هذا ما جنتة نفسى{ الجزء الثانى } 2024.

الجزء الثانى

بدر: ماااااامااااااا شوفي شوفيييييييييييي هذا يديييي
اسماء: ويييييييين وييييييييييين!!!!!!!
بدر((هالمره فعلا شافهم وويراوي امه )): هذي هاااااااي يدوووه بعد وعموه عفراء وشيماء
اسماء: هيييييييييه صح هذييله هم شفتهم
بدر((يصارخ ..مو مصدق)): يدييييييييييي…….. يدووووووووووووو …..عمووووو عفراااااااااا
((وهو يسوييلهم بي بااااااي))
واسماء بعد نفس الشي .. ومن الصوب الثاني بعد عائلة بو احمد شافوهم من تحت وسوولهم بي بااااااي .. سارت اسماء هي وبدوري تزقر ريلها من المحل وتخبره انهم وصلوا
احمد: انزين قوليلي شو رايج في هذا آخذه؟
اسماء: هي هذي حلوه يالله بسرعه فشله يطلعون ومايحصلونا
احمد: اوكي يالله انا بسير احاسب وانتي خذي بدور ونزلوا تحت انا بلحقكم
اسماء: ان شاءا لله
خذت اسماء بدور ونزلوا تحت يتريون قوم بو احمد .. دقايق ونزل احمد وسار عندهم
احمد:هاا بعدهم مايوا؟؟؟
اسماء: لا بعدهم
بدر: ماما .. ماما شوووووفيي هذووووو يدي خليفه
اسماء: هي والله هذيلا هم
احمد مستاااااانس يسوييلهم بي باااااااي .. طلعوا قوم بو احمد وساروا عند احمد وزوجته وولده وشكلهم مستااانسيييييين وخاصة ام احمد الي ولهانه حيل على ولدها وحفيدها
احمد على طووول سار سلم على امه وباسها على راسها .. وبعديين سار سلم على ابوه ومن الصوب الثاني اسماء اتسلم عالبنات وبعدين سارت سلمت على ام احمد ..
والكل اتخبل على بدوووووور قطعوووووه من البووووس وخاصة البنات..
ام احمد:ماتتصوروووون اشقد ولهت علييه
احمد: افاااا امييي بس علييييييه
ام احمد: عليك انت واسماء بعد
احمد: لالا خلاص انا زعلان
ام احمد: ههههه انت لين الحين مايزت من سوالفك
الكل يضحك
بو احمد: يالله يالله كملوا سوالفكم في البيت خلنا نروح الحين فشله جي واققفين جدام الناس
احمد: اوكي يالله خلنا نسير يايب السياره العوده انا
بو احمد: اوكي يالله
في الاستيش الكل مرتبش وضحك وسوالف ..احمد الي كان يسوق بهم وبو احمد كان قاعد جدام واسماء وام احمد وعفراء كانوا يالسين وراء اما شيماء اصرت تقعد بروحها ويا بدوري وراء عشان تبوسه على راحتها وتسولف معاه ..
