أكيد ايام التجهيز من احلى الايام حتى لو كانت تعب
وناسه ولفلفه بالاسواق وحجوزات ومواعيد و و الخ
وهذي القائمة :
اولا: نبدأ بالحجوزات المطلوبه
حجز القاعه
حجز المكياج والشعر (لعرس والحنا والصباحيه والهديه)
حجز الكوشه والاضاءه
حجزالتوزيعات
حجز التصوير واختيار البوم العرس
اختيار بطاقات الدعوه
حجز الفرقه:
حجز الأمن ( تفتيش جوالات الكاميرا)
*
*
ثانياً: قائمة مشتريات العروس..الفساتين..
1-فستان الزواج ( تفصيل – ايجار- جاهز )
2-فستان الصباحيه
3- فستان الهديه
4- فستان او فستانين زياده على حسب انتي شلون
*
*
..الجلابيات..
1-طبعا تختلف الوحده عند بيت زوجها بتسكن تحتاج كميات من الجلابيات اكثر .. يعني من 5 الى 10 جلابيات لاتكثرون ……وفيه بنات مايحبون الجلابيات فلاتعبون نفسكم
*
*
..قمصان النوم..
كل عروس لاتكثر عن 15 قميص نوم لانها بتمل منهم وبعد الزواج بتشتري … طبعا يتنوعون بين الطويل والقصير وبوفتحه والرئييسي الي حق اول ليله يكون طويل ومستر ( مايمنع يكون دانتيل وشفاف طبعا ) ولون العرايس المعتاد للون ليلة العرس هو السكري ودرجات البيج ..
تدروا انا أحس الأبيض أحلآ أول اليوم والسكري يوم الصباحية>>>>برآ
*
*
البجامات
تنوعو بين بجامات الحرير والشورتات والبجامات القطنيه ( بتحتاجونها ايام الدوره ) وبعد لاتكثرون يعني 10 كفايه .. وطبعا مايحتاج اوصي عالسليبرز عشان نكمل الطقم >> حركات…والارواب..
*
*
.الملابس الداخليه..من15 الى20 طقم ..
*
*
..ملابس البيت..
طبعا ملابس الغرفه اقصد اوالبيت لوكنتي بروحج وتنوع بين برمودات وتنانير قصيره وحركات دلع .. اخذوا الاشياء العمليه الدلوعه (شرايكم بالتعبير) عشان تنفعكم
رأئي الشورتات القطنية أفضل بالزات لو بتشتغلي وكدآ أو البرمودات القطنية مع بدي قطني
*
*
..ملابس السبورات..جنزات … وتيشيرتات … قمصان عمليه … حزامات … وما الى ذلك ..
*
*
..البدل والتنانير..
تحتاجين من 4 الى 6 بدل كشخه لأنو بعد الجواز رح تجيكِ زيارات كثيره وبتحتاجيها …. والي بتسكن مع اهل زوجها
بتحتاج التنانير الساده العمليه
*
*
.العطورات والكريمات..
بتاخذينلك كذا كولكشن عطور مع كريماتهم + عطور عربيه (دهن عود ومخلطات وبخور) + عطور فرنسيه+ مسك المنطقه الحساسه ..
*
*
.الشنط ( الحقائب )..
العروس تحتاج الشنط كثير فلازم تكون حريصه انها تنوع وتاخذ ( شنطه او ثنتين عمليات لشهر العسل + شنط سهره بالالوان المهمه مثل الاسود الذهبي الفضي + شنط ماركات راقيه ) ….
شنط لتجهيزاتك (طقم) + شنطة مكياج + شنطة للمجوهرات ..
*
*
..العبايات..
عباية للسهرة وعباية للزيارت وكدآ وعباية عملية وعباية إحتياط
*
*
.المكياج..كريم أساس للسهرات ( ديور).
– كريم أساس للاستعمل اليومي ( ذا بودي شوب).
– أساس استوديو فيكس من (ماك)
– بودرة مضغوطة من (كانيبو ).
– بودرة مضغوطة للاستعمل اليومي ( ماكس فاكتور).
– لوز باودر ( من شانيل).
– مثبت مكياج ( جيفنشي).
– كريم ترطيب قبل المكياج
– المعة دايموند باودر من ( ميك أب فور ايفير)
-الكونسيلر تاتش أوف لايت من (ايف سان لوران ).
– و الكونسيلر المتنوع الباليت الكامل من ( ميك آب فور ايفير).
– قلم الكحل الأسود من لانكوم و ماك.
– ماسكرا من استي لودر.
– و ماسكرا هيبنوس من لانكوم.
– الآي لاينر آرت لاينر من ( لانكوم)
– الشدو:
بيق مينت من ماك للسهرات بآخذ ألوان معينة .
– مجموعة شدو منوعة بين المات و المعة و الكريمي من ماك و بن ناي و نوبا
– علبة الشدو الكاملة من مكياجي للاستعمل اليومي و الخفيف .البلاشر :
نوبا و ماك.
– الأرواج و الجلوسات:
– ماك و نوبا و ميك اب فور ايفير و جيفنشي.
-فرش المكياج و قطع اسفنج :
بودي شوب و ريد إيرث وماك . ومستحضر منظف للفرش من ماك.مثبت الشدو:
من ماك رهيب و يخلي الون يثبت و ما ينثر على الوجه.
– رموش :
ماك.
>>>>>>>>رح ادوخ
*
*
..مفرش السرير..راجع لك اختيار العدد بس اعتقد 2 كفايه ..
*
*
.الذهب والمجوهرات..
–> انتبهوا هنا لان فيه نقطه مهمه
نصيحه لكل عروسه لاتكثرين من المجوهرات لان راح تجيك هدايا كثيره … يعني تاخذين طقمين او 3 ذهب ابيض .. طقم ذهب أصفر(طبعا لوانتي من محبين الذهب ممكن تاخذين اكثر) .. والباقي نوعي بين كم خاتم وأساور لليد .. والشبكه ليوم العرس (طبعا مب شرط) ….
يسلمو غلاتي
يعطيك العافيه
تقبلي مروري/
دلوعهحمودي
