هذي تجربتي قبل سنه والحمدالله جسمي ممتاز لكن العيب الوحيد
هو بروز البطن وبدايه ظهور الكرش وجدا تضايقني مابعد الاكل والكل يقولي ماشاء الله
تغيرتي وطلعت لج كرشه ومتنانه :icon_evil: واكون محبطه خصوصا لما البس يبين شكلها وتزيد الطين
بله اكثر
لما اكل ينتفخ
بس ماحسيت في تغير وطولت المده وبصراحه حاولت اتبع نظام حلو ومناسب لكن لاجدوى خوصوصا حاولت اتبع نظام الدكتور " حسين دشتي " بس ماشفت هناك اي تغير كل شي مثل ماكان
ولما قرات احدى المقابلات لـ دكتور حسين دشتي
قال الرجيم مو معناته ان نحرم نفسنا من الاكل الي نحبه قال التقليل منه ومع ممارسه الرياضه بشكل
يومي
وبصراحه من بعد ماقال هالكلام حسيت بدافع وقلت اكل الي ابيه بس اخفف ومع رياضه
من بعدها ( وقفت اكلات المطاعم نهائيا في بدايتي وايضا المشروبات الغازيه واكلات الي تحتوي على نسبه عاليه وكبيره من الدهون )
وكان نظامي ممكن يكون قاسي بس انا نفسيا حطيته لي والحمدالله الاكل احبه
نظامي الغذائي اليومي
1- الفطور = كورن فلكس
2- الغداء = توست بالجبن + عصير فرش برتقالي ولا كيووي
3- العشا= دجاجه مشويه بالفرن مع سلطه خضار وخبز اسمر وملعقه زبادي
( وكنت انوع اخر الاسبوع بالفواكه مثل الموز والكيووي والتفاح والبرتقال )
لانه الجسم يحتاج الى فيتامينات + كثره السوائل وخصوصا الماي كنت اشرب وانا طالعه ونازله
منها يشبع ومنها يساعدني في التخفيف بروز البطن
وكنت آخر اسبوع علشان نفسيتي للاكل اطلب مره في الاسبوع من المطعم كـ تذويقه لي
التمارين الرياضيه
كنت دايما كل عصر اروح للممشى مده نص ساعه او ساعه
حتى لما ارجع البيت او مثلا اليوم ماقدرت اروح الممشى
اصعد درج البيت " 10 صاعده " و " 10 نازله "
وكنت اسوي هالتمرين دايما
شد البطن
والحمدالله بعد مرور شهرين ونص شفت الفرق والحمدالله راح بروز البطن
وارتحت نفسيا وكنت البس وانا واثقه
وان شاء الله برجع لنظامي مره ثانيه بعد انتهاء شهر الفضيل لانه حسيت بدا البروز يرجع لي
لانه عارفين وقت رمضان الانسان يخربط بالاكل ويخرب نظامه
وان شاء الله بعد العيد راح ابتدي من جديد
ودعواتكم واتمنى من الاخوات انهم يستفيدون من الموضوع
وكل التوفيق للجميع
حبيبتي مشكوره عالمعلومه بس حبيت اقولج انا مثلج بس الجسم بطبيعته يحتاج دهون تدرين ليش؟
عشان يبذل مجهود لحرقه وبكذا جسمج يعرق وتطلع الدهون على شكل ماي او عرق
اكلي اشياء فيها دهون بس مو وايد… بس امنعي نفسج من السكريات لان السكريات
بطبيعتها تنحرق بسرعه وبدون اي مجهود الحين فهمتي انا وش قصدي حبوووو وياليت تقبلين ردي..
مشكوووووره ياااقلبي
اتمنى لكي الصحة والتوفيق