في مجتمع غاضب وحاقد ومشحون
وتخيلوا لو تلتفت كل الانظار
للمشهد اللي وقفت دونه عيون
وتخيلوا لما رحل الحرب تندار
مابين حكام العروبه وصهيون
اليا متى نستقبل ذنوب بأعذار
واليا متى نستنزف جروح بطعون
نتبع خطأ تيار ونصد تيار
نبعد وعدوان المسلمين يدنون
لوكان بقلوب العرب صبر واصرار
ماكان سووا فيكم اللي يسوون
بهمالكم بدلتم الثار بالعار
بعتم تراب القدس وانتم تشوفون
حنا كذا بمعارض الراي شطار
لين أستوى بالمجد عالي ومطمون
من كثر ما كنا نجامل ونحتار
صرنا نخاف نعارض اللي يقولون
لقدس تصرخ والسما تحصد أعمار
والدم ينزف والارامل يموتون
وارواح تسلب سلب واعصاب تنهار
واطفال تعدم والبشر ما يحسون
خمسين عام نحارب الشرك بأحجار
وبسكوتنا نبني عمارات وحصون
ننسى وكن اللي حصل شي ماصار
نسكت وكن مابيننا شخص مغبون
لين أشربوا من دم الاسلام كفار
وبعروقنا صاروا يروحون ويجون
استضعفوا لين اضعفوا كل الاقطار
ساقوا غضبهم والاوادم يصلون
يستدرجون العزل للسمح الابرار
يستمتعون بقل الاطفال بالهون
ماكنه الاشعب مخلوق غدار
في قلب لا ساكن ولاهو بمسكون
بالذل ماتلقى على صيته غبار
كبارهم واطين وصغارهم دون
لابارك الله فيهم صغار وكبار
ولاجمع الله شملهم وين يسعون
وماتنطفي شمس الحقيقه ولو جار
فينا زمان الذل والضعف والهون
ودام الفشل والضعف ثلثين الاضرار
لابد ما نضحك ولا بد يبكون
وأنكانت قلوب العرب تنذر انذار
ليش انتجاهلهم واهم يستبدون
الناس قالت حارب النار بالنار
ومالله خلق للادمي عمر مضمون
وان كانت الفزعه من أحرار لأحرار
حنا البروق اللي غدت سحب ومزون
وحنا السكون اللي سبق عصف واعصار
وحنا سباع الكون يا لعنة الكون
وحنا عرب والعرب ماتترك الثار
بافعالنا ماهي بقولة يقولون
نزعل ولكن بالزعل دمنا حار
نفزع اليا شفنا العذارى يصيحون
عقالنا معهم من العلم مقدار
ومجنوننا ينطح ثمانين مجنون
ياشعب يا ثاير وياشعب مغوار
هون من اسباب المعاناه وتهون
أصرخ على كل البشر وأجهر أجهار
وخل اليهود إن مادروا عنك يدرون
وأجمع شتات الوقت تذكار تذكار
وأذكر مواقف كل طاعن ومطعون
حارب بدين الخالق النافع الضار
واستذكر الرحمن وابليس ملعون
واطرد من ارض الله عدوين الاذكار
وان جوك ولا جعلهم مايردون
ورح قلهم حنا على كل مشوار
وذوقوا مرارة نصف ما تستحقون
واذا رضيتم قولوا الوقت دوار
واذا زعلتم سووا اللي تسون
مع تحياتي
عروبة فلسطين :0153:
مشكورة
يعطيكي الف عافية
وبحث عن رد يوفي تألق طرحك
فلم اجد سوى الصمت تقديراً
لروعت ما سطرت اناملك
فمهما تكلمت أو رديت فلان
اصل لقمة كلماتك
تقبلي مروري المتواضع
على روعة طرحك
آبار
هذا انت كل الروعه
والله يزيدك الف عافيه يا قلبي
منورة حبيبتي
تسلميلي يا رب
احلى كلام والله
وانت هذا كل الروعه
منورة حبيبتي