الوسم: الناعمة

على المجهود الرائع المتميز

هذة البنت وهى نايمة فى غرفتها الدبدوب والارنوب كلهم فى احضانها
واذا قامت من النوم …ما تقوم الا الساعة وحدة الظهر واللى تقعدها من النوم الخدامة .. وطبعا تكلمها بالانجليزى .. ..
والناعمة اول ما تصحى من النوم تفتح الستارة والشباك علشان الغرفة تتنفس .. وتاخذ حمام محترم وبعد ما تطلع من الحمام على المراية تحط من هالكريمات والمكياجات لازم تحافظ على البشرة .. خلصت من المراية وتتجه الان الى الاستشوار .. وتنزل تاكل الفطور اللى يكون عبارة عن دونت وعصير برتقال .

البنت الدفشــــــــــــــة

تقوم الساعة 8 الصبح وهى ما ودها تقوم وتدخل امها عليها بالغرفة وتصرخ عليها قومى ما شبعتى نوم .. ترد الدفشة على امها .. زين زين الحين بقعد وتقعد تأفففففففف ..ويطلع من فمها نار .. بالاضافة الى انها وهي نايمة كل دقيقة تطيح من على السرير .. وبعدين يدخل اخوها الصغير ويصرخ يالله بسج نوم .. ترد عليه : اطلع من الغرفة والا أحذفك من الشباك الحين ..
المهم اخوها اللى اكبر منها يروح لها الغرفة يرفسها وبعد تلك الرفسة العنيفة تصحى من النوم .

البنت الناعمة

ما تتغدا الا الساعة 4 أو 5 و ماتتغدى الا على عيش وبيض مسلوق وسلطة تحافظ على رشاقتها

البنت الدفشة

تتغدى الساعة 12 بالضبط وما تتغدى الا كبسة ولحم او دجاج واذ خلصت تشرب البيبسى شربة واحدة يعنى ما فى مجال انها تتنفس .. وما تسمع الا اصوات مخفية

البنت الناعمة

طلعتها تكون من بعد صلاة المغرب .. ما تطلع العصر تحافظ على البشرة من ضوء الشمس

البنت الدفشة

تطلع الساعة 2 القايلة تروح مشي لبيت خوالها لحد ما تنقلب سمرة

البنت الناعمة

تروح كافيه مع صديقاتها وقبل لا تطلع تمر على الصالون تحط هذاك الميك اب

البنت الدفشة

تحط كحل يملا العين والروج تقول ماكله ياهل واذا بتروح تروح سوق الجمعة

البنت الناعمة

اذا تبى تضحك تقول ( هههههههههه) ويدها على فمها من الخجل والضحكة من الصعب انك تسمعها

البنت الدفشة

ها ها ها ها .. والجار إلي بآخر الشارع يسمعها

البنت الناعمة

لما تتفرج على التلفزيون تقعد على الكرسى وتحط رجل على رجل وتبتسم لان الابتسامة تضفي بشاشة على الوجه

البنت الدفشة

تنسدح على الارض وتحط رأسها على المخدة وتمد رجلها وتحطها على التلفزيون واذا تبي تغير القناة دقت التلفزيون باصبع رجلها وغيرت القناة

البنت الناعمة

اذا تبى تحلم احلام اليقضة طلعت فى حديقة بيتهم وقعدت على كرسي هزاز وقام الكرسي يروح ويرجع ..

البنت الدفشة

تروح بالحوش وتمد السجادة اللى فيها خمسة وثلاثين لون احمر واسود وابيض وحطت بطل ستة متر متروس شاي

البنت الناعمة

في نهاية الكلام تقول : باي أشوفكم على خير

البنت الدفشة

في نهاية الكلام تقول : يلا أنا بروح