عفراء: والله وناااسه كان ناقصنا انتوا
اسماء: والله انا كاان خاااااااطري ايي معاكم بس هذا مايابني
احمد: اسمعوا انتوا هاي … اونه هذا قولي حبيبي .. قولي ريلي .. قولي عمري حياتي عادي ترى لا تستحيين اهلي هاييله
عاد اسماء اهني استحت وماعرفت شو اتقول ومنزله راسها تحت وخدودها صاروا حمر من الحيا
ام احمد: بس عاااد احمد عن المصاخه احرجت البنت
عفراء: هههه هذا من يومه جييه طفس
اسماء((بدلع)): بس عاد عفاااري لا تغلطيين علييه تراني ماارضى
احمد: اااااااااه يا قلبي شو اسوي في عمري انا خلااص بدعم
اسماء: يالله عااااااااااد عن المصاخه
احمد: ان شاء الله تامرين امر انتي
عفراء: عشتوا
احمد: شو ما عايبنج يعني
عفراء: لامب عايبني ((وتطلع لسانها برع))
بو احمد: بسكم بسكم ماتيوزون انتوا..الحمدالله ان جريبين البييت بسير بحط راسي وبرقد
احمد: شو ترقد ابويه الحين الصبح خلنا نقعد نستانس مع بعض
بو احمد: لا بووي استناسوا انتوا انا بسير ارقد تعبان
ام احمد: هي والله انا بعد تعبانه بس برقد ويا ابوك
شيماء: ما عليكم انا وعفراء بنقعد وياكم كنا خامدينها في الطياره
اسماء: خلااص احمد بنقعد مع البنات عاد مشتاقه اعرف اخبارهم واشوف اغراضهم
ام احمد:متى بتلحقين تشوفيين كل هاا ما خلوا شي في لندن ما يابووه
عفراء: هههه لا عاد امي لا تبالغين وايد انا روحي شنطيتييين بسسسس
شيماء: وانا شنطتييين ونص بسس
احمد: ولللللل ما خلو شي وحق حرمتي كم شنطه يبتوا
اسماء: هههههه اسكت فضحتنا
عفراء: هههه خليه يا مرت اخوي لا تحاتي الشنطه الكبيره كلها اغراض حقك وحق مرتك وبدوووري فديت روحه
شيماء: هييييه وكل الي يبناله كان من ذوقي
………………………… ……………….. …
حمد: انزين قولي متى ساير تخطبها
سيف: ماادري يا حمد خايف
حمد: خايف من شووو؟
سيف: ماادري اخاف ما ترضى فيني مثل ما سوت في الي قبلي
حمد: انت لاتخاف وقوي قلبك .. شوف انا بقولك شو تسوي انت اول شي كلم ابوها وشوف شو بيرد عليك بعدين طرش الاهل
سيف: امممم فكره حلوه
حمد: هي يا ريااال بس عاد كبرت لين متى بتتريا انت الحين ماشاءالله حالتك مستقره واذا مارضت الف وحده غيرها
سيف: غيرهاا؟؟؟؟؟؟!!!!!!انا آخذ وحده غير عفراء؟؟؟؟ انت شو اتقول يا حمد اكيد اتخبلت
حمد:هي ليش شو فيها
سيف: انا مااتخيلت عمري مع وحده غيرها لا مستحيييييييييل
حمد:ما عليك انت بس سووا الي قلتلك علييه واذا الله كاتبلك نصيب فيها بتاخذها واذا لااا خلااص
سيف: ان شاء الله تكون من نصيبي..المهم قولي انت شخبارك
حمد: انا والله الحمدالله متلعوز ويا هالاسكان مب طايعيين يعطوني ارض عشان ابني فيه بييت واستقررر انا والحرمه والعيال
سيف: ههههه اونه عيااال الي يقول الحين عشره
حمد:ههههه وشو يعني هالثلاثه الله يخليهم لي باجر بيكبرون
سيف: انزين انت راجعتهم؟؟
حمد: اقولك فوق العشر مرات رايح عندهم ماشي فايده يوعدوني خير بس انا ماشفت منهم شي لين الحين
سيف: يالله ماعليك غيرك اتريوا بالسنييين
حمد: هييه انا وانا شو بيدي اسوي غير اني اتريا ..
سيف: المهم يالله قوم خلنا نسير نتريق يوعاان ..
حمد: يالله ..
ويسيرون حمد وسيف يتريقون..هم ربع من يوم ماكانوا صغارومول مايخشون شي عن بعض دارسيين في نفس الجامعه ونفس التخصص والحين يداومون في نفس المكان ..
