لمحبات المكياج الثقيل . درس حلووووو موضة 2024.

يلا نبتدي …
طبعا في البداية ننظف الوجه وبعدين نحط كريم الأساس المناسب ونغمق الحواجب ..
ونلبس العدسات .. ونحط بودر نثر ثقيل شوي على أعلى عظمة الخدين .. وأبيض تحت الحاجبين

بعدين نكحل العين من داخل نفس لون العدسات تقريباً ..

نحط خط كحل ثقيل أسود فوق العين ونسحبه شوي ..

طبعاً نوع الكحل سائل .. ممكن تستخدمين كحل محمود سعيد .. حلو ويثبت ..

الحين نخط خط الكحل السائل من تحت .. ويكون خط ثقيل من أخر العين ..

وطبعاً إذا صعب تضبطون الكحل السائل خط ثابت ..

ثبتو إيدكم .. وحركوا راسكم .. راح ينرسم الخط بروحه .. ومتساوي بعد ..

طبعاً تحسون أنه صار خط الكحل بارز .. ومو حلو ..

نجيب فرشة الشدو العادية .. وناخذ الشدو بدرجة اللون الأزرق الرمادي الباهت ..

بس شوي وخفيف .. علشان يقلل من حدة وبروز الكحل السائل الثقيل ..

ونرسم رسم خفيف يصير على خط الجفن المتحرك ..

وبريشة الشدو .. ندمجه شوي مع الكحل السائل ..

(( ملاحظة : بنات أحياناً تحسين أنهم ما يندمجون لأن الكحل السائل جف وثبت

واللون فاتح صعب يندمج .. جيب شوي شدو رمادي غامج .. وأدمجيه ويا الكحل والشدو ))

وبعدها نحط البلاش ونحدد الأنف ..

أنا أشجع طبعاً لون البلاش المشمشي .. لأن أحلى وأكثر لون يضبط ويا أغلب الألوان ..

ونشيل الباودر بريشة مثل ريشة البلاش الكبيرة بلسمات خفيفة ..

نحط الروج الأحمر …