اليوم جبت لكم الطريقة الصحيحة لتنظيف البشرة .. اخذتها من وحدة فلبينية تشتغل بصالون
كلكم عارفين ان البشرة تحتاج تنظيف من وقت للثاني
و خاصة اللي يستخدمون ميك اب كثير
و البعض منا ما يتوفر له الوقت او القدرة للذهاب الى الصالونات او مراكز التجميل
عشان كذا اختكم سلفوني قررت تساعدكم و تسهلها عليكم
طبعا اكيد الطريقة بتختلف من صالون لثاني
سواء يكون اكثر او اقل خطوات
المهم هاذي الطريقة بتعجبكم و اذا سويتوها اسبوعيا .. بتشوفون بشرة حلووة
ما ودي اطول عليكم بدخل بالتفاصيل على طول
أولا : لازم تتوفر عندك الكريمات التالية :
-كريم للتنظيف العميق
-مقشر ..
-ماسك (قناع) ..
-كريم مرطب ..
اي نوع يناسب بشرتك طبعا .. هناك اكثر من شركة ممتازة ..
عندك مثلا شركة نيتروجينا
و شركة نيفيا .. بس ما ادري يتوفر منها قناع او لا ..
و شركة كلين اند كلير من جونسون
و شركة ستيفيز .. وهي المفضلة عندي
طبعا بالنسبة للي .. استخدم العناصر التالية :
كريم التنظيف العميق من كلين اند كلير
مقشر من ستيفز
قناع من ستيفز
كريم الترطيب من ستيفز ايضا .. انا استخدم بالكولاجين مررة ممتاز
طبعا الكريمات اللي انا استخدمها تنفع لجميع انواع البشرة .. و هذا اللي يميزها
ثانيا : وفري العناصر التالية
* ابرة التنظيف الخاصة للبشرة
تلقينها في البودي شوب .. او بأي محل تجميل
للمعلومية في منها انواع كثيرة
انا معي هالنوع
* جهاز بخار للوجه ..
اذا ما عندك لا تزعلين .. لان في طريقة القدر
* فوطة
* ربطه تلمين فيها شعرك
* اسفنجة
حطي زبدية صغيرة فيها موية دافية .. و حطي الاسفنجة داخلها
بتفيدك عشان ما تضطرين تروحين كل شوي دورة المياة و تغسلين وجهك
* كاس حطي فيه قطع ثلج
نبدأ : :
1- اول شي .. قومي بتشغيل جهاز البخار عشان يكون جاهز وقت الاستخدام .
2- ارفعي شعرك بربطة او طوق او اي شي .. عشان ما تحوسين الدنيا
3- خلي كل شي جنبك عشان ما تضطرين تروحين و تجين
و اذا ما كان عندك جهاز البخار .. انقلي الاغراض بالمطبخ .. لانك بتحتاجين الفرن
4- يفضل تقفلين المكيف الين تخلصين
بسم الله .. نبدأ بالطريقة :
* بللي وجهك بالماء ( عن طريق الاسفنجة و الموية الدافية)
* ابدأي بكريم التنظيف العميق
حطيه بوجهك و الرررررررررقبة يا حرام لا تنسوها .. و قومي بتوزيعه .. بررررررفق
بنات خلوا عنكم العربجة .. الا بشرة الوجة يبيلها ضغط خفيف .. دلع يعني
و بإتجاهات معينة عشان ما تتهدل بشرة الوجه مع الزمن
يعني يا حبيبات البي .. مهم تعرفين كيف تحركين يدك بخفة و بإتجاهات صحيحة
عشان يصير تنظيف و مساج بنفس الوقت ^_^
كنك توزعين كريم اساس بس لاحظي عند الذقن .. لازم تحركين ايدك بإتجاه الاذن
و الرقبة نفس الشي .. تحركينها لفووق
بالنسبة للمنطقة المحيطة بالعينين .. قفلي عيونك .. و حركيه
لاحظي اتجاه كل عين عكس الثانية دايما الفلبينية وهي تدلك وجهي .. تضغط جنب عيوني بقوة .. مو مرة مرة قوة ..
بس اقوى من التدليك العادي .. استمري بالتدليك .. لمدة 3 الى 5 دقائق:070::icon_razz::icon_neu tral::icon_eek::icon_eek::icon _eek::icon_eek: