هذا موضوع قريته في احد المنتديات وعجبني فحبيت انقله لكم اتركم مع الموضوع
كيف حالكم فرداً فرداً عضواً عضواً شبر شبر بيت بيت زنقه زنقه … نأسف خلل فنّي
< ما اقصد احد
صراحه مدري وش اكتب ومن وين ابدأ وكيف اعبّر عن مشاعري
ناس ترقت , وناس اعتزلت , واشخاص صاروا بنفسجيّن
وناس تزوجوا وناس نجحوا وتخرجوا
وانا الفتاة المسكينه ما القى وقت ادخل هونا ابارك واسلم عليكم
لكني اعلنها هنا وامام الملأ 
!!
مبروك لجميع من ترقى او تزوج او تخرّج
ودي امر عليكم في ملفاتكم واسلم واسولف معكم بس الوقت ما يسمحليش ان شاء الله في نهاية السّنه يجيب فايده , موب مثل التّرم الاول استغفر الله بس ~__~
كنت فتاة اذاكر بس فيه ناس يذاكرون اكثر مني T_T
وكنت احل واجباتي وكانوا فيه ناس يحلّون احسسن منّي T_T
بس هالسّنه ان شاء الله ان شاء الله بإذن الله الواحد الاحد
استطيع ان ارى ال متياز تتلأ امامي عيوني المرهقه
صار اللي تحتها اسود من كثر السّهر والمذاكره , مفروض يسموني الجاحظ صراحه
بس المشكله اكتشفتها الحمد لله , وهي اني ما كونتش ازاكر اولاً بأول درس بدرس صفحه صفحه باب باب زنقه زنقه … طوط خلل فنّي نعتذر خخ 😀
ودّي اسولف في اشياء كثيره
نبدأها بالاحداث الغريبه العجيبه اللي صايره في الدنيآآ 🙁
لماذا اصبح الناس يتظاهرون ؟؟ لماذا صاروا الحكّام متغطرسين < حيّوها الّفت جمله محترمه 😀
لا من جد ليش العالم كذا , حرام في ليبيا ماتوا كثير بدون ذنب
والرئيس طال عمره ماعنده نيّه يتنحى
اي صح نسيت هو قائد للثّورة وليس رئيس
اساساً لو كان رئيس كان رمى الاستقاله في وجهك انت ويّاه
ومصر وميدان التّحرير , والفوضى اللي صارت :"(
تونس والفوضى اللي صارت ومازالت
فلسطين من 60 سنه وهي تبكي ولا حياة لمن تنادي
العراق منبع العلوم من بداية العرب , تنزف ولا يدّ تتحرّك :قلب مجروح:
الحمد لله والشّكر لك يارب على نعمة الامن والامان والله يخلي لنا حكّامنا وبلدنا ويديم علينا النعمة
من جد يعني اكلم كل من يفكر يتظاهر ويطلع
يعني الحين زينه الفوضى اللي صايره ؟؟
باللهي موب تجلس في بيتك تدرس عيالك وتسعد زوجتك 😀
اصرف لك من انك تنام في الشارع وتموت جوع !!
والا اخواننا العرب اللي يبون يتظاهرون في السّعوديّه خخخخخخخ 😀
انت وياه ضفوا قشكم مالكم مكان هنا , كل السّعودين كبارا وصغار ذكور واناث حريم والا رجال <
كلهم فداء للوطن ونحبه ونعشقه وكل شي 3>3> !!
وش تبون انت وياها , الحمد لله بلاد تسمع الاذان فيها 5 مرات
دور التحفيظ في كل مسجد , تعليم بلاش , مدارس حكوميه متطوّره
الحمد لله يارب , نعمة تستحق المزيد من الشّكر 3> !!
نرجع لمحور حديثنا 😀
شسمه ابسألكم شباب
وش رايكم ب بالشّخص اللي يدّعي اشياء ليست فيه
كأن يمدح نفسه او يقول انا عندي وعندي وشريت 5 لاب توبات
و 3 آي باد , و 4 ونص آي فون , و 15 بلاك بيري , :D:D
والله من جد فيه ناس كذا مدري ليه ؟؟
الحمد لله بس , تكذب على مين ؟؟
المشكله انّك عارف هذا الشّخص ومعاشره من سنين بعدين فجأه
ينفخ نفسه علينا @__@!!
رايكم بكل شفافيّه واستراتيجيّه وديموقرآطيّه 😀 !
اي صح وش معنى ديموقراطيّه 😮 < اشفقوا عليها خخ 😀
كلمات من القلب واللهي تقبّلوها مني فردا فردا عضوا عضوا بيت بيت دار دار 😀
الاخطاء الاملائيّه والنّحويّه موجوده اكيد نظراَ لاني اكتب بهدوء وعدم استعجال 😀
استودعكم الله ~
منقول
منوراني