وأشوفْ مِنْهو .. بعد مُوتي فقدني .
ومِنْهو حَمَلْني لِين .. ذِيكْ .. " المقابر"
وأشْكرْ أنا .. كِل مِنْ كَرَمْني ودِفنِّي
وبشُوفْ .. يرثيني أنا كَمْ [ شاعر ] ..؟
ومِنْهو تركْني .. وما كِتَب شَي عنِّي
شِخصٍ تعنَّى لي .. مع إنه .. مسافر
وشِخصٍ قِريبٍ .. وآنا مَيِّت / طعنِّي
وشِخصٍ يمثِّل دمعِتَه .. ما هو بقادر !
وشِخصٍ تِطيح دموعه كِلْ ما ذكرني
ومِنْهو مِنْ أهلي ف العَزا كان حاضر
ومِنْهو دعى لي في " صلاته " ورحمني
ومِنْهو بنى [ بإسمي ] سبيل ومنابر
ومِنْهو يفز قلبه .. إلا مِنْ لمحني
ومِنْهو عشاني : طُول الأيام ساهر ..!
ومِنْهو ثلاث أيَّام .. راح وتركني ..؟
ومِنْهو يرتِّب .. غرفتي .. / والدفاتر
وإن شاف ( صوره ) لي صاح وحضنِّي
يالله عسى .. ما تغفى كل المشاعر
ويالله عسى .. ما ينصِدِم يُوم ظنِّي
خايف يروح العُمْر .. وأكُونْ خاسر
وإن طار طيري .. ما يفيد / التمنِّي
وخايف يجيني وقت : أكْسِر خواطر
إن دارت الدنيا .. وزماني كسرني
ومدام هذي الدنيا .. صارت مظاهر
وكِلْ مَنْ على كيفه .. وجَوَّه يغني
الضيق وافي .. والحزن حيل وافر
والجرح أكثر شي .. شفته يحبني
عايش وميِّت بين .. ماضي وحاضر
والصبر [ مفتاح الفرج ] ضاع منِّي
قل وش تبي وتركني يا حزني .. آمر
مسكين فرحي / تصدِّق إنَّه وحشني !!
( شاعر ) ولكنِّي .. ماني ب شاعر
ودِّي أموت اليوم …. وأرتاح منِّي
صح لسانك يالشاعره ضحكه لاعدمناك ..
آشّبَعٍتِْ مَشَاعِرِيِ بَمعْزُوٌفتٍكِ تلكْ
فَمَا أرَقْ نَسَمَاتُ هَذٍيٍكْ .. كُنتِ رَآئِعًه وَ آعّمَقْ..~
وِديْ وًرٍدي لًك
..
آبار
و اسعدني تواجدكم في صفحتي