السلام عليكم و رحمة الله
نظرا لكبر مشكلة الخبز القديم و اليابس و التي هي الشغل الشاغل لمعضم العضوات، قررت أن أضع وصفاتي الخاصة و التي جميعها مقتبسة اما من كتاب أو من قناة فتافيت أو من الانترنت مع التعديل طبعا بما يلائم امكانياتي الصحية و المادية. و سيكون متجدد بإذن الله (وصفة في أسبوع أو أسبوعين حسب الوقت). و الآن اترككم مع اول وصفة.
الوصفة 1: هريسة الخبز
المكونات: 6 كأس خبز مرحي يابس، 2 كأس كوكاو مرحي، 2 كأس سكر أحرش، 2 كأس سمن (زبدة لا)، 1/2 كأس ماء ، 1/2 كأس ماء ورد ( ماء زهر لا)، فانيلا.
التحضير : تمحر كل المكونات جيدا ما عدا الماء و ما ء الورد ، حتى تصبح متداخلة جيدا . في الأخير أضيفي الماء و امحري جيدا حتى تصبح عجينة.
رصيها جيدا في بلاطو 25*35 سم اليك الصورة و قطعيها و رشقي الكوكاو أو لوز.
تطهى مدة 1 ساعة على نار هادئة مثل الصابلي (4/10) حتى تحمر . تسقى مباشرة بعد الطهي بعسل (2 كأس) ممزوج بماء ورد.
و هذه لكم تذوقوها . ذوقها يشبه البقلاوة . تحمر الوجه في الأعياد و كل العائلة تحبها.
ملاحظة: تستطيعي عمل نصف الكمية في بلاطو صغير لكي تجربي .لأن بهذه الوصفة تجيك زاكية و عالية في الحبة مثل البقلاوة. الوصفة الأصلية وجدتها في كتاب فيها "كيلة خبز مرحي، كيلة لوز مرحي، كيلة سكر، كيلة سمن، ماء زهر" اللي تحب وصفتي اقتصادية أو وصفة الكتاب.
تذكروني في دعائكم
السلام عليكم و رحمة الله
الوصفة 2: بودينغ الخبز بصلصة الكراميل
المكونات: خبز قديم مقطع شرائح، 2 بيض، 1/2كاس سكر أحرش، 2 كاس حليب سائل ، 1 كاس ياغورت صنع منزلي، 1فنجان معجون مشمش. مبشور 1 ليمون، فانيلا.
الصلصة: 1/2 كاس سكر، 1/4كاس ماء، 1 ملعقة ك زبدة ، 1 ملعقة ك ياغورت.
الطريقة: توضع طبقتين من الخبز في صينية دائرية صغيرة . يخبط السكر و البيض جيدا ثم يضاف باقي المكونات ثم تسكب فوق الخبز الموضوع سابقا في الصينية. تطهى مدة نصف ساعة على نار (4/10).
صلصة الكراميل : يطهى سكر + ماء على نار متوسطة حتى يتحول لونه للكراميل، تنزع من النار ثم أضيفي الزبدة و حركي جيدا ، ثم أضيفي الياغورت و حركي جيدا.
بعد الطهي
بعد الطهي اقلبي الصينية في صحن (هذا اختياري تقدري تخليها في الصينية)
اسكبي صلصة الكراميل من فوق و هي دافئة لكي تذوب و تدخل في البودينغ
تقدم في المساء مع الحليب و كونو متهنين في البنة تبان تارت ماشي خبز
ملاحظة: توجد عدة وصفات للبوديغ بالزبدة و الذي تدهني فيه الخبز بالمعجون……..الزبيب، أما طرقتي في الطهي من ابداعي لاختصار الوقت و لكي يكون في متناول الجميع
الوصفة 3: قاطو الشكلاطة السحري
قصة الوصفة : أولا اسمحولي أخواتي على الإطالة .
