موزه وهي تقول في خاطرها .. افففف متى بيرقد هذا وبيفكني ..
بعد مرور دقايق ..
خليفه ((يتثاوب)): خلااص فديتج انا بسير ارقد
موزه ((وهي مستانسه من الخاطر وتقول في خاطرها..واخــــــــــيراااا)): اوكي تصبح على خير
خليفه: وانتي من اهله .. ليش انتي بتيلسين؟؟
موزه: هي فديتك عندي شغل وايد مهم في الانترنت بخلصه وبرقد
خليفه: خلااص غناتي الي تشوفينه .. بس عاد لا تطولين
موزه: ان شاء الله .. يالله خلنا ندش الحجره بند الليتات والتلفزيون انا بلحقك
خليفه: ان شاء الله
سوا خليفه الي قالت عليه مرته ولحقها الحجره وحط راسه ورقد اما موزه فيلست مجابل هالكمبيوتر وعلى طول دخلت الجات وشي اكيد بتفتح مسنجرها ..
في الجات
..الاميره الناعسه: انتي وييييييييينج من متى وانا اترياج
موزه الاموره: سامحيني الغاليه ماقدرت ادش المهم قوليلي شخبارج؟؟
الاميره الناعسه: الحمدالله زينه انتي شخبارج
موزه الاموره: الحمدالله بخير
الاميره الناعسه: والله حاسه اني ارتحتلج واااايد ماادري ليش يمكن لاني احس انه تفكيرج نفس تفكيري
موزه الاموره: وانا بعد نفس الشي والله
الاميره الناعسه: انزين قوليلي ريلج وين
موزه الاموره: ههههههه شو تبين فيه راقد
الاميره الناعسه: لا بس اسأل يعني المفروض انتي اتكونين عنده الحين
موزه الاموره: ههههههه انتي مال اول نحن اتطورنا الحين
الاميره الناعسه: كيف يعني اتطورتو؟؟؟؟؟
موزه الاموره: اقولج شو رايج اكلمج بالتلفون وايد احسن
الاميره الناعسه: هي انا بعد اقول جيه كم رقمج
وعطتها موزه رقمها .. عاد عفراء استانست وايد لان علاقتها بدت تزداد في موزه لانه من اول مره رمست وياها وحست انها تبغي تتعرف عليها اكثر ..اول ما تبغي تتصل في موزه تتصل ربيعتها ميثه
عفراء: الو
ميثه: هلا والله انتي وينج يالقاطعه
عفراء: اقولج ميثوو انا مشغوله الحين
ميثه: خلااص باي
عفراء: باي
اهني ميثه حست انه عفراء متغيره عليها وايد اول مره اترمسها جيه .. وعفراء ولا همها اول ما سكرت عنها ميثه اتصلت في موزه ..
موزه: الوو
عفراء: الوو
موزه: هلا وغلا شحالج
عفراء: الحمدالله بخير اشحالج انتي
موزه: تمااام .. ماشاءالله صوتج وايد حلو
عفراء: ههههه تسلميييييييين
موزه: هههه الله يسلمج
عفراء: انتي وينج الحين
موزه: انا في حجرتي
عفراء: وريلج راقد عندج؟؟!!!!!!!!
موزه: هي
عفراء: وعادي عنده تقعدين لين هالوقت
موزه: هههههههه اشفيج انتي ريلي انا غير عن كل الرياييل ايحبني ومعطيني حريتي
عفراء: زين والله يا حظج
موزه: عقبالج
عفراء: ان شاااااء الله
موزه: يالله متى بشوفج
عفراء: امممممم مااعرف انتي عندج سياره؟؟
موزه: انا لاا مب محتاجه سياره الي يبيني ايمر علي وياخذني
عفراء: ليش انتي ما تطلعين مع ريلج
موزه: امممم اطلع بس مو وايد
عفراء: خلااص انا متى ماقدرت بتصل بج وبمر عليج بنطلع مع بعض
موزه: اوكي اترياج تراني
عفراء: هي ان شاء الله .. يالله الحين بسير ارقد ورقمج عندي لا تقاطعين
موزه: ان شاء الله الغاليه
عفراء: يالله باي
موزه: باي
بندت عنها عفراء وهي تفكر في كلامها ((هههههههه اشفيج انتي ريلي انا غير عن كل الرياييل ايحبني ومعطيني حريتي)) وهي تقول بخاطرها .. ياليت كل الريايييل جيه والله حظها هاي حصلت الي يلبي طلباتها ومعطيها حريتها ياسلاام مافي احلى عن جيه .. وينج عني من زمان يا موزه واخيرا حصلت حد تفكيره شرات تفكيري …. وبعد مرور ثواني من التفكير اتحط راسها وترقد وتتريا باجر عشان اترمس فيها موزه اما موزه كملت سهرتها عالجات والمسنجر ..
………………………… ………….
