اخواتي الغاليات
:0154:
انا الحمدالله ربي اعطاني موهبه وحس فني وذوق رفيع بتصاميم فساتين السهره خاصه , وفي مجال الازياء للكبار والصغار عامه
انا دائما ارسم تصاميم فساتيني الخاصه (( فساتيني تبعت السهره )) واروح عند اي مشغل نسائي عشان المقاسات تطلع مضبوطه بالملي ويفصلونه لي مثا مانا رسمته
حتى والله العظيم لما اوريهم التصميم عشان يشوفون كيف ياخذون المقاسات يقلون من المصمم الي سوالك التصميم اقلهم انا فيتفاجون !!
والله العظيم اكثر من وحده قالت حرام تدفني موهبتك هاذي استغليها
ودائما وربي كل ماحد يشوف علي فستان ينهبل ودايم يسالوني عند مين مصممته وش اسم المصممه او المصمم يلي صمم لك هالفستان ولما اقلهم انا يتفاجأون فصار لي شهره بينهم بس بدون فايده استفيد منها انا :a2:
فصرت دائماً ارسم تصاميم لفساتين عرايس للي حتاجون مني مثل اخواتي او صديقاتي و قريباتي و صديقات صديقاتي وجاراتنا و بنات عمي وزي كذا ويروحون يفصلونها وتطلع الفساتين شي خرافي عالطبيعه ولما يعرفون العالم انه انا المصممه ينهبلون يفكرونه هالتصاميم يلي يشوفونها عليهم صمموها عند احد المصممين او المصممات
والله انا جد فنانه وشاطره بالتصميم :a2:
بس للأسف ماعندي سيوله استغل موهبتي وافتح لي مشغل خاص فيني :a2:
بجد انا محطمه ودي اصير مشهوره مثل هبه جمال وإيلي صعب وزهير مراد وهالمصممين والله العظيم ثم والله العظيم إن تصاميمي احسن من تصميمهم الف مليون مره وبجد انا واثقه من نفسي وعمري في حياتي ولله الحمد ماطلع لي تصميم بايخ دائم تصاميمي لها شكل غير
وربي عالم ماعندهم ذوق ولا حس ولا اي شي بالتصاميم ويصممون اي كلام ويبعيون بالشي الفلاني من 10 الاف وطالع
وانا الحمدالله عندي موهبه بالرسم يعني ارسم التصميم واخليك تتخيل شكل الفستان كانه قدامك قبل مايتخيط يعني اصوره لك بذهنك بالتفصيل وذوقي الحمدالله ماشاءالله تبارك الله جدا جدا رفيع وبشهادة الكل
واختار للوحده الون الي يناسب بشرتها واعرف اتنقى القماش المناسب لكل وحده وش يناسب شكلها وجسمها وجها وش الون يلي يتخن وش الون يلي ينحف وكيف لازم تكون القصه عشان تبرز جمال جسمك وزي كذا
يعني الوحده تستلم التصميم بالكامل القماش مع البطانه مع الصدريه مع الحماله مع الاكسسوار ومع اكسسوار الشعر والجزمه وكل شي لانه هالشي موهبه فيني من وانا بالثانوي والحين انا تزوجت وعندي عيال ودايم ارسم تصاميمي وافصل تصميمي الي هو من تعبي وشقاي عند مصممات ياخذون علي مبلغ اجمعه طول السنه ويطير بغمضة عين والمشكله التصميم تصممي انا :a2: والله هم مايسون شي بس ينبهرون من التصميم هذا اذا ماسرقوه لصالحهم :a2::a2::a2:
بجد تعبت ابي استغل موهبتي هاذي الي ربي عطاني هي
ساعدوني وش اسوي كيف ابتدي مشواري
والله الي تساعدني لها دعوه عند الكعبه الشريفه
الله يساعد من تساعدني ويفك همها ويزيح كربتها يارب
اتمنى فهمتو وش ابي اوصله
ابي يعني اصير مصممه ازياء واستغل موهبتي هاذي
يعني الواحد تجي تجلس معي وتفهمني وش هي مناسبتها ملكه زواج حفلة مدرسه حفلةتخرج عشا وزي كذا وانا اعرف وش هي تبي وابدا ارسم لها واشوف لها القماش المناسب وكل شي اضبطه لها وطبعا ماراح اطير باسعار الالوف الخياليه
بس ابي الوحده تدفع لي بالأخير حق تعبي لاني بجد تعبت نفسيتي ارسم واتعب لعالم حتى شكر والله مايشكروني :a2:
وفيه عالم يجيبون لي اقمشتهم وانا ارسم التصميم لهم وبعدها من قماش يارب لك الحمد الى فستان ولا تصميم احسن مصممه :rmadeat-a52ff53d67:
والحمدالله انا ماقوله اتكبر عليكم اني فنانه واعرف اصمم بس انا بجد موهوبه وحرام دفنت موهبتي كم سنه وابي الحين اطلعها
يارب تساعدوني الله يوفقكم يارب
يعني اكتب بتوقيعي انا مصممه ولا وش ؟؟
الله يساعد كل من يساعدني يارب
اختكم : بنت الجنوب :11_1_122[1]:
يسعدني أني أول من يرد على موضوعك
والله أنا لي مشتريه قطعة قماش حول أربع سنوات
عاجبتني جدآ ومو لاقيه تصميم حلو يناسبني ويناسبها
ماشاء الله إذا عندك هالموهبه الجديره بالأهتمام أرسلك
على الخاص صورتها وإرسمي لي موديل وحقك محفوظ
أما بالنسبه لحل مشكلتك
فأنا أقترح أنك تسوين لك بوردة أو كتلوج بسيط وتعرضينه
على صندوق عبد الطيف جميل لدعم المشاريع الصغيره
أو المبتدئه وبيمولونك بمبلغ تبدأين فيه المشروع
ومادمتي متميزه صدقيني بإذن الله راح ينجح مشروعك
وأنا أول زباينك
أسأل الحي القيوم أن يسرلك أمرك وينولك مرادك
ونشوف تصاميمك ماركه مسجله أنه ولي ذلك والقادر عليه
ومادام عندك الأصرار والثقه بالنفس والقدره على المنافسه
مافي شيء صعب
وأهم شيء الصبر وتوكلي على الله
:11_1_122[1]::11_1_122[1]::11_1_122[1]::11_1_122[1]::11_1_122[1]:
انا الي سعيده اكثر واكثر بمشاركتك بموضوعي وعلى هالرد الي يثلج الصدر بجد
وانا حاولت ارد لك عن طريق رسائل الزوار والرسائل الخاصه بس للاسف لازم تكون عدد مشاركتي كثير عشان اقدر ارد لك
وعلى قطعة القماش مو بمشكله ارسليلي ايميلك على الرسائل الخاصه على اساس اضيفك عندي بالمسن ومايكون خاطر الا طيب باذن الله
ومشكوره على الفكره الحلوه وان شاءاله انفذها باقرب وقت
يافديتك والله حبيبتي على هالرد الحلو مثلك
يعطيك الف مليون عافيه
عسانا مانحرم هالطله الحلوه