رسالة تناقلتها زوجات سعوديات أزعجتني
لقد اثار إهتمامي رسالة تتناقلته زوجات سعوديات عن الي تبي الدلع والكلام الحلو وين تلاقيه.
فحوى الرساله؛ إن الي تبي الدلع تاخذ لبناني والي تبي الكلام الحلو تاخذ سوري والي تبي….. والي تبي…..
والي تبي الأجر تاخذ سعودي
عاد الأخيره هي الي أزعجتني
وحبيت أقول لهم
العاقل يفهم من غمزه والجاهل يفهم من رفسة
معلومة أفتح فيها رسالتي:
أنا من بيئة زراعية تؤمن أن الأرض الطيبة تعطيها تعطيك،
وكثر ما تهتم فيها يكون الثمر أطيب.
إلى كل إمرأه سعودية تعتقد أنها مأجورة لأنها مآخذه زوج سعودي…..
إلى كل إمرأه سعودية تعتقد أنها فاقدة الدلع مع زوج سعودي…..
إلى كل إمرأه سعودية تعتقد أنها فاقدة الرومانسية مع زوج سعودي…..
إلى كل إمرأه سعودية تعتقد أنها فاقدة الكلام الحلو مع زوج سعودي…..
إلى كل إمرأه سعودية تعتقد أنها مظلومة عاطفيا لأنها مع زوج سعودي…..
إلى كل امرأة سعودية تبحث عن زوج حق دلع ولا كلام حلو…..
أختي الفاضلة:
أجلسي مع نفسك صباح يوم من الأيام بعد أن يغادر زوجك السعودي إلى العمل.
راجعي يوم الأمس الذي مضى لحظة بلحظة،
وأجيبي عن الأسئلة التالية:
صباح الأمس الباكر؛ من أيقظ زوجك للعمل؟ أنت أم الساعة المنبهة؟
إذا كانت الساعة؛ أين كنتي؟
إذا كنتي أنتي؛ كيف أيقظتيه؟ وبأي صوت نبهتيه؟ وفي أي صورة كنتي عندما تفتحت عينيه؟
بعد أن استيقظ، ودخل الحمام للدش؛ هل وجد حمامه جاهز؟
لما خرج والأمل يحذوه في وجبة إفطار؛
هل كنتي جهزتي له إفطاره؟
(ولا كوب قهوة وكيك على المكتب)
قبل أن يخرج للعمل؛ من أين أخذ ملابسه؟ (من بين يديك ولا من الدولاب)
هل ساعدتيه في لبسه؟ (وكشختيه وعطرتيه)
بعد البس (وقت الخروج)؛
هل من مودع؟ ولا أحسن إختاري أجابه واحدة ما يلي:
1- خرج وأنا نايمه.
2- صحيت من حركته في البيت، فتحت وحده من عيوني وقلت: وين رايح، العمل؟ بالسلامة.
3- كنت جالسه بالصالة، وهو خارج قلت له لا تنسى الأغراض الي وصيتك عليها.
4- رافقته للبا، وكان وداع حار.
( تبين مساعدة، نحذف إجابتين؟ بس المشكلة مانقدر نحذف إلا إجابة وحده بس!!!)
لما وصل المكتب (طبعا إذا قام يفطر الشباب بالمكتب عرفوا وش أنتي من حرمه)؛
هل أتصلتي فيه تطمئنين عليه إنه وصل بالسلامة؟
تالي النهار وهو راجع البيت من العمل،
دق الجرس ( معه مفتاح بس يبي أحد يفتحله و يحسه إن له وحشه)؛
هل أستقبلتيه؟ وشلون؟
بدا ينزع ملابسه؟ هل كنتي معه ونزعتي له ملابسه و..و..
ثم علقتيها بالدولاب؟ (ولا منطوله بطرف السرير)
يبي يدخل الحمام ويأخذ دش؛ (كرري السؤال حق دش الصباح).
