تتحدث بالهاتف الجوال لساعات طويله..وبهمسات رقيقه..والعشق بينهن او بينهم…
الأب غافل في صفقات الاسهم وبين مؤشراته…الفتاة أهملت واجباتها الدراسيه والمنزليه..الأم جاهله عن مايحدث في محيط منزلها..
الأبنه نوال قد وقعت في غرام
زميلتها هدى..نوال تتصف بجمال ورشاقه ونعومه…هدى مغرمه بها كذلك_
نوال:ليش غايبه اليوم حبيبتي هدى
هدى:مريضه_بغيت اموت
نوال:بسم الله عليك_إن شاءالله يومي قبل يومك
هدى: للدرجه هذي تحبيني؟!
نوال:تبكي..
هدى:وش فيك ياعمري؟!
نوال:ماقدر اعيش من غيرك_لاني اموت فيك..
هدى:وانا بعد احبك،واغار عليك من كل شي_وبالأخص معلمة الإنجليزي لانها معجبه فيك..
نوال:انا ماشوف إلا إنتي وبس
هدى:فديت روحك
نوال:قاعده تفكر وسرحانه!!…
هدى:الو…الو…ياهوه…
نوال:هلا..معك_وش كنا نقول؟!
هدى:دارت الشكوك في راسها_اكيد البنت تحب غيري_راح اجس نبضها..
هدى: على فكره يانوال راح نقل من الرياض إلى الدمام..
نوال:تبكي بشده..وتصارخ..لا..لا..انا راح اذبح نفسي لو تركتيني ونقلتي..
هدى:الآن تأكدت ان البنت رايحه وطي معي..اقول ياحياتي:انا اقنعت اهلي نجلس في الرياض وكله علشانك..
نوال:تحت تأثير البكاء الشديد_انا راح اقفل واكلمك بعد شوي..
هدى:اوكي ياقلبي..
نوال:مع السلامه..
هدى:وين بوستي المعتاده..
نوال:أمواه..
هدى:أمواه..
( ( (انتهت المكالمه) ) )
______________________________ ____نوال طلعت لغرفتها… باب غرفتها يطق:
طق_طق_طق:
نوال:مين؟!
اخت نوال:أمي تقول ألبسي علشان نروح أسواق الفيصليه..
نوال:ياهوه_كذا الحياة ولا بلاش_(عاشت ماما) ؛؛؛ ياربي وش ألبس؟! إيوه صح_عباية البات مان والبرمودا_،،واهم شي الشدو يطلع صح على الثمه_بس عدساتي مالقيتها_اشوى الحمد لله هذي هي…
باب غرفتها:طق_طرخ_طق_
نوال:وجع_اعرف انه انتي يامرجوجه..
اخت نوال:بسرعه السواق برا ينتظر..
نوال تفتح باب غرفتها""
اخت نوال:مو معقول!!،،، إنتي
رايحه لزواج..؟!وش هالكشخه_لا بالله الشباب راحوا فيها…
نوال:يالله تحركي قدامي تأخرنا..
الأم:يالله يابنات مشينا(الله يرحم حالها_غافله عن حركات بناتها)
_ركبوا السياره_وعلى طريق التحليه_شباب ماصدق خبر.. لثمه وكحله_وعيون نوال على هالشباب واسم بلوتوثها "الفارسه الملثمه"
الشباب:ضايقوا هالسواق_والعجوز تدعي عليهم ولاتدري
ان بنتها سبب زحمة هالشباب..
وأخيرا..وصلوا اسواق الفيصليه..
نوال تكلم اختها:شوفي الثمه حلوه ولا لا..
اختها:تكفي عيونك الساحره..
______________________________ ____
يتجهون للبواه
_وهم داخلين_نوال:هذا البراد ولابلاش_والله يعينا على حر الرياض..اقل شي لو اتركونا هالهيئات على كيفنا كان حذفنا هالعبايات والتخلف..
اخت نوال:نوال_نوال_ طالعي الشباب الثلاثه،، عيونهم عليك..
نوال:شي طبيعي،،بنت حلوه وعاجبتهم،،مو انتي_كلك على بعضك شبر..
الأم:يابنات انا تعبت خلونا نريح على هالكراسي..
نوال:اوكي مامي_بس تكفين احنا راح ندور على آخر موديلات صيف2017 وانتي ارتاحي وراح نرجع لك..
الأم:خلاص روحوا بس لاتضيعون مكاني..
