السلام عليكم ورحمة الله وبركاته :
اليوم انا جايبه لكم طريقة عمل الحمام المغربي بالمنزل بدون عناء الذهاب للكوافير
وبحطلكم طرق وخلطات الجسم اللي تستخدمونها وان شاء الله تستفيدون من الطريقه وتطبقونها وتشوفون النتيجة الحلوة
:: اعملى حمام مغربى فى البيت بون تكاليف ::
**********
اولا قبل ماتقررين تسوين الحمام المغربي يفضل انك قبله بيوم او حتى دايما تستخدمين للجسم خلطة الجسرين والليمون
وهي عبارة عن الجسرين السائل الشفاف اللي عند العطار وتخلطين معاه عصير ليمونتين وتحفظينه بزجاجة وتدهنين جسمك منه
الخلطة تبيض مع الاستخدام غير ان الجلسرين يرطب ويلين البشرة
والحين تجهزين المقادير اولا الصابون المغربي وينباع عند كل العطارين بكل مكان
ثانيا** ليفه بودي شوب اللي على شكل قفازات حق الايدين
واذا ماقدرتي جيبي ليفه مغربية تلقينها عند اي عطار
ثالثا** مفراكة ظهر وهي عبارة عن عصا خشب طويله بنهايتها مفراكة و موجودة عند العطارين والسوبر ماركات
رابعا** صحن حاطة فيه عصير نصف ليمونه مع ملح خشن لتشكيل مزيج سنفرة يعني هالخلطة بتكون بمثابة سنفرة واذا مافي ملح خشن حطي ملح عادي بس كثري عشان لايذوب بالليمون وماتستفيدين منه
خامسا **قدر تحطين فيه ماء مغلي او جهاز بخار للوجه او اذا عندك غرفة بخار بالبيت احسن
سادسا **كيس نايلون على طولك تقدرين تستخدمين حق ملابس الرجال اذا جت من المغسله ولا تستخدميت كيس زباله عزكم الله لانه موزين فيه مادة موزينه
اذا مالقيتي كيس طويل خذي كيسين اقصر ولصقيهم ببعض يعني شوفيلك صرفه
***********
والحين نجي للطريقة:
اول شي شطفي جسمك بماء ونشفيه بالفوطه وخذي الصابون المغربي ودهني جسمك كله فيه من فوق لتحت مو فرك لا بس دهان
وبعدين خذي كيس النايلون اللي عندك وافتحي فتحة لراسك بس وخلي الكيس يغطيك من فوق لتحت بس راسك برى وخلي جهاز البخار او قدر الماء تحتك داخل الكيس يعني بين رجولك وانتي داخل الكيس عشان البخار يصعد ويظل داخل كأنك بغرفة ساونا وظلي على هالوضع ربع ساعة يكون جسمك تفتح مسامه وكل شي
بعدها شيلي الكيس وروحي للدش وشطفي جسمك بماء بس ولبسي الليفه بأيدك واقعدي افركي جسمك كله من فوق الى تحت راح تشوفين الجلد الميت يطلع من جسمك
والسواد والقذارات كلها ..الحين عقب ماشلتي الصابون المغربي بالوسخ اللي لصق فيه وجسمك مساماته متفتحه
الحين تاخذين سنفرة الليمون والملح وفركي جسمج فيها عدل عشان تنظفينه من الخلطة والوسخ وكلللل شي لانه الملح والليمون يعتبر معقم ومنظف عمييييق
********
عقب كل هذا اذا تبين تقدرين تستخدمين شاور جل عشان يعطيك ريحة حلوة وبس خلص الحمام المغربي
روحي غرفتك وتنشفي وتدهني ببدي لوشن او اي كريم للجسم وتمتعي بنظافتك ونعومتك اللي الكل بيحسدك عليها
هالطريقة اذا كررتيها كل اسبوع بتشوفين الفرق الشاسع باللون والنعومة والاثار وكل شي يشوه جمال جسمك
أتمنى تكون اعجبتكم وأستفدتوا منه .
( منقول و أتمنى الجميع يستفيد مثل ماانا إستفدة:icon_eek:
أتمنى لكي التوفيق
وأن شاء الله راح أجربها