ساعدونى فى اتخاذ القرار 2024.

وبقى يتدخل فى كل حاجه ويقولى ماتكلميش صديقتك ؛ ومره كان عمى جاى عندنا وقالى ماتنزليش تسلمى عليه وقولتله ماينفعش اتشاكل معايا وكانت مصيبه انى بقول لا
عايز كل حاجه حتى لو كانت صح او غلط اقوله حاضر بدون كلام

ولو واحد عاكسنى بتكون مصيبه ويعد يتشاكل معايا

ولو مثلا حاجه حصلت وقولته بعد ساعه او ساعتين تكون مصيبه انى خبيت عليه الساعه دى وماقولتش فورا عن اللى حصل

وانا كنت كل يوم اعد اعيط من كتر اللى بيعمله كل يوم مشاكل ووجع قلب
وكان بيكلمى بطريقه مش كويسه وبعصبيه واقوله ماتكلمنيش كدا

يقولى لا انتى اكلمك كدا

وحاجات كتير لو اعدت اتكلم من هنا لى بكره مش هخلص كلام عن عمايله معايا ولو حكيت كل حاجه هتستغربوا ازاى انا استحملت كدا

بس لدرجه انى حسيت انه مريض عقلى ونفسى من تصرفاته معايا
وقررت انى انفصل عنه
لانه ماقدر اى حاجه
وعما قولته نسيب بعض تخيلوا عمل ايه
بعدها اتصلت بيه ماردش عليا ولا عبرنى وبعتله رسايل علشان يكلمنى مايكلمنيش

وفضل كدا شهرين

المشكله دلوقتى وسبب كل كلامى ده معلش طولت عليكم بس انتم لازم تعرفوا علشان تحكموا

هو كلمنى بعد ماسبنى اكتر من شهرين ولا عبرنى وراجع عايزنى اسامحه واكلمه تانى وقالى ان هو هيتغير وان هو مش عارف عمل كدا معايا ازاى

بس فى الحقيقه اناخلاص معنتش بحبه خالص من عاميله معايا وعلشان هو قدر وسابنى اكتر من شهرين من غير مايسمع صوتى

هل ارجع لواحد زى ده؟؟؟؟؟؟؟؟؟؟

هل انسان زى ده ممكن يتغير؟؟؟؟؟؟؟؟انا عمرى مااصدق انه يتغير

وهو قبل رجلى علشان ارجعله تانى وعيط علشان ارجع