بعد الدش يبي استرخاء، رجليه تألمه من الوقفة طول النهار والمشي،
جسمه هلكان؛ هل ريحتيه؟ (طشت مويه وملح وهاتك يا تدليك)
الآن يبي غفوة قبل ألغدا، هل ساعدتي على توفير الجو الهادئ؟
لما صحي؛ هل وجد ألغدا جاهز ولا هو الي جابه معه من المطعم؟
بعد ألغدا أكيد يبي شاي،
هل قدمتي له الشاي، وجلستي معه سوالف عن كل شيء،
وكيف كان يومك؟
الآن فتره مستقطعه إلى اليل، وشلون قضيتوها؟
باليل وقبل النوم على الأقل ساعتين (إذا فيه عيال أكيد ناموا)؛
وش كنت لابسه؟ كيف رائحتك؟ وشلون صورتك وهيئتك أمامه؟
خلال الساعتين: وش من جو عيشتيه فيه؟
يمكن تتابعون فلم ولا مسلسل وسواليف، بس الجو العام شلون؟
وقت النوم، وأنتي رايحه السرير؛ وش كنت لابسه؟ كيف وضعية النوم مع زوجك؟
(وضعية حنان ولا كأنكم أثنين أصدقاء استأجروا غرفه بفندق
وما لقولهم إلا غرفه بسرير واحد (كنج بد) وكل واحد نايم بجهه)
باختصار لكل الأسئلة السابقة:
هل كنتي أنثى مع زوجك السعودي وعيشتيه جو زوج وزوجه؟
طبعاًَ هذى مو كل الأسئلة المطلوبة من زوجه أنثى،
لكن المهم منها والمطلوب حتماًَ وحق الزوج فيها.
إلى كل امرأة سعودية تبحث عن زوج حق دلع ولا كلام حلو:
ضعي درجه من 100 على كل سؤال، وزعيها بحسب الأهمية،
ثم أجيبي الإجابة الصحيحة، ومن ثم اجمعي الدرجات التي حصلتي عليها.
كم مجوع الدرجات ألتي حصلتي عليها؟
0% ولا 10% ولا 50% ؟
طبقي النتيجة على المعلومة الزراعية التي أعطيتها أول الرسالة عن الأرض.
إعتبري النتيجة هي نسبة اهتمامك بالأرض. والأرض زوجك كيف بتكون الثمرة الي تحصدينها؟
(الثمرة أكيد الدلع والكلام الحلو و… و….)
اسألي مزارع إذا احتجتي مساعدة.
في النهاية: أتمني من السعودية الي تبي الدلع ما تأخذ لبناني،
والي تبي الكلام الحلو ما تأخذ سوري والي تبي…والي تبي….والي تبي….
معلومة أختم فيها رسالتي:
تعرفون ليه الزوج السعودي يفغر لما يشوف امرأة متبرجة وتطيح سعابيله.
تعرفون ليه الزوج السعودي أكثر رجل في التاريخ متواجد في القهاوي والاستراحات؟
تعرفون ليه الزوج السعودي لما يجلس وزوجته يتابعون التلفزيون وتطل المذيعة عيونه مفنجله بالشاشة.
تعرفون ليه الزوج السعودي لما يتزوج من سوريه ولا مغربيه ولا…ولا…
يحس إن فعلاًَ فيه جنس آخر بالكون غير الذكور.
لأنه في الأصل عايش مع واحد من ربعه.
منقول من الواقع
و أنا برأي الشخصي انه لو فيه زوجة تسوي ما ذكر أعلاه ما راح زوجها يفكر مجرد
تفكير بالزواج عليها إلا إذا كان مجنونا أو مريضا نفسيا.
ملاحظة هامة / الموضوع طرح بهذا الأسلوب كتذكير للمتزوجين و المتزوجات و المقصرين والمقصرات فقط .
دمتم بوافر الودّ والمحبة
راق لي
أنا من سوريا صحيح
بس عنجد الله يعين السعوديات
دائما الحديث عنها
نريدها تت<noSymbl%CD1> ونريدها تسوق سيارة
ولا زم تكون دلوعة ومابعرف شو كمان
والله ما في أحلى من النساء السعوديات
ألا يكفي أنها في بلاد الحرمين
وكما في بالسعودية نساء مهملات كذلك في كل البلدان في سوريا ولبنان و………….
وكما في بالسعودية رجال عيونهم زايغة كذلك في بكل البلاد
صدقيني أختي الله محي أصل السعودية وانشاء الله اضل متماسكة ضد نشر الفواحش بها
استطاع الغرب أن ينشرها بين كل البلدان العربية الا السعودية
فحياها الله من شعب متماسك
والله أمنيتي عيش فيها بتذكرني بحياة الرسول والوحي
مشكورة أختي لنقل الموضوع
ولا يهمك كل النساء سواسية ان كانت سعودية ولا سورية
الإمرأة ‘امرأة
رجل ولا الكل ف لو خليت خربت
ماشافوا خير~~
والحريم بالنهايه حريم
يعني هم من زين سواياهم المفروض الرجل يتقي الله في
زوجته حتى لو كانت مو حلوه ولا فيها عيب هو ماتزوجها الا عن قناعه
ويكفيها تحمل مسؤلية بيت وعيال وشيل وحط
يعني لو اهملت في نفسها يوم خلاص تقوم الدنيا
ماتقعد
تخلف في بعض الرجال يبون كل شي كامل والكمال لله سبحانه
نحاول جاهدين الوصول له لكن بما قدر الله وشاء
في النهايه هذا الكلام غالبيته غير واقعي
وياليت الي كتب عن المرأه السعوديه
يعكس كلامه ويكتب عن الرجل السعودي
الي يسافر ويتروك وراه زوجه وعيال
لمسخرته وناسته طبعآآ مو الكل لكن في حريم
الله يعينهم ع ازواجهم الي بهالشكل ولايبلانا يارب
ولا قالت له قال انا رجال
يعني عيونه تروح يمين ويسار وتلقط هذي وهذيك
هو رجال:p
اتمنى وياليت الي كتب هالكلام يترك عنه الفلسفه الزايده
الي ماتوكل شعير
ونشوف كيف ردود الافعال 
مشكوره حبوبه
برايفت…
تعرفون ليه الزوج السعودي يفغر لما يشوف امرأة متبرجة وتطيح سعابيله.
تعرفون ليه الزوج السعودي أكثر رجل في التاريخ متواجد في القهاوي والاستراحات؟
تعرفون ليه الزوج السعودي لما يجلس وزوجته يتابعون التلفزيون وتطل المذيعة عيونه مفنجله بالشاشة.
تعرفون ليه الزوج السعودي لما يتزوج من سوريه ولا مغربيه ولا…ولا…
يحس إن فعلاًَ فيه جنس آخر بالكون غير الذكور.
لانه ابله ماشاف خير:p
لاكن صراحه زهقت مليت من كثر ما شوف هذي الرسايل سواء ع الايميل أو المنتديات
وعلى فكره الموضوع منقول للفائده و أي أحد يكتب زي هدا الكلام صراحه >>> صغر عقل وتخلف
مدري وش شايفينا عندهم بصراحه من القهر موب لاقيه الكلمات الي ابي
اكتبها وانا مع ام عزوزي بكلامها والله اصابعك موب سوى يعني موب كل الحريم سوى
صحيح انا موب متزوجه بس الكلام قهرني وحبيت ارد وإذا قالو قالو الرجال عيبه بجيبه
وإذا اهملته يوم بيقومها ويقعدها فوق تحت من جد هذي ميب حاله وبعدين حتى هو يصحى مكشر
يرجع من العمل معصب ومسوي تعبان طيب انت تعبان ماقلناشي بس سؤال وهو في عمله مع اصحابه
قبل لا يرجع بيته بخمس دقائق كيف كانت نفسيته اوكيه يسولف ويضحك:p ويومه رجع البيت يقعد يصارخ
ويسوي سالفه عشان العيال يلعبون ليه مايدخل ويسولف مع زوجته والولاده يسالهم عن الروتين اليومي
وإذا عياله بالمدرس يسالهم عن الدرسه :3_3_3v[1]:ولا إذا تخر الغدا دقيقتين يقرف زوجته عيشتها ويحلف مايتغدا يروح ينام
طيب هي ما تاخرت عليه إلا اكيد حصل معها شي ياما تعبانه او مرهقه او واحد من عيالها تعبان وشوي عند طبخها وشوي عند ولدها ينام ويطلع العصر ومايرجع إلا اخر اليل زوجته متعبه حالها في العشاء بس تحطه ع السفره والكل يبي ياكل :7_13_5[1]:يقول انا تعشيت مع الربعي طيب تعشيت بس جامل هي ما طبخت إلا عشانك يعني انا ابي اقول الي يكتبون ويسبون في السعوديه اول شي يشوف عيوبه ويشوف ليه هي سوت كذا انا من جد احمد ربي ان عندي اب متفاهم حتى بعد ما يكون تعبان يسولف ويضحك معنا يشوف اخواني يلعبون بلاي ستيشن :7_1_112[1]:يلعب معاهم يجي يجلس معاي ومع اختي بغرفتنا احياناً ينام بغرفتنا وإذا طلع من شغله باليل يدق ويقول جهزو اغراضكم نبي نطلع برى ارجع من المدرسه انا واختي واخواني وابوي يقول نبي نتغداء برى الله يحفظه لنا انا ابي اقول ان موب كل السعودين سوى ولا كل السعوديات سوى في سعودي مهتم بهالهه قبل نفسه وزوجته ماتهتم وفي سعودي مايهتم وزوجته تهتم وفي الاثنين مايهتمون وفي الاثنين يهتمون معليش طولت عليكم بس الكلام يقهر من جد
يسلمو ع الوضوع المتميز واحلى تقييم اعذروني إن قلت شئ يزعل
تقبلي مروري