أخت نوال:والله وصفالنا الجو في التسكع..
نوال:اثقلي عشان اكسر روس الشباب من كثر مايطالعون..
اخت نوال: قدها والله..
_وراهم شباب يلاحقونهم_واحد منهم يتحرش: ياحلوه تبغين الرقم ولا الإيميل..
اخت نوال:يانوال خذي الرقم والله الولد يهبل وانا حبيته..
نوال:اسكتي وطنشيهم شوي راح يكون بدل الأثنين عشره..
الشباب: اروح في الثمه،،ذوبتني نظراتك…
نوال:ترفع العبايه عشان يشوفون البرمودا والساق..
الشباب:والله الساق المبروم والبياض..
=يمر شاب وبقصد يحتك فيها الكتف بالكتف=
طاحت شنطة نوال وتناثرت الأغراض الي فيها_نزل الشاب يجمعها ونوال قاعده تجمع اغراضها ويتبادلون النظرات_الشاب وسيم جدا واعجب نوال..
نوال:شكرا اخوي..
الشاب:العفو_وانا آسف جدا على الي حصل_ولايكون تأذيتي من صدمتي..
نوال:لا بالعكس(قصدي عادي)
[[راحت فيها البنت،ونظراته مانزلت عنها وعرقها يصب]]
الشاب:مع السلامه،وماتشوفين شر..
نوال:مع السلامه..
_الشاب راح من عندها ونظراتها ما طاحت عنه_
اخت نوال:حبينا ياحلو_انا راح اقوله أختي معجبه فيك..
نوال:بلاش حركات اطفال، والمفروض هو الي يبدي إعجابه فيني ويقول تفضلي الرقم..
أخت نوال:طالعي البنات يعاكسون صديقك،،وانا اقول هذي فرصتك تعطينه الرقم؛؛ ولا راح يطيرونه البنات منك_خاصه ام العدسات الزرقاء..
نوال:انتي شايفه كذا؟!
اخت نوال:واكثر بعد_بس عطيني قلم علشان اكتب رقمك..
نوال:اوكي_تفضلي..
__كتبوا الرقم__
اخت نوال راحت للشاب وبيدها الرقم:لو سمحت! تفضل الرقم.
الشاب:وش الرقم هذا_وبعدين انا ماعرفكم_ولا مفكرين الشباب كلهم اصحاب غزل(مجرد نظرة إعجاب)صدق انكم على الريحه يالبنات..
اخت نوال ترجع وبيدها الرقم..
نوال:هاه بشري لايكون الرقم الي بيدك رقمه_انا قلت راح اجيب راسه يعني راح اجيب راسه..
اخت نوال:إيه هين_هذا رقمك..
ويقول انتي على الريحه بس ماصدقتي خبر..
نوال:يعني كذا،،اوريك فيه_انا رايحه له..
اخت نوال:لحظه يامهبوله،،محنا ناقصين مشاكل..
_تقرب نوال من الشاب وهو داخل محل وتقول:مين انت علشان ترفض رقمي،،انت عارف اني بإشاره من إصبعي اخلي الشباب كلهم يجون لي ركض..
الشاب:أحد ماسك!هذا السوق قدامك مليان شباب..
نوال تكشف وجهها الفاتن علشان تسدحه على وجهه_وهو ولا همه_ويقول_انتهيتي،،انا مشغول ولاني فاضي لك..
نوال ترجع لاختها طفشانه: يالله خلينا نمشي..
اخت نوال:طيب طالعي مين وراك يانوال؟!
ناظرت نوال إلاوالشاب الي رفض رقمها واقف جنبها ويبتسم..
نوال:ماتسمعين الكلام_يالله مشينا..
الشاب:لحظه :انا ماكنت قاصد اجرحك_ولكن حبيت اعرف وش كثر معجبه فيني ولأجل كذا جيتك..
نوال:والأن عرفت ياقاسي..
الشاب:اكيد ياحلو،،ولا فيه شاب يترك كل الجمال الي فيك..
نوال:علم روحك ياثقيل..
اخت نوال:عن اذنكم_اترك لكم الجو واروح اشوف بختي مع احد هالشباب..
الشاب:انتي فاضيه الآن..
نوال:إلى الساعه12يعني قدامنا ساعتين..
الشاب:وش رايك انا عازمك على عشاء في مطعم قريب..