………………………… ……………….. ………………………… ……
في بيت قوم بو احمد وفي هالصاله الكبيره ..عفراء وشيماء فارشييين اغراضهم ويالسيين يراوون مرت اخوهم شو يابوا من هنااك
اسماء: يا سلااااام هالبدله واايد حلوه لا يقه عليج شيماء
عفراء: انا شريت منها لون احمر ويبنالج لون بنفسجي مثل ما وصانا ريلج قال اي شي بتيبونلها يكون لون بنفسجي
اسماء: هههه فديته عيناوي وانا بعد عيناويه
شيماء: لاااااااا عيوني الوصل وبس
عفراء: والله ما عندكم سالفه..خبريني وين راح احمد؟؟
اسماء: قال بيسير الشركه شوي وبيرد
تطلع ام احمد من الحجره وتشوفهم عافسين الصاله فوق تحت
ام احمد: انتو شو مسويييييييين
اسماء: هلا عمتي حياج قعدي معانا
ام احمد: جي انتوا خليتوا مكان عشان اقعد
عفراء: امي ليش مارقدتي
ام احمد: والله يا بنتي ماياني رقاد ياامي فشيله شلوا هالاغراض وودوا الحجره شوفوهم اخاف ييونا ناس
واول ما خلصت ام احمد كلامها سمعوا صوت الجرس واتسير البشكاره تفتح الباب
ام احمد((تشهق)): ما قلتلكم ..
ميري: ماما .. في حرمه برع تبيج انتي
تسيير ام احمد تشوف منو عالباب
اسماء: اويييي فشله
عفراء: خلها تيلسهم في الصاله الثانيه
ام احمد: هلا والله حياكم الله
ام سيف: الله يحييج يا ام احمد وحمدالله على سلامتكم
ام احمد: الله يسلمج ..عاد اسمحولنا عاالعفسه الي صايره اتعرفين بعد البنات ماصدقول وصلوا البلاد وفتحوا الشنطه يشوفون اغراضهم
ويرورحون البنات ووياهم اسماء يسلمون هلا ام سيف وعايشه..
ام سيف: افا عليج يا ام احمد نحن مب غرب خليهم يستانسون
اسماء:اتفضلوا اهني في الصاله الثانيه
ام سيف : دام فضلج يا بنيتي
عاد ام سيف وام احمد يندمجون بالسوالف والرمسه ويا بعض بس في فرق بين ام سيف وام احمد من ناحيه الشكل مع انهم قد بعض بس عاد ام احمد امبين عليها بنت 25سنه اما ام سيف على عمرها 45..
عفراء((وهي تطالع عايشه من تحت لين فوق وموول ما عايبتنها استايلها ..تبتسم في ويهها عشان ماتبين لها)): شحالج عايشه؟؟
عايشه ((ترد لها الابتسامه)): الحمدالله اشحالج انتي
عفراء:بخير
عايشه: هاا شيماء مستعده حق الجامعه
شيماء: هيي ما خليت شي مايبته من هناك
عايشه: زين سويتي احسنلج .. شو اي جامعه ناويه تسيرين؟؟
شيماء: ان شاء الله جامعة عيمان
اسماء: انتي عايشه شو مسويه مجهزه نفسج للتقنيه والا بعدج
عايشه: لا والله بعدني بس باقي اسبوع ان شاء الحق
شيماء: والله كان خاطري اييج التقنيه
عفراء: لا والله الجامعه احسنلج التقنيه حق الي عالحافه
عايشه((حست انه عفراء يالسه تنغزها)): والله الحمدالله على كل حال انا عايبتني دراستهم وايد ووعدوني اول مابخلص بداوم عندهم
شيماء: والله كشخه
عفراء: شو كشخه انتي الثانيه بعد حق شو تبين تشتغلين الخير وايد الحمدالله
اسماء((تغير الموضوع لانها تشوف انه عفراء مصختها)): الله يوفقج يا عايشه الا قوليلي شخبار اخوج سيف
عايشه((وهي مضايجه وايد من اسلزب عفراء)): الحمدالله بخير