صراحة هذه الوصفة من ابداعي الخاص . في يوم من الأيام عملت أمي العرايش حوالي 300 حبة و بقى القلاصاج السايح و اليابس في البلاطوات كمية قدر 2 كاس (الكمية كبيرة جدا على ان أرميها) . و كنت في أحد المرات عملت بها نوقة لكن لم تعجبني كثيرا . لكن هذه المرة رحيت القلاصاج بعدما يبس و مثله في الكمية خبز يابس و أضفت الكاكاو لا أدري الكيل كم المهم عندما تذوقتها لقيتها حلوة (كيل خبز+ كيل قلاصاج+ كاكاو حسب الرغبة بشرط أن تبقى الخلطة حلوة). هنا عملت أو محاولة لإختراع القاطو تاعي : خبطت 3 بيضات + 1 كاس حليب فقط + الخلطة + شكارة خميرة + مبشور البرتقال و الليمون فقط. لا سكر و لا زيت (لا تدوم أكثر من يومين ستفسد لأنها بدون زيت) . و بعد ما طاب أضفت الشكلاطة من فوق. و في الأخير جات البنة تاعو روووووووووعة لم أتوقعها و كل من ذاقه ما عرفش الخلطة ما هي : و حدة تقولي جوز و الأخرى تقلي نواد كوكو وآ خرون قالو لوز و ……….، المهم و لا واحد عرف السر حتى بعدما قلت لهم لم يصدقوني في الأول ومن بعد تفكرو بلي وصفاتي كلها اقتصادية لا جوز و لا لوز و لا هم يحزنون. مع الوقت أصبحت اضيف الزيت لكي تطول مدة الإحتفاظ بالقاطو اكثر من أسبوع.
الخلاصة أنها لذيييييييذة جدا و هشة تحمر الوجه في الأعياد الكل سألني عن الوصفة من بين كل أنواع القاطو الأخرى.
إضغط هنا لرؤية الصورة بحجمها الطبيعي.
أترككم مع الوصفة
المكونات: 3 بيضات ، 1/4 كاس زيت، مبشور 2 ليمون + 1 برتقال، 1/2 كاس حليب، 10 ملاعق ك خلطة سحرية، 1 شكارة خميرة كيميائية. شكلاطة للتزين
التحضير : يخبط البيض جيدا ، ثم يضاف الزيت ثم الحليب . في الأخير أضيفي الخلطة السحرية و مبشور الليمون و البرتقال و الخميرة. حتى تصبح الخلطة هكذا لا خاثرة و لا سائلة جدا.
إضغط هنا لرؤية الصورة بحجمها الطبيعي.
توضع في بلاطو مدهون بالزيت
إضغط هنا لرؤية الصورة بحجمها الطبيعي.
تطهى في فرن (4/10) مثل الصابلي مدة 15-20 دقيقة . تبرد و تطلى بالشكلاطة و تخطط بعود صغير خطوط عادية.
إضغط هنا لرؤية الصورة بحجمها الطبيعي.
تترك تبرد و تقسم مستطيلات او مربعات
و تفضلو ذوقو بصحتكم
إضغط هنا لرؤية الصورة بحجمها الطبيعي.
ملاحظة : اذا لم تتوفر عندك الخلطة السحرية استبدليها بالخبز المرحي و كاكاو و اضيفي 1/2 كاس سكر .
أي سؤال انا في الخدمة
عندي اكثر من طريقة و وصفة لكعكات بالخلطة السحرية
الوصفة 4: بسبوسة الياغورت بالخبز اليابس
هذه الوصفة في الحقيقة وجدتها في كتاب حلويات العالم لكن هي بالسميد في الأصل . أنا غيرت شوية و درت خبز مرحي في مكان السميد و أول مرة نجربها جاتني هايلة خفيفة كالريشة في الفم و خفيفة على المعدة . عجبت كل العائلة. لم تاخذ مني أكثر من 15 دقيقة سهلة و سريعة.
المكونات:1 كاس ياغورت، 1 كاس سكر أحرش، 2+ 1/2 كاس خبز مرحي، 1/2 كاس زبدة ذائبة، 1 خميرة كيميائية، فانيلا.
2 كاس قطر في الأخير.
الطريقة: يخبط سكر + ياغورت+ زبدة جيدا حتى يذوب السكر. ثم تضاف الخبز و الخميرة و الفانيلا حتى تصبح عجينة هكذا
إضغط هنا لرؤية الصورة بحجمها الطبيعي.
توضع في صينية مدهونة بالزبدة و تسوى جيدا هكذا و تطبخ على نار معتدلة 20 دقيقة أو اكثر حتى تصبح ذهبية ثم تسقى بالقطر سخون و ترجع للفرن 3 دقائق فقط
إضغط هنا لرؤية الصورة بحجمها الطبيعي.
تقطع حسب الرغبة و تقدم
تفضلو أشربو بها قهوة
إضغط هنا لرؤية الصورة بحجمها الطبيعي.
