قم يا قلم سّجل على بيض الاوراق
بيّن كلآم الشعر صدقة وزورهـ
لو ينتهي حبرك على صافي الأسواق
لأكتب بدمي في قوافي بحورهـ
الذوق حالي بين الأسماع ينساق
شعر جزيلٍ يردف الفكر دورهـ
دونت قيفاني على كل الأذواق
أقطف من البستان أجمل زهورهـ
أقطف مشاعر من لهبها بالأخفاق
تحرق فرح عرسان وتهدم قصورهـ
والشكل لوحة من تعابير الأشواق
أبعث خيالي في تفاكير صورهـ
صورة يتيمٍ دمرّت كل الأنفاق
أدهى طريقٍ صايرن فيه شورهـ
تآية على لقياك مكتوب بفراق
دمعة حزينٍ أولّت في حضورهـ
استاذنك يا قلب إن شفت بّراق
مقبل سحابه جرجر الرعد طورهـ
اسمع هزيمه في مدارات الأطباق
بين الغمام اللي سداها مطُورهـ
والطير يلحن بالجناحين صفّاق
ماذاق هم(ن) والليالي تدورهـ
دام المعيشة ما حسبها بالأطواق
يصحى ويرقد ما درى الهم عورهـ
وقلبي مع اللي حدّرت دمع حراّق
عين اليتيم اللي مع النوم جورهـ
تشكي سهرها من لوآهيب الأعماق
حالي مذاق الناس وذوقة مرورهـ
شفت الذي يمشي على الأرض عزّاق
يزرع ويغرس ثم يجني بذورهـ
هذا حياتك حدد الساق بالساق
وأعرف مصيرك يوم تنوي عبورهـ
وحدّ قرارك بين الأنظار حدّاق
أختر جميل الشي وانهض بسورهـ
هذي نصايح قبل ما تقفل الطاق
خذها امانه في طريقك تنورهـ
رحماك ربي في اليتامى بالأرزاق
وأجمع سيوف الحق عقب النفورهـ
والله على اللي بين الأسماع ينساق
شعرٍ جزيل يردف الفكر دورهـ
دمتم بحفظ الرحمن :bye1:
أذا أعجبكم موضوعي لا تنسون تقيموني:0149:
المسك :0153:
بس الصدق انها رااااااااااااائعه تعبر عن احساس مرهف ومشاعر رقيقه
تقبلي مروري
تشرفت بوجودك بصفحتي المتواضعه والردك الرائع