واحس بآخر ما تقوله بونّه
قلت ابتدى واللي يجي منك مقبول
تفضلي قولي تفاصيل عنه
قالت صحيح ان كل شي له اصول
وان الليالي حكمهن يفرضنّه
قلت الله اللي ميّز الناس بعقول
وكلٍ له اسلوبه وذوقه وفنّه
قالت ابي قلب البشر ماله ميول
قلت البشر يمشي برايه وظنّه
قالت وحب النفس لو صار مجهول
مشاعري غصبٍ عليّ يكتمنّه
ودّي على وصله وحبه على طول
لكن مقادير الزمن بعدنّه
واليوم بالي من سبايبه مشغول
في ذمتي وصله على القلب جنّه
قلت الغلا مثل الحيا كنّه سيول
حسب القلوب وحسب ما يشتهنّه
والوصل بالقسمة وله عدة حلول
امّا على الكتمان .. .. والاّ بسنّه
قالت واذا ما الله قسم.. قلت لاحول
يبقى لهن حلن وهن ما يبنه
يبقى الفراق اللي علي صاحبه هول!
والبعد لو ما كلهن ..يرغبنّه
قالت بدا ..في خاطري شي يجول
واخاف تزعل يابن الاجواد منّه
قلت الكلام ان صار لينّ معسول
لا يجرح العاشق ولا فيه مّنه
قالت نويته..واسكت بآخر القول
قلت الفراق .. .. وقالت الظاهر ..إنّه..!!
كل الشكر والامتنان على روعه بوحك ..~
وروعه مانثرت .. وجماليه طرحك ..~
دائما متميز في الانتقاء..~
سلمت يالغاليه على روعه طرحك..~
نترقب المزيد من جديدك الرائع..~
دمت ودام لنا روعه مواضيعك..~