هذي العنااااااااااااااية الفعالة للجسم ماقبل العيد
بشرط الاستمرار لمدة شهرين و 10 ايام
الفائدة منها.. اختفاء اثار الحبوب والبقع البنية والنمش والخطوط والكلف
ويعطيك التفتيح وتوحيد لون البشرة ونعومة فائقة ..
ورح اضيف شغلات تفيد الكل وبحط بديل لكدا شيء عشان محد يقول من وين اجيب هالشيء ومو متوفر وكدا.
اولا:رح نتكلم عن شيء مهم وهوه الاثار السلبية للعناية هذي ,طبعا في اثار اذا ماطبقتي اللي بقوله بالحرف ,ولحظتها انا غير مسؤؤلة عنك,اما اللي تمشي معايا حبه حبه وتطبق كل مااقوله بتطلع ع العيد مزه
عنايتنا بتكون قبل النوم ليه؟ عشان كلنا الصباح مشغولين ومابحالنا وعشان الكريمات تاخذ وقت طويل ع جسمنا ونستفيد
عناية لمدة شهرين كاملة يعني 60 يوم فقط ممنوع اكثر من كدا ومسموح اقل من كدا بيوم او يومين
تستحمي بماء دافى و بصابون مثل صابونات كوستال الصابون الافريقي الاسود او بالشيا او بالكاكاوو .هي طبيعية مصنعة في غانا ومناسبة لجميع انواع البشرة وتزيل الاوساخ اللي تتراكم ع البشرة وتنظف من قلب او البديل وهي (صابونة المره الخام)
وتستخدمي ليفة ظرؤري استخدام الليفة وافضل ليفة عجبتني واستخدمها لكامل جسمي ليفة الظهر مصنوعه من الياف طبيعية من بودي شوب او استخدمي البديل (الليفة المصرية) تجنن من العطار
بعد دا الشيء تستخدمي سنفرة فرانك او سنفرة قريبة من سنفرة فرانك اصنعيها بنفسك عبارة عن فنجان قهوة تركية داكنة خام بدون اضافات اخرى
فنجان بودرة الكاكاوو داكنة
فنجان سكر اسمر
ملعقة ملح بحري
شوي ماء ورد وشوي زيت اللوز المر وجنين القمح بحيث تصير عجينة خشنة متماسكة جدا
ولاتكثري زيوت انتبهي .
وزعيها ع كامل الجسم والوجه وركزي ع مناطق السمار والنمش والاثار والبقع واتركيها فتره وثم اشطفي جسمك وافركيه بيدك بنفس الوقت
وهنا انتهى الحمام .
جففي جسمك تمامااااااا
وضعي كريم الدوكين 4% على مناطق الاثار والبقع والنمش والاسمرار اما باقي مناطق الجسم رطبيها بكريم يرطب من قلب زي الفازلين او اي كريم تفضلينه حتى اليدين والرجلين والبسي لبس قطني اكمامه طويلة ظرؤري وتكوني بهاللبس حتى تتحممي اليوم الثاني في المساء
لان الدوكين وفازلين مع الضوء او الحرارة يعطي نتائج عكسية
لذلك اخترنا العناية مسائية ,مافي شيء اخر تسوينه خلال هذي الشهرين غير اللي كتبته وبمجرد ماتخلص ال60 يوم ماتستخدمي اللي فوق كله
باقي عندنا 10 ايام ..
اش بنسؤي فيها
رح نستخدم للجسم(اي كريم مبيض تثقي فيه) اذا مافي اي كريم يناسبك الحل هناا
(تستخدمي كريم مرطب للجسم قبل النوم)
(وسنفرة القهوة مرتين بالاسبوع)
تنبيهاااااااااات
1)الوجه ياترى كيف بنهتم فيه ؟؟؟
احنا خلال ال60 يوم كنا نستخدم له صابونة المره او كوستال و سنفرة القهوة لما نتحمم
شيء طبيعي رح يفتح الوجه وينظف كثير
(رح نستخدم للوجه خلال 20يوم قبل العيد كريم مبيض تثقي به)
2) اما المنطقة الحساسه والموخرة
خلال ال60 يوم كنا نستخدم لها الصابون والسنفرة والليفة والدوكين شي طبيعي رح تفتح وتبيض بعد
اذا لاحظتي من الشهر الاول ان لونها اصبح فاتح وماتحتاج خلاص لاتحطي لها الدوكين ابداا بس الصابون والسنفره وادهنيها بفازلين قبل النوم
3) خلال ال60 يوم اي منطقة تفتح وتشوفي انها ماعاد تحتاج توقفي عن استخدم الدوكين واستمري بباقي المطلوب
4)لاتضعي الدوكين ع المناطق الفاتحه ولاتستخدميه اكثر من 60يوم
5)اللي ماتعاني من مشاكل بجسمها تستخدم السنفرة مرتين بالاسبوع وكريم مرطب يوميا فقط
اضافات ..
1)اللي تعاني من سمار الابط في منتج مقشر ومبيض من ملكي دريس ..البديل له
(نصف حبة ليمون تفركيها بالابط وماتغسليها تنامي فيها) الليمون تقدري تستخدمية في الشهرين والعشر ايام وتشؤفي النتيجه وبتدعين لي ومابتقدري تستغني عنه
2)انظرو لمواضيعي السابقة عسى ان تستفيدو منها
اخيرا …
تعبت وانا اكتب هالموضوع وماابغا منكم غير الدعوة الحلوة ورفع الموضوع
انتظروني في موضوع للعناية بالشعر والرموش قبل العيد..