تطويل الشعر بعشبة الروزمارى كلاكيت تانى مره 2024.

السلام عليكم ورحمة الله وبركاتهوالله لو انتي شايفة كده ماشي
موضوعى النهارده عن تطويل الشعر
قبل اى حاجه
أحب أشكرالأت اللى كانت كاتبه موضوع عن
تطويل الشعر بعشبة الروزمارى
للاسف انا مش عارفه اسمها
لكن لو شافت الموضوع ياريت تعرفنى بنفسها علشان اشكرها
موضوعى النهارده هو عباره عن تجربتى الشخصيه
من فتره رحت قصيت شعرى
وللاسف الكوافيره قصتلى حته كبيره منهغضبانة جدا
وكان نفسى يطول بسرعه
شفت الموضوع دا هنا
زمانكم بتقولوا ايه البت الرغايه دى
خلاص هقولمحرجة
جبت عشبة الروزمارى
خدت معلقة شاى صغيره من العشبه دى
وحطيته فى كوبايه
وحطيت عليه ميه مغليه
وغطيت الكوبايه وسبته لحد مابرد
وعبيته فى ازازه
وكل يوم بالليل قبل النوم
آخد منها وأحط على فروة راسى وادلكها لمدة دقيقتين
بس بشرط الفروه تكون نضيفه مش عليها اى زيوت
وبقية الشعر أحط الكريم بتاعى
وأسرحه وألفه كحكه وأنام
وكل تلات أيام ودى من عندى
كنت بعمل الآتى
جبت زيت جرجير وزيت خردل من العطار معروف طبعا فوايدهم للشعر
آخد معلقه من دا ومعلقه من دا واخلطهم على بعض
وأحطهم على فروة راسى كلها وادلك لمدة دقيقتين واسرح شعرى وانام والصبح اغسله
يعنى 3ايام روزمارى ويوم الزيوت اللى قلت عليها
النتيجه
شعرى طول فى أسبوع حوالى 1سم او اكتر
شعرى بقى طرررررررى جدا
الهيشان خف كتير وبقى شكله صحى
جربوها واعولى وادعوا لصاحبة الموضوع
وادعولى ربنا يوفقنى لان عندى امتحان كمان كام يوممحرجة
وادعولى ربنا يصلح من حال شعرى
طماعه انا
بليز سيبوني دلوقتي
بحبكم كلللللللكم