تذكروا الدعاء
كيف أحوالكم أخواتي العزيزات، آسفة على الإطالة اعرف انني وعدت بوضع وصفة كل أسبوع أو اسبوعين. لكن ضروف الدراسة و غيرها. المهم اليوم عملت وصفة كنت جربتها مرة منذ عدة سنوات و جدتها في كتاب قديم جدا. جات هايلة و عجبت كل العايلة و ما عرفوش بلي فيها الخبز بانت كلها مكسرات. اتمنى تعجبكم انتم أيضا و تجربوها.
الوصفة 5: مخبز اقتصادي
المكونات : 2 كاس كاوكاو مرحي، كاس خبز مرحي، كاس سكر احرش (200غ)، 3 بيضات ، فانيلا، مبشور ليمون، 1 م ك زبدة. للتزين قلاصاج + ملون.
التحضير: يخلط الجميع جيد و في الأخير تضاف الزبدة حتى تصبح عجينة طرية ترتاح 3 ساعات، تقطع مثلثات و تطهى على نار متوسطة مثل الصابلي مدة 10 الى 15 د حتى تصبح ذهبية قليلا.تطلى بالقلاصاج. هذه الكمية تعمل حوالي 40 حبة.
إضغط هنا لرؤية الصورة بحجمها الطبيعي.
تفضلو ذوقو البنة و الهشاشة و ما يبانش الخبز
إضغط هنا لرؤية الصورة بحجمها الطبيعي.
تذكروني في دعائكم
في الحقيقة الوصفة جاتني في راسي صدفة و اول مرة نجربها و كانت لذييييييييييذة خفيفة و تتعلك في الفم، عجبت كل العائلة و ما عرفوش بلي فيها خبز.
الوصفة 6 : بسكوي رولي بالشكلاطة
المكونات: 4 بيضات، 4 م ك سكر ، 4 م ك زيت ، 4 م ك خبز مرحي، 1 خميرة كيمائية، مبشور 2 برتقال. للتزيين كريم شانتي و شكلاطة.
التحضير: يخبط البيض و السكر جيدا بالخلاط الكهربائي حتى يبيض و يزيد في الحجم ، ثم اضيفي الزيت.
بمعلقة اضيفي الخبز و الخميرة و اخلطي قليلا قليلا حتى لا تتكسر.
توضع في صينية ( نفس حجم الصينية في الوصفة 1) مفروشة بألمنيوم و مدهونة جيدا بالزبدة.
تطهى على نار هادئة 10 د فقط.
تترك تبرد ثم تقلب و تدهن بالشكلاطة و تلوى و في الأخير كريم شانتي.
تفضلو تاكلو بالصحة لذيييييييييذة بطعم البرتقال و الشكلاطة
إضغط هنا لرؤية الصورة بحجمها الطبيعي.
تذكروني في الدعاء
هذه الوصفة صراحة من اختراعي دائما نعملها خاصة في الصيف كل العايلة تحبها هشوشة و لذيييييييذة تحمر الوجه للضيوف و ما تبانش بلي خبز.
الوصفة 7: تارت الشكلاطة بثلاث طبقات
المكونات: 2 بيض، 6 م ك سكر احرش، 1/2 كاس حليب، 1 م ك كاكاو، 3 م ك خبز مرحي، 1 خميرة ، فانيلا. كريمة الشاتني للتزيين.
الكريمة: نفس الوصفة في هذا الرابط http://www.djelfa.info/vb/showthread.php?t=402734 استعملي 1 م ك زبدة في مكان علبة الشكلاطة ( استعملي نصف الكمية 1/2 لتر حليب)
التحضير: يخبط البيض و السكر جيدا، يضاف الحليب، و في الأخير يضاف الخبز المرحي و الكاكاو و الفانيلا و الخميرة. تطبخ في صينية 20 سم. بعد ما تبرد تضاف الكريمة مباشرة ثم تبرد ،في الأخير أضيفي كريمة الشانتي شوية خفيفة ( عينك ميزانك) فيها كاكاو، تزين بالكاكاو ثم تخطط كما في الصورة. تخفظ في الثلاجة.
تفضلوا ذوقو تاكلو بالصحة
إضغط هنا لرؤية الصورة بحجمها الطبيعي.
ملاحظة: الوصفة لا يوجد فيها زيت تأكل في أقل من يومين
الوصفة 8: تارت الكراميل
المكونات: 2 بيض، 6 م ك سكر احرش، 1/2 كاس حليب، 1 م ك كاكاو، 3 م ك خبز مرحي، 1 خميرة ، فانيلا.
