المقادير :
عدد 2 بذنجان رومى كبار و اتاكدى انه مش مرر
نص كيلو طماطم
شويه زيت درة و زيت للقلي
بيضه كبيرة او بيضتين صغيرين
شوية لبن
شويه دقيق
جبنة رومى مبشورة
جبنه موتزاريلا
ثوم و ملح و فلفل اسود و فلفلة واحدة احمر و بهارات صلصة ان وجد
الطريقة:
اولا هنقشر البذنجان كله و نقطعه بالطول مش بالعرض رفيع جداااا و بعدين نرش ملح و نحطه في مصفه تصفي المايه بتاعته
في الوقت ده تعصرى الطماطم و الفلفل الاحمر في الخلاص كويس و تشوحى حوالي ملعقه ثوم في شوية زيت و لما يصفر تحط الطماطم و الملح و الفلفل الاسود و البهارات و نسيبهم يتسبكوا على الهادى
نحط البيض مع شوية اللبن و ملح و فلفل اسود و نضربهم و حاجم تانيه نحط فيها الدقيق و نسخن زيت القلي = نحط البذنجان في الدقيق و ننفضه كويس و بعدها في البيض باللبن ونقلي و على فكرة الاطفال بيحبوه هو مقلي جدااا
بعد ما تتسبك الطماطم ممكن نخففها بشوية مايه حوال نص او تلات اربع الكوبايه
نحضر صينيه فرن نحط حبه صلصه و بعدها راق من البذنجان المقلي بس نزنقه جنب بعض و نحط راق صلصة خفيفه يادوب نسقي الصلصه بيه و نرش جبنه مبشورة و جبنه موتزاريلا و نعمل الراق التانى بذنجان و صلصه و جبن حوال 4 راقات و في الاخر نحرك الصينيه علشان نتاكد انه الصلصه متشربه كويس و فيها صلصه زيادة صغييرييين علشان دول اللى يتبخروا و نسخن الفرن كويس
و ندخله على درجه حرارة 180 لمدة 20 دقيقه بجيت الجبنه تسيح و الحروف تحمر شوية و نطلعها و نقعها و بتتاكل لوحدها او بالعيش و بالهنا و الشفا
صحة وعافية
موضوع متألق بروعته
وفقك الله ورعاكي لما يحب ويرضى
وجزاكي خير وجعله في ميزان حسناتك
