كحك العيد بالطريقه المصريه
اولا المقادير
2,5 كيلو دقيق
1,25 كيلو سمن
كوب سكر
حوالي كيلو لبن حسب الحاجه
قطعة خميره بيره
ربع كوب ماء دافي وملعقة سكر للخميره
سمسم حسب الرغبه
ملعقة صغيرة ملح
ريحة الكحك حسب الرغبه
لحشو الكحك
ملبن عجوة بندق عين جمل
اللي تحبيه حسب رغبتك
الطريقة
نجيب الدقيق ونضيف عليه كوب السكر وتكون السمن دافيه نضيفها للدقيق تدريجياونبسها مع الدقيق كويس لغية لما يختلطوا ببعض كويس (طبعا العجانه بتسهل ده) وقبل كده بنكون قلبنا الخميره مع السكر وضفنالها الماء الدافئ وبتكون بدأت في الفوران خدي بالك لتتكب ونقلبها كويس ونضيفها للعجينه ( الدقيق والسمن ) ونقلب كويس لما يختلطوا ببعض بيكون اللبن دافئ ونقلب فيه ملعقة صغيرة ملح ونضيفه للعجينه تدريجيا ونقلبها كويس وتضيفي لبن لغية ما تلاقي العجينه تنفع تتشكل معاكي خدي بالك متكونش جابسه ولا طريه ولو بتحبي السمسم وريحه الكحك ممكن تضيفي اللي تحبيه
وبعد كده نقطع الكحك وننقوشه ونرصه في الصواني
بعد كده ندخله الفرن علي نار هاديه ونلف الصنيه علشان كله يستوي من جميع النواحي مثل بعضه
ولما يبرد نرصه ونرش عليه سكر بودره
ويكون جاهز للتقديم وبالهنا والشفا
وكل سنه وانتوا طيبين واي مساعده انا جاهزه
~ شروق~