الكريمة: نصف لتر حليب، 6 م ك سكر، 2 م ك ماء، 1 م ك نشاء، 1 م ك زبدة، 3 م ك غبرة شانتي
التحضير: بالنسبة للعجينة مثل الوصفة 7 تمام. تطهى هي الأولى
الكريمة: على نار متوسطة ضعي السكر و 2 م ك ماء حتى يتغير لونها للكراميل
إضغط هنا لرؤية الصورة بحجمها الطبيعي.
انزعي من النار تبرد قليلا (1 دقيقة) ضفي الحليب و رجعي للنار هادئة حتى تذوب الكراميل
إضغط هنا لرؤية الصورة بحجمها الطبيعي.
على نار متوسطة ضفي النشاء و حركي حتى تخثر ضفي في الأخير الزبدة و انزعي من النار و غطيها بساشي
إضغط هنا لرؤية الصورة بحجمها الطبيعي.
بعدما تبرد تماما في الثلاجة ضفي الشانتي مباشرة و خلطي بالخلاط الكهربائي حتى تصبح كريمة ضفيها للعجينة المطبوخة
تفضلو تذوقو تاكلو بالصحة
إضغط هنا لرؤية الصورة بحجمها الطبيعي.
ملاحظة: الوصفة لا يوجد فيها زيت تأكل في أقل من يومين
هذه الوصفة اخترعتها اتمنى ان تعجبكم تجي حلوة تتقرمش بعد الطهي و بعدما ديري الكريمة تجي طرية تتعلك (لا تشبه الصابلي)
الوصفة 9: اوريو بالشكلاطة من اختراعي
المكونات: 300 غ سكر ارطب، 150 غ زبدة، كاس (150غ) خبز مرحي، 1 بيضة، 1 خميرة، 1 م ص نسكافي محلولة في 1 م ك ماء ، 2 م ك كاكاو . للتزين: كريمة الزبدة و الشكلاطة.
التحضير: تمحر الزبدة و السكر جيدا ثم تضاف نسكافي و البيض و تخلط و في الاخير الخبز و الكاكاو و الخميرة حتى تصبح عحينة طرية جدا خليها ترتاح 1 ساعة تصبح متماسكة هكذا.
إضغط هنا لرؤية الصورة بحجمها الطبيعي.
كعبري كعابر بعاد على بعض، تطبخ على نار هادئة مثل الصابلي(4 /10) مدة 15 دقيقة فقط
إضغط هنا لرؤية الصورة بحجمها الطبيعي.
خليها تبرد مليح بعد الطبخ لأنها تكون طرية و سخونة، تلصق 2 بالكريمة ثم تزين بالشكلاطة
إضغط هنا لرؤية الصورة بحجمها الطبيعي.
تفضلو تاكلو بالصحة
إضغط هنا لرؤية الصورة بحجمها الطبيعي.
فطور بسيط راني عارفة بلي الأغلبية يعرفوه ، حبيت نشاركو معاكم
انا نفضل هذا الفطور في عطل الشتاء سهل سريع مغذي و لذيييييييييييذ
الوصفة 10: فطور الصباح شرائح الخبر المحمصة بالنوتيلا
المكونات: شرائح خبز بايت، نوتيلا
الطريقة: تحمص شرائح خبز في الفرن مدة 5 د حتى تصبح مقرمشة تطلى بالنوتيلا فور خروجها من الفرن و تقدم مع حليب الشكلاطة الدافئ.
تذوب في الفم روعة و تبقى النوتيلا مع الحليب
إضغط هنا لرؤية الصورة بحجمها الطبيعي.
صراحة هذه الوصفة وجدتها في علبة شكلاطة سويسرية ، الوصفة الأصلية بالفرينة جربتها مرة مع التعديل الخفيف، ثم عاودتها مرتين بالخبز عجبت كل العايلة تاع الخبز جات خير و الذ.
الوصفة 11: تارت الشكلاطة بالموز
المكونات: 2 بيض، 150ع شكلاطة، 125غ سكر ارطب، 120غ زبدة ذايبة و باردة، 1 م ك (30غ) كاكاو، 3 م ك خبز مرحي (60غ)، 2 حبات موز مهروسة قليلا بالفرشاة ، 1 خميرة، فانيلا.
الطريقة: تخبط البيض و السكر جيدا، اضيفي الخبز المرحي و الخميرة و الفانيلا، اضيفي الزبدة الذائبة ثم الموز المهروس، ثم اضيفي الشكلاطة ذائبة في 3 م ك ماء.
