>>
دعوة للنقآش
<<
نجي لقضيتنا ومحور حديثنا
( يآولدي بنحجز لك بنت فلآن )
( يابنتي ترى ولد فلآن حاجزك )
( فلآنة محجوزة لفلآن )
^
^
حشى استرآحه موب بنت..!!
}> يجي وآحد يخطب بنت جيرآنه ..الولد آخلآق ودين ..لكن البنت محجوزة لولد عمها ..!
}> في يوم من الأيام شخص كان حآجز وحده من قريباته .. وطول حجزه لها يعني من يوم انهم صغار وهم يقولون فلآن لفلآنه وفلآنه لفلآن .. وبعد ما توظف تركها وقال انه مآيبيها ..!
ساءت الحاله بين العائلتين .. والبنت تورطت ورآحت فيها حتى الخطآب مايدقون بابهم لأنهم يعرفون انها محجوزه لفلآن وضاعت البنت مع ضياع هذا الحجز ..
}> بنت يتيمة وحيدة..حجزها عمها لولده ..لآنه مايبغاها تطلع من العائله .. طيب ممكن البنت مو مناسبة للولد ..افكارهم غير ..شخصيآتهم غير..لكن مين يسمع ..خلآص البنت محجوزة لفلآن ..
قصص تبكي القلوب .. وأحلآم تضيع في قرار
أمال وأمنيات تتبخر ..
***************
بصرآحة انا احس ان الحجز فيه ظلم للبنت
لان ما بيجيها خطآب لانهم يعرفوا انها محجوزة لفلآن
ممكن الشآب يتأثر لآن اهله اختاروا له شريكة حيآته
وحجزوهآ له .. ويمكن الولد مو عاجبتو البنت .. او شايف عليها شي ..!!
لكن البنت هي الي تتأثر اكثر لانها بتبني كل احلامها مع هالولد ..
برأيكم ..
من المذنب . في هذا كله ..؟الشاب , الشابه , الأهل , العادات والتقاليد ..؟!
ومين الي يحدد ويقر ان فلآن لفلآنة وفلآنة لفلآن .. الاهل ام الشاب ام النسب ؟؟
اذا تقدم لكي ايتها الفتاة شآب للآن يدرس وقالوا لك أهلك انه يبي يحجزك وش بيكون موقفك ؟
وهل هذا الشي موجود في عائلتكم ؟؟
وماموقفكم منه ؟!.
اتمنى تفاعلكم لاهنتوا
لكمودي وحترامي…
وتصبح متوارثه بكل اسف
وعادة تلاقي هالشي عند بعض القبايل وبكل اسف
هذا غلط
والله مب لازم فلانه لولد عمها والعكس
اذا جاءكم من ترضون دينه وخلقه فزوجوه
مو قال قبيلته عليه افضل الصلاة والسلام
بالنهايه هذا ظلم للاثنين
يمكن الرجال مو في خاطره ياخذ من الاهل
ف الاهل هم اساس البلا
رغم التطورات الان الا ان في ناس باقي عقليتهم رجعيه
شكرا ع الطرح خيتو
مميزه بتواجدك ..