ان اردتي لبنتك ان تتمتع بشعر جميل وغزير طول عمرها قصي لها شعرها ولد طول ماهي في الابتدائي وبعدين ابدئي قصيه كاريه في المتوسط ولما توصل الثانوي خليها تطوله لاتقولي لا مو حلو ولا لا كيف بنت ابغى احط لها بكل وكلبسات ملونه وافرح عليها بتفرحين عليها كم سنه _وتبلشينها هي طول عمرها مسكينة بشعر ضعيف وان قصته ما يطول الا بالضالين :frashagirls: لان الشعر لما ينقص بشكل مستمر وخصوصا للأطفال الشعر يتعود على القص اما لما ينقص بعد ماتكبر البنت فيه شعور والله تنفجع
وانا بقول لكم ها الملاحظه من تجربتى الشخصية
اختى ولدت بنين ماشاء الله الحين صاروا عرايس وطبعا انا كنت بالثانوي يعن ماني عجوز وعشان انااحب اختى ونحن نسكن بنفس العمارة انا واختى وانا فاضيه وكنت ايامها ماني متزوجه قلت لها اعطنى واحده من التؤام انا اهتم بها اوارعيها وهي في نفس العمارة وانا اطلعها لك كل شوي طبعا اختى وافقت خصوصا انها ستكون بنتها تحت رعايه امي بالاساس !! 😀 لأني انا كووول واحب الموضه كنت اقص للبنت ليان شعرها كل فترة اقصه ولد وبفضلها سرت فنانه بالحلافه:018: وادهنه بالزيت بشكل دوري ، ( طبعا اختى البنت الثانية عندها بيان ربت لها شعرها وتزيته برضه من نفس الزيوت الى احظها انا واختها واختى المهم ياسيداتي الغاليات اختى لما بنتها كبرت وصارت تروح المدرسة صارت تعترض علي وتقول لي لا تقصي شعر البنت عقديتها وصراحه اختها الى عند اختى شعرها طويل وحلو بس اناما كنت ارد اغافل اختى وامسك المقص واقص شعر البنت طبعا طول ماهي في الابتدائية كنت اقص لها شعرها والله ولد !! والله اسرع واحسن وانظف وارتب ولما دخلت المتوسطه سرت اخليه لها كاريه ( لاتحسبون ان بنت اختى صارت تطيعنى وترضى اقص لها شعرها بسهوله والله هوشه ونجره وساعات بالغصب وساعات وهي نايمه اخربه لها فتضطر انها لما تصحى تجلس لي اقصصه لها :11_1_212[1]: ( مفتريه انا ) المهم لما البنت دخلت الثانوي تركت لها شعرها يطول واصلا خلاص صارت تبغى تطوله وتروح كوفيرا وهذا حقها لكن والله العظيم انا لاحظت ملاحظه ، ان شعرها احلى من شعر اختها الف مره
الي خلاني الحين اقولكم ها الحكاية هي ان اختها ماشاء الله على بنات اختى الله يحميهم انخطبوا بس الي كانت عند امها قصت شعرها لان شعرها صار ضعيف ويتساقط لكن مارضي يطول فهمست لي وقالت ياليتك " يادودي كنتى اتقصي لي شعري حتى انا كمان زي ليان " استغربت من ها الكلمة وانتبهت ان فعلا ماشاء الله ماشاء الله ان شعر ليان رائع وتقصه وبسرعه يطول ماشاء الله
عشان كده والله نصيحة لكل الأمهات لا تطولوا شعور بناتكم
1- فترة الابتدائية قصوها ولد والى شعر بنتها خشن وطاير المقص بينعمه مره على مره يغزر ويثقل بس انت قصيه لها قصير وحطي عليه زيت
2- فترة المتوسطة كاريه حنيه لها واستخدمي زيت النارجين والشذاب خطير للشعر
3- احرصى ان تخليها تأكل الخصار والفواكه واعطيها حبوب زيت كبد الحوت ممتاز للشعر
وشكرا
على فكره انا الحين بسوي مع بنتى نفس الى كنت اسويه مع ليان 😀