تطهى في مول مدهون بالزبدة و الفرينة مدة 30 د على نار هادئة
إضغط هنا لرؤية الصورة بحجمها الطبيعي.
تزين بالشكلاطة
إضغط هنا لرؤية الصورة بحجمها الطبيعي.
تفضلو ذوقو تاكلو بالصحة لذيييييييييذة
إضغط هنا لرؤية الصورة بحجمها الطبيعي.
حقيقة هذه الوصفة فكرة أمي و انا طبقتها أكثر من مرة و عجبت كل العايلة و من ذاقها و ما تبانش حتى هي بلي بالخبز
الوصفة 12: تارت الشكلاطة و البرتقال
المكونات: 2 بيض، 6 م ك سكر احرش، 1/2 كاس حليب، 1 م ك كاكاو، 3 م ك خبز مرحي، 1 خميرة ، مبشور 2 برتقال، فانيلا.
خبيط البرتقال: 1 حبة برتقال كبيرة، 4 م ك سكر احرش ، 4 م ك ماء
كريمة باتسيير: نصف لتر حليب، 3 م ك سكر، 1 م ك نشاء، 1 م ك زبدة.
كريمة الشانتي للتزيين: 2م ك شانتي، كاس حليب بارد جدا، 1 م ك خبيط البرتقال
التحضير: بالنسبة للعجينة مثل الوصفة 7 تمام. تطهى هي الأولى
خبيط البرتقال: تبشر البرتقالة و يوضع المبشور جانبا، تقشر البرتقالة تقطع و تطهى 15 دقيقة مع السكر و الماء ثم ترحى بالذراع الكهربائي مع مبشور قشورها و توضع جانبا ( انا هذا الخليط نحطو في الفريز مدة عام و يقعد كيما راه و استعمله في رمضان)
إضغط هنا لرؤية الصورة بحجمها الطبيعي.
كريمة باتسيير: توضع الحليب و السكر و النشاء على نار متوسطة و تحرك جيدا حتى تخثر
نضيف الزبدة و خبيط البرتقال (انزعي من الخبيط مقدار 1 م ك و اتركيها جانبا) و نواصل التحريك حتى تخثر ثم تسكب مباشرة على التارت المطبوخة سابقا، اتركيها تبرد
كريمة الشانتي : تخبط جميع المكونات بالخلاط الكهربائي حتى تخثر و تسكب فوق التارت المحضرة سابقا و تزين بشرائح البرتقال و توضع في الثلاجة لتبرد ثم تقطع (سامحوني نسيت لم اصور الخطوات كلها)
تفضلو ذوقو البنة ما عندي ما نقول
رووووووووووووووووووووووووعة
إضغط هنا لرؤية الصورة بحجمها الطبيعي.
ملاحظة: الوصفة لا يوجد فيها زيت تأكل في أقل من يومين
في الحقيقة انا نحضرها بالخلطة السحرية عادي تاع الوصفة 3 ولا اضيف السكر
كنت قد بحثت في الكتب عن وصفة بالجزر و لم اجد
اذن جربت وصفة من عندي اول مرة و صلحت و تشهي و اعجبت الجميع لذيييييييييييييييييذة و مابانش ذوق الجزر بالعكس ظهر طعم البرتقال
الوصفة 13: كورون الجزر
المكونات: 3 بيضات، 1 كاس (اينوكس) سكر ، 1 كاس مبشور جزر رقيق، 2 كاس خبز مرحي، نصف كاس زبدة دائبة و باردة، مبشور 2 برتقال، 1 خميرة كيميائية
للكلاصاج: 2 م ك سكر ارطب ، 1 م ك عصير برتقال
التحضير: تخبط 3 بيضات+كاس السكر جيدا بالخلاط، ضيفي الجزر+ الخبز المرحي + الخميرة و تخبط جيدا، في الأخير ضفي الزبدة الدائبة
توضع في مول مدهون بالزبدة و مرشوش بالفرينة
تطبخ 40 دقيقة على نار هادئة 4 / 10 مثل الصابلي حتى تحمر و تاكد من السكين ان يخرج جاف
بعدما تبرد جيدا زيني بالكلاصاج (الكلاصاج جاني سائل ، انت راح يجيك خير من تاعي)
تقطع و تقدم بالصحة تفضلو ذوقو
تذكروني في الدعاء
وربي يعطيكي العافيه
وبانتظار جديدك دائما
موضوع رآئع بروعة حضوركك ..
سلمتي لنآآ ،،
احترامي <3