هي صورة الدجاجة المحمرة
بنبدأ بالمقادير ….
طبعا أول شيئ بدنا دجاجة الحجم المناسب
تكون الدجاجة كيلو ونص وهي الدجاجة قاعدة 
و أكيد أنا نضفتها منيح
بعديها بالخلاط تقريبا نصف كاسة شاي لبن رائب
و ثلاثة معالق رب البندور
رأسين حجم وسط بصل 3 فصوص توم
ليمونه معصورة
ملح حسب الرغبة
قرن فلفل للبحب الفلفل
بهارات مشكلة
بهار كاري كمون
ملعقة خل
وبنخلطها بالخلاط
بعد هيك بنسكب الخليط على الدجاجة
بنوزع التتبيلة منيح و نغطي الدجاجة وبدخلها يا يوم أو ساعتين
لحتى تتشرب الدجاجة التتبيلة و تتطلع أطيب
و بعد هيك بنجيب الكيس الحراري
بنحط شوية زيت بالكيس
وبندخل الجاجة
وبعد ما نسكرها بنثقب الكيس تقب صغير من الأعلى
وبندخله الفرن ,راح تلاحظي انو الكيس بالفرن ينفخ
أنا كنت عاملة دجاجتين
بعد ساعة و نص بفتح الفرن
وهي الشكل النهائي
أنا قليت جنبه بطاطا
بس بجد الطريقة سهلة وبتشهيييي
وصحتين و عافية يا رب
انا بعملا نفس الشي بس ما خاطرلي سويهن بالخلاط هيك اسهل والتتبيلة تمتد اكتر
الله يعطيكي الف عافيه يارب
|
المشاركة الأصلية كتبت بواسطة *سوهندا*
 ليكي هو للابداع …. تقبشي قلبي ريتك ههههه
انا بعملا نفس الشي بس ما خاطرلي سويهن بالخلاط هيك اسهل والتتبيلة تمتد اكتر الله يعطيكي الف عافيه يارب |
اه يا سوسو بالخلاط اسهل وأحسن
والتتبيلة بتصير أبرك
نورتي الموضوع