جبرك الوقت ترجع لي جبرك و جيتني ندمان
دمرك الشوق يا خاين وجيت تسابق ظلالك
عرفت الحب بغيابي وعرفت انك معي غلطان
تأكد ما يشرفني طريق(ن) دربه وصالك
تبيني اخضع لجل عينك وأنا ما اخضع ومهما كان
أقص الراس قدامك ولا اخضع لأشكالك
لعبت بحسبة جروحي وكتبت من الحزن عنوان
ونسيت اللي يحبك موت وصار الغير يحلالك
إذا غيري يبي قربك وصرت فبحره الغرقان
نصيحة لا يموت الحب ومن قلبي هنيا لك
تشب النار في قلبي وتنسى إني معك إنسان
تخالط بالشقى هيلك وصب الهم فنجالك
بعد ما انقلبت الدنيا تجيني محترق ولهان
وتقول أرجوك سامحني وعد مني أبوفا لك
تبي قربي انا حاضر ولكن بطلبك من شان
تشوف شلون لي عزه ترد الجرح لأمثالك
أبي تبكي على شاني وأبي تصرخ من الحرمان
ولو إني بآخر الدنيا أبسمع صوت موالك
أبيك تصير مجنوني ومن شافك يجي شفقان
يقول شلون علمني وش اللي غير أحوالك
تدل الدرب من دوني وقدامك سكة الأحزان
توكل لا تناديني ويعينك الله على حالك
وأنا يكفيني ذليتك وحديتك على الهجران
تقول الموت من بعدك وأقول هناك اشوالك
غسلت ايديني من حبك وبرحل واهجرك يافلان
فمان الله وباقيلك نصيحة خلها فبالك
ترى من يضحك الأول مصيره فاللعب خسران
وأنا من يضحك الثاني عشان أحطم آمالك
كلمات قمة الروعه
لاعدمنا هالابداع
تقبلي زحلطتي ^^
جمال بلا حدود
كلمات تعجز حروفي
مجارات جمالها
ابداع وتميز
فها انا احتضن حروفها بعيني
واتأمل جمالها
فلكي كول عبارات الشكر
متألقه دائما
تقبلي مروري
وتواضع ردي
ودي غاليتي
آبار