كثير بنات يسألوني عن صالونات زينه لتنظيف البشرة تدرون وش قلت لهم — قلت لهم ما اعرف لان عندي الطريقه الصحيحة والكاملة لتنظيف البشرة مو بس من الصالونات لا بعد من طريقه العيادات المتخصصه في الجلديه ولتنظيف البشره
قبل لا تبدين غسلي بشرتك بصابون مناسب ولا تحطين على بشرتك أي شي
اول شي :
اعملي سنفره خفيفه لبشرتك واقصد فيها بدون فرك قوي
ثاني شي :
تنظيف البشرة بالميلك (الحليب المنظف) لمدة 3- 5 دقايق
الطريقه: حطي الميلك على بشرتك وخليه ثواني بعدين خذي القطن الخاص بالبشره وامسحي فيه الملك مع ضغط خفيف بس مو تضغطين حيل واذا راح الملك حطي طبقه ثانيه ومسحي بعد وكرري العمليه لحد ماتحسين ان بشرتك صارت نظيفه واذا ما تعرفين سويها لمده 3-5 دقايق
وبعدين شليه بغسل وجهك بالماء الفاتر وشوييييية صابون
ثالث شي:
استخدمي البخار للبشره لمدة تستطيعين ان تتحملينها يعني مو تختنقين على بالك ان الفايده اكثر واحسن لا خليه لمده تتحملينها ولا تقربين وجهك على جهاز البخار بشكل قرييييب حيل على بالك انك شاطره لا ياقلبي خلي البخار يلامس وجهك وبشرتك عن بعد واذا كنتي ماتملكين جهاز بخار استخدمي ماء حار عادي واستفيدي من بخاره او حتى بمغسلة الحمام افتحي المويه الحاره واستفيدي من بخاره
رابع شي :
استخدمي كريم تقشير لمدة 3-5 دقايق ويفضل ان يكون من ماركه طبيه وغير معطر او اذا ماكان عندك استخدمي عيش مطحون او دقيق النخي او حتى دقيق عادي او شوفان .
خامس شي :
استخدمي خلطة تفيد بشرتك اوأي خلطه حلوه ومفيده وترطب استخدمتيها وناسبتك بس ها بدون ليمون لان البشرة بتكون مساماتها مفتوحه وتكون ناعمه وخفيفه بعد التنظيف اللي سويناه
وبعد ماتحطين الخلطه على بشرتك استخدمي جهاز البخار واذا ما تبين مو مهم بس خلي الخلطه فتره .
سادس شي : <<< معلقه على كلمة شي
سادس شي :
اغسلي بشرتك بماي فاتر وجيبي اللزقات اللي تشيل( النقط السودة ) وفي منها للانف وللحنك وللجبهه استخدميها .
سابع شي :
استخدمي ماسك على بشرتك واذا ماعندك ماسك احسن استخدمي شي طبيعي مثل بياض البيض مع نشا او أي شي قابض للبشره والمنتدى مليان ماسكات بس ها مو خلطه ماسك يعني تحسينه يشد البشره وبعدين شيليه بمويه فاتره وحطي مويه ورد وكريم مرطب
وعليكم بألف عافيه تنظيف بشرتكم واذا استمريتي كل أسبوع راح تنعمين ببشره خياليه ونظيفة واذا حسيتي ان بشرتك يبيلها تنظيف اكثر او اذا كنتي تستخدمين المكياج وااايد استخدميها مرتين بالاسبوع
وهذي الطريقه هي الطريقه الصحيحه والكامله لتنظيف البشره واستخدميها اسبوعياً وهالطريقه تستخدمها الصاونات الكبيره وحتى العيادات واخصائيين البشره انا جبتها لكم ووفرت عليكم تعب ومصاريف اشرايكم فيني مو أموووره وشطوووره
خيتو
على النصايح
الله يعطيك العافية
تحياتي
سالفة عشق