عندما يسألك طفل ما هو الإغتصاب
موضوع رايح عن بال نسبة كبيرة من الآباء و الأمهات >> بحجة انه عيب
لكن هذا من قلة الوعي بالمخاطر المحاطة بالأطفال
اليوم نسبة كبيرة من الأطفال يتعرضون لإعتداءات جنسية و هم ما يعرفوا هالشي
و للأسف هالشي يأثر في نفسية الشخص طول حياته
و للأسف >> انه ما يقدر يقول لأبوه هالشي .. او حتى خايف .. او حتى يمكن يقول بس محد ياخذ هالشي بشكل جدي
ابسط تعريف يمكن ان نقوله للطفل .. قرأته في احد المنتديات و منطقي جداً بالنسبة لتفكير الطفل
التعريف هو : اخذ كل ما هو لك
يعني لو الطفل في إيده لعبة و هو يبا يعرف معنى الإغتصاب .. بسرعة تسحب عنه اللعبة .. و تقول له هذا هو الإغتصاب انه حد يشل عنك شي لك
بعد فترة .. نوضح له المعنى بشكل اكبر .. على حسب تفكيره .. و كل ما يكبر نوضح له اكثر .. لين ما نوصل له المعنى الحقيقي للإغتصاب
لأنه من المستحيل طفل ذو ست سنوات نقول له المعنى الحقيقي للإغتصاب >> لأنه بالأساس ما بيفهمه .. لأنه المعنى الحقيقي بيكون اكبر من إدراكه العقلي و فهمه
عندها .. يمكن للطفل معرفة الإغتصاب إذا تعرض له
الصراحة .. مرة واحد من الأهل سألني هالسؤال .. و تذكرت اني قاري المعنى اللي ذكرته .. و الكل كان يطالعني بإحتقار و انا اقول له المعنى .. لأنهم حطوا في بالهم اني بقول لهم المعنى اللي الكل يعرفه
و لو انا ما قلت له .. اكيد بيبحث عن المعنى الحقيقي .. لين ما يحصله .. و هالشي مب زين بالنسبة لسنه الصغير
لو انت تعرضت لهالموقف ؟ .. شو بيكون ردك على الطفل ؟
الله يسترنا ويستر صغارنا
في امان الله
:p:p
لازم الواحد يوعي طفله حتى لو الطفل ماسأله
لأن بهالزمن لازم نخاف من كل الناس
والحذر غلب القدر
موضوع جدآ جميل ومفيد واتمنى كل واحد يقراه..