اليوم الثاني الصبح وهو يوم السبت قعد سيف من الرقاد عشان يروح الدوام اتسبح واتكشخ وشكله مستانس ويطلع الصاله يشوف امه قاعده
..سيف: سلام عليكم امي .. ويسير يحب راسها
ام سيف: وعليكم السلام هلا امي شخبارك
سيف: انا بخير يالله امايه انا رايح الدوام تبين شي
ام سيف: لا يا ولدي اتريق كل شي قبل لا تروح
سيف: لا امي باكل في الدوام مالي نفس الحين
ام سيف: خلااص فديتك الي تشوفه
سيف: يالله امي مع السلامه
ام سيف: حاافظك الله
———————
في البيت العووود .. بيت قوم بو احمد قاعديين احمد واسماء وام احمد وبو احمد عالريوق ..
بو احمد: يالله قوووم خلنا انسير الشركه اتأخرنا
ام احمد: اشفيييك مستعيل الله يهدااك خله الولد ياكل
بو احمد: انا بترياك في السياره تعال بسرعه
ويسير عنهم بو احمد
..احمد: خلااص انا ساير تبون شي
اسماء + ام احمد: سلامتك
ويسير عنهم احمد بعد وما بقى غير اسماء وام احمد
اسماء: عيل وين البنات
ام احمد: الحين انتي تبينهم هاييله ينشون من وقت سهرانيين بالليل وراقدين بالنهار
اسماء: خليهم عمتي يستانسون عاد شيماء ها اخر اسبوع لها وبتداوم
ام احمد: هي بس عفرووووو
اسماء: عفراء ان شاء الله بتتزوج جريب
ام احمد: ان شاء الله
………………………… ……..
في بيت قوم بو خليفه قاعديين خليفه وامه في الصاله يتريقون ..
ام خليفه: عيل حرمتك وين؟؟
خليفه: راقده امي
ام خليفه: ليش مب المفروض اتنش ويا ريلها وتزهبله الريوق وتاكل معاه
خليفه: اووووووووه امي انتي بس كله تبين اتطلعين عليها كلام وبس حليلها تعبانه خل ترقد امس طول الليل وهي سهرانه تشتغل وريوقج هذا خلااص ماابغيه
ويطلع من البيت وهو معصب على امه.. ومن صوت صراخه تنش عبير وتطلع من حجرتها
..عبير((وهي تتثاوب ومبين من شكلها انه فيها رقاد)): اشفيكم شو مستوي بلاه خليفه امي؟؟
ام خليفه: والله ما قلتله شي يا بنيتي كل الي قلتله ليش حرمتك ماتسويلك الريوق وتتريق معاك انفجر علي وطلع هاي اكيد ساحره الولد ماستبعد عنها شي
عبير: ما عليج منهم امي هاي كله من الساحره موزووووه هي الي تشيشه علينا
ام خليفه: الله يسامحها يا بنتي … والدموع نازل من عيونها
عبير((بحزن)): امي فديتج لا تصيحيين ولا تزعلين عمرج الله يسامحهم
ام خليفه: ما يهون علي ولدي يطلع من البيت وهو زعلان علي
عبير: ماعليه فديتج انتي مره ثانيه لا تقولين عن حرمته شي خلااص خلها تولي
ام خليفه: هي ما يخصني فيها خلاص انتي سيري كملي رقادج فديتج
عبير: لا امي طار الرقاد من عيني بقعد معاج
..………………………… ……………….. .
في الدوام قاعدين حمد وسيف يسولفون ماعندهم شغل وايد اليوم ولحسن حظهم انه مكاتبهم في نفس الحجره
..سيف: اليوم اول ما برد من الدوام برمس الوالده تسير بيت قوم عمي راشد عشان يخطبونها رسمي
حمد: هي يا ريال زين اتسوي عجل بالزواج قبل لا تشيب
سيف: ههههه والله انا مب مستعيل شراتك عرست وانت ياهل ما صارلك شهر من داومت على طول قلت بتعرس عنبووو جان اترييت شوي والحين غرقان بالديون انا عالاقل كونت نفسي بالاول
حمد: شو اسوي تدري بعد ما قدرت اصبر والحمدالله على كل حال عايشين لين الحين
سيف: هي والله الحمدالله
حمد: ههههههه تدري ويا راسك امس الحرمه اشقد عصبت علي واشقد سبيتك
سيف: هههههههههه خيبه خيبه ليش كل ها
حمد: بعد لك ويه اتقولي ليش .. انا من زمان وعدتها هاليوم بطلعج انتي والعيال وآخر شي اقولها لا بطلع ويا ربيعي
سيف: ههههههههههههه عسى مانمت امس في الصاله بس
حمد: ههههههههههه لا لا تحاتي راضيتها
سيف: ههههه انزين يالله قوم دام انه ما عندنا شغل خلنا انسير الكافتيريا ناكل لنا شي
حمد: اوكي يالله
..:428: