اليوم جايبتلكم طبخه هنديه وان شاء الله راح تعجبكم بصراحه مو عشا انا طبختها اقول طعمه من جد يومها ارسلتو للجيران ومررا عجبهم………..
راح ابدأ على طول
المقادير..
دجاجه مقطعه قطع صغيره نسبيا
بصلتين كبيره مفرومه
حبتين طماطم كبيره مفرومه
نصف راس ثوم مطحون مع قطعه زنجبيل بحجم اصباع سوري ماني عارفه اوضح تعرفو الزنجبيل كيف شكلو
معجون طماطم علبه كامله
كاسه وسط لبن سائل او لبن زبادي علبه صغيره
ملعتين اكل بهارات دجاج الخاصه للأكل الهندي
ملح حسب الرغبه
فلفل حسب الرغبه
زيت نصف كاسه كبيره او اكتر بقليل
3 او 4 حبات بطاطس مقشره ومقطعه قطع كبيره شويه
ماجي قطعه وحده
الطريقه….
نحمر البصل في الزيت ونحط عليه ملح عشان يحمر البصل بسرعه وبعدها نحط الطماطم ومعجون الطماطم وخلطة الثوم والزتجبيل وماجي ونقلبهم مع بعض خمسه دقايق
وبعدما الخلطه تتشرب المويه نحط الدجاج ونقلبو دقيقتين وعلى طول نحط البطاطس ونقلب وأثناء التقليب نحط عليه اللبن والملح البهارات فلفل اذا تبو .. بالتدريج
نقلبهم لمدة خمسه دقايق حتى تحسي انو مويت الدجاج نشفت والزيت طلع لفوق
بعدها نحط تقريبا كاسه الا ربع مويه او على حسب ما تبي المرقه بس لو ما تكترو المويه احسن اطعم والزيت كمان لا تخافو لو كتر لأنو الأكل الهندي لذتو في كترة زيتو بعدها تغطي القدر وتخليه على نار هاديه وتخليه لمدة نص ساعه انا استوى معايا في نص ساعه وهدا الشكل النهائي لو تبو تزينوه بالكزبره
قدموه بسلطة اللبن الزبادي بالنعناع والثوم والفلفل الأخضر
وبالهناء والعافيه ا ن شاء الله طبختي تعجبكم وبصراحه على حسب صحتي وما فيا اعمل شي اصعب ولا الحمد لله كان في النيه طبخه تانيه بس والله يبالها حوسه وانا الحمد لله صحتى ع القد
ام تالين هاتي لي بس ملعقه مش عايزه كثير هههههه
|
المشاركة الأصلية كتبت بواسطة لمار2016
 الله يعطيكي العافيه شكلها بيشهي
ام تالين هاتي لي بس ملعقه مش عايزه كثير هههههه
|
الله يعافيكي … حبيبتي يفداكي الطبق كلو ههههههههههههه يمكن لومن النوع اللي ما تاكلي فلفل كتير يصلحلك ملعقه اما لو تحبي الفلفل زي عيونك زي حكايتي ما راح يكفيكي خخخخخخخخخخخخخخخخخ