ………
وأه من لكن
كانت تغرقه بالهم والنكد والملاحقه
والتشره والحنه ………
مما ادى الى ان يفرط بكل لحظات الحب والهنا معاها
ويهرب من روما نسيتها المزعومه….. الى راحة البال والهدوء
(( طبعا بتقولون هو غلطان كان المفروض يناقشها ويوضح وجهة نظره))
لا تظلمونه ولا تظلمونها
تتوقعن 9 سنوات ما فهمها ما يريد ؟؟
لا فهمها وتعب ونصحها
لكن (لا حياة لمن تنادي )
ولا تزال تعيش على قانون ( الجذب )
تجذب الأشياء السيئة في حياتها :
مثلا فلانه الي احبها ماردت على اتصالي اذن هي حاقرتني
وفلنتانه مالها خلقي اخاف ادق عليها ما تعطيني وجه
ولما تدق وهي مسيطر عليها هذا الشعور
راح تتصرف على اساسه و
و
تتوقع الرفض من الآخرين
وتسئ الظن
اي ما ردت عليه ما تبيني
ليش ؟؟ حرام عليها و …… و……..
الخلاصه :
في قانون من قوانين الحياة اسمه قانون الجذب
و هو بالضبط يعني
ان ما تركزين عليه بقوة وتفكرين فيه تجذبينه لك
سواء كان سلبي او ايجابي
مثلا الي تركز على فكرة :
مابي رجلي يكش مني مابي رجلي يكرهني
راح يجيها هذا الشي
الاصح ان تفكر
بنفسها انها قادرة على الحصول على حبهمثلا :
اذا فكرت وحده بأنها تعيش حياة تعيسه
وسيطر عليها
1-الغضب من زوجها
2- والوم الداخلي ( ليه كذا ؟؟ حرام عليه – عقب كل هالعشرة الطيبة يسوي ويسوي )
3- الرغبة في الانتقام ( الله يسلط عليه الله يحرق قلبه الله يهده …..)
4- التشفي — اي قلعته صار فيه كذا وكذا من حوبتي
وتعيش حياتها معاه بهذه الطريقه
كر وفر
وعطاء ثم لوم
حب و حساب
تتوقعن وش بيصير بحياتها ؟؟
راح يكون تركيزها على ( ما لا تريد )
وليس على ( ما تريد )
يعني :
اذا فكرت بزوجها تفكر ب : ليش ما عطاني ؟؟ ليش ما سوا لي ؟؟ ليش ما يحس فيني ؟؟ ليش …………. وسلسله ما لها نهايه من الوم او الغضب او الرغبه بالتشفي
الله ينتقم منك الله يذوقك النار الي ذوقتني اياها الله يسلط عليك
—
وراح تركز حيل على كل الي ما تحبه
وبالتالي راح ينجذب لها
الي ما تحبه
وتزداد غضب ولوم والم
ويزيد تفكيرها فيما لا تريد وهكذا
يجب علينا جميعا ان نعلم ان كثرة التفكير في اي امر
حتى لو سلبي
تجلبه حقا في حياتنا الواقعي
والحل ؟؟
الحل بسيط
ترجع لأخلاق القرآن والسنه
وتطبقها على نفسها فقط ولا تلوم الأخرين عليها
يعني اركز على ان اكون زوجه حسنة الخلق وطيبه وافعالي موافقه للكتاب والسنه
ولا اركز على افعال الآخرين
اركز على نفسي واحسنها
واذا صدر من الطرف الآخر ( الزوج)
ما لا ارغب به او استنكره
احرص على اعذاره ( سبعين عذر ؟؟ لا اكثر واكثر واكثر )
لأن هذا هو الحب الحقيقي
والأصل فيه نابع من حب الذات
لأن الي يحب نفسه راح يفيض حبه على الآخرين
ويعذرهم
ويسامحهم
ويترك الوم
الغضب
الحقد
الرغبه بالتشفي
الانتقام
اتمنى لكم حياه زوجيه سعيده
مشكورة ياقمر
موضوع رائع ومفيد
بس الله يهديهم
واول مره اكتشف اني الزوجه الصالحه
صح اتناقر مع زوجي بس لحد هواشنا ينتهي الموضوع
الحمد لله ومايخرج بره وابتسامه حلوه منو
تنسيني اي حركه بايخه عملها
ههههههه