نوال:قصدك اطلع معك في السياره_وانا ماعرف عنك شي حتى إسمك؟!
الشاب:انا إسمي مشعل،، ويحصل لي الشرف انك تقبلين عزومتي بمناسبة المعرفه..
نوال:إذا كان بمناسبة التعارف انا موافقه،،بس بشرط!..
مشعل:آمري يانظر عيني انا كلي لك..
_نوال:راح نحي الذكرى سنويا،
اوكي حياتي_ومانبغى نتأخر على الوالده_انا راح اتصل عليها واقول اني قاعده الف السوق علشان التيشيرت..
__اتصلت على امها المسكينه
واقنعتها،،وقالت الأم انا راح انتظركم في السياره__
وبرضوه إتصلت على إختها وبلغتها وقالت:طعاما شهيا انتي والاطخم الي معك..بس تكفين لاتنسين تصورينه علشان اوري صديقاتي صورته..
مشعل:خلاص ياحياتي جاهزه؟!
نوال:أكيد،،انا إذا قلت كلمه مستحيل اتراجع عنها،،علشان تعرف وش كثر انا معجبه فيك..
[طلعوا من البوابه وصلوا للسياره]
مشعل:اركبي ياحياتي..
______________________________ ____
ركبوا السياره وطول الطريق إيديهم متشابكه_وداخلين جو الرومانسيه والغرام واغنية خالد عبد الرحمن(تقوى الهجر)
والبنت قاعده تبكي..
مشعل:حياتي وش فيك،، ضايقتك بشي..
نوال زاد بكاها_ومشعل وقف السياره وحضنته نوال_مشعل يمسح دموعها ويمسح على راسها_البنت دخلت عالم الرومانسيه_مشعل إستغل الفرصه وطبعا البنت غرقانه في دموعها وحاطه راسها على حضنه والأخ يخط لإخراج شهوته_وقاعد يواسيها في الكلام العذب لاجل ماتصحى من رومنسيتها وتخرب طبخته..
_طلع على خط الدمام السريع قاصد مخيم الشباب_
وصل المخيم والبنت لازالت على اغنية (خالد) تبكي..
مشعل طفا السياره والبنت صحصحت من جو العاطفه..
نوال قاعده تناظر شمال ويمين والدنيا ظلمه والمباني بعيده_وقاعده تصرخ:مشعل الله يخليك رجعني لاهلي،الله يخليك،،انا وش سويتلك علشان تجيبني للمخي،شعل تكفى والي يرحم والديك،، ابوس رجلك بس رجعني…
مشعل:بالنسبه لي انا مابغاك!!
نوال:طيب ليش جايبني للمخي.
مشعل:ياشباب إطلعوا،،يانايف،،
ياسعود،،ياناصر،،ترى جبت الصيده الي قلت لكم_وانا عني مليت من هالاشكال..
الشباب:قدها وقدود يابرنس البنات…
__نوال من كثر بكاها يغمى عليها ويصحونها__
مشعل:اقول ياشباب،،،لاخلصتوا سهرتكم نزلوها بعيد عن الخط
ولاتنسون تغطون عيونها…
الشباب:أبشر ولا يهمك_
نوال!!فقدت أغلى ماتملكه في حياتها([[بإغتصابها]])
نزلوها الشباب بعد إغتصابها في مكان بعيد عن الطريق السريع وقالوا:تسلمين يانوال على الوقت المتع..
نوال صابتها صدمه قويه وصارت تركض زي المجنونه وتبكي،،فجأه!!شافت نور سيارات بعيده وتوجهت لها ركض لين اتضح لها انه الطريق السريع…
نوال:قعدت تفكر،،انا الي جنيت على نفسي وجبت العار لأهلي،،،انا السبب،،،
وبدون ماتشعر في نفسها شافت شاحنه تقرب ورمت نفسها قدام الشاحنه،،،فاصبح جسدها أجزاء متناثره على الطريق،،،
[(وكانت نهايتها مؤلمه)]
______________________________ ____
فمات امها حسره عليها،،
واصبحت اختها من حفظة كتاب الله ومن الداعيات إلى الله ومرضت بعد مرور سنه بمرض سرطان الدم……
والشباب لقوا حتفهم في حادث سياره تحت تأثير المسكر_ماعدا مشعل،،،فقد أصيب بشل رباعي مع فقدان للبصر وهو يرقد الآن في مستشفى النقاهه…….
………………………… ………………………… ……