ام سيف: يالله عايشه قومي خلنا انسير الجماعه يبون يرتاحون
ام احمد:لا وين تروحون قعدوا تغدو معانا
ام سيف: لا مشكوره فديتج انتوا ارتاحوا بعد ياايين تعبانيين
ام احمد:حياكم الله بأي وقت
ام سيف: الله يحييج فديتج.. يالله مع السلامه
ام احمد: مع السلامه

طالعيين الرياييل من المسيييد وتوهم كانوا مخلصين صلاة اليمعه …
سيف: عمي راشد اشحالك؟؟
بو احمد: هلا بولدي سيف شخبارك عساك بخير
سيف: تمام طولي بعمرك ..حمدالله على سلامتكم
بو احمد: الله يسلمك من كل شر
سيف: اشحالك احمد؟؟
احمد: تمااام انت شخبارك
سيف: والله الحمدالله بخير ويينك انت يا ريال
احمد: والله موجود انت الي وين لا قمت تتصل ولا شي ولا جنه كنا ييران
بو احمد: عاد اليوم غداك عندنا يا سيف
احمد: هي صدقه ابوي
سيف: لامشكوووورين ما قصرتوا بس ماادري شو اقولك يا عمي انا الصراحه بغيتك في سالفه
بو احمد: عيل اييك رااي .. تعال تغدى معانا ومنها بتقولي سالفتك شو رايك؟؟
احمد: كلام ابوي عدل
سيف((يبتسم)): خلاص الي تشوفونه
………………………… ………………..
عفراء يالسه في حجرتها ملانه مااتعرف شو تسوي ..حاطه هالاب توب على ريولها وهي تدور من موقع لين موقع..لين ماتذكرت انها تفتح تلفونها لانهم امس رادين من السفر وماخذت تلفونها وياها لانه اصلا ما يشبك هناك..طلعت تلفونها من الكبت واول مافتحته فوق العشريييين مسج وكله من حبيبة قلبها وصديقة عمرها ميثه وكله تسأل عنها ..
عفراء: ههههه فديتج ميثووه والله ولهت عليج .. على طول تدق عليها ..
ميثه: واااااااااي ما بغى هالرقم يظهر في تيلفوني
عفراء: فديتج والله ميثوووه ما تتصورين اشقد متولهه عليج
ميثه: هي هي قصي علي اكبر دليل انج حرقتي تيلفوني صج ماتستحين على ويهج راده من السفر مافكرتي تتصلين فيني عالاقل تطمنيني عليج
عفراء: شو اسوي والله تعرفين اني امس راده وانا ما خذت تيلفوني معاي واليوم اتذكرت افتحه
ميثه: ماعليه بطوفها لج هالمره
عفراء: ههههه ادريبج اصلا مااهون عليج .. المهم خبريني انتي اشحالج
ميثه: والله تمااام الحمدالله انتي شخبارج وشخبار لندن
عفراء: والله الحمدالله كل شي تماام خاطري اتيين عندي البيت في خاطري كلام وااايد ابغي اقوله شو سوينا وشو ماسوينا واراويج اغراضنا
ميثه: اممممم بشوف انا بقول حق امايه اذا خلتني بييج
عفراء: لاا بليييز لا تقولين لاااا ولو ماخلتج انا بتفاهم معاها
ميثه: هههههه هي دومج جي تقردنينها لين ماخلتني
عفراء: هههه شفتي عاد خبره
وهي يالسه اتكلم ميثه تسمع صوت دقات الباب
عفراء: لحظه ميثه .. امنواا
شيماء: انا … بطلي الباب
وتقوم عفراء عشان تبطل الباب على اختها …
عفراء: هااا شو تبين
شيماء: شو ما تبين تتغدين
عفراء: بيي الحييين
وتسير عنها شيماء وهي تاخذ موبايلها
عفراء: اقولج ميثوه بتصلج عقب الحين بسير اتغدى
ميثه: اوكي فديتج يالله مع السلامه
عفراء: مع السلامه

يا ترى شو بتكون ردة فعل عفراء؟؟؟؟؟