أبرحل عنك صدقني كرهت الحب باسبابك
أبرحل ما حنيت الراس لك يا خاين العشره
أبرحل واهجر ديارك وخلك في هوى احبابك
أبرحل والغلا بيني وبينك منتهي عصره
أبرحل واترك الماضي وبمسح صفحة كتابك
أبرحل عنك واسمعها أنا طلّقتك بعشره
تعبت اكذّب الواقع واصدّق كذبة اعجابك
لأني عاشق مخلص ملكني حبّك بسحره
تعبت اراعي شعورك واغظ الطرف بغيابك
غشيم واحسبك وافي خدعت القلب بالنبره
رخصت الكل من شانك .. رضيت اتحمل عتابك
ولكن للأسف حبّي من افعالك ذبل زهره
تحملتك على ظلمك وقلت الوقت يصفى بك
واشوفك تلعب بذيلك وغدرك آه وش كبره
الوفوق الغدر تتمسكن وتخفي سّم بانيابك
وتظهر دمعتك تبغي تغش الي رخص عمره
ولكن وفّر دموعك تراني خابر العابك
انا ماني مثل غيري ضعيف النفس والقدره
محيت اسمك وشقّقت الرسايل وانقفل بابك
ولا عاد المشاعر يحترك من شوقها شعره
كرهت اسلوبك الماكر كرهت اناظر اهدابك
وعفتك عقب ما بانت حقيقة قلبك وغدره
مصير الوقت يثبتلك وفاي ويحرق اعصابك
وتتحسف على مافات منك وتمتلي حسره
اقول ارحل فمان الله ولاني بحسب حسابك
مدام الغدر في دمك توكل لا تجي بكره
توكل لملم شتاتك معاد الوقت يحلى بك
توكل لا تحسب أني بهل بغيبتك عبره
ابي تنسى حروف صغتها لك يوم تزهى بك
وابي تنسى حبيب سال حبره دم في شعره
بعلّمك الوفا واشلون لين الغمّ ينتابك
واجرعك العذاب اشكال دامك تبريت بالعشره
ودمتم بحب .gif)
تلك المشاعر التي
خطها لنا قلمكِ الجميل هنا
لقد كتبتِ وابدعتِ
كم كانت كلماتكِ رائعه في معانيها
فكم استمتعت بموضوعك الجميل
بين سحر حروفكِ التي
ليس لها مثيل تقبلي طلتي(شيخة وبنت شيوخ)