كيفكم صبايا وستات إن شاء الله تكونون بأتم صحه
عزيزاتي ابدخل في الموضوع دايركت لي فتره ملاحظة تصاعد غير منطقي في أسعار المصممات السعوديات لدرجة إني أحيانا لما أشوف الفساتين ما اصدق عيوني ان هذا الفستان بأربعه آلاف لأنه يكون تقريبا عادي ما فيه شغل يستدعي هذا المبلغ .. لا وأربعه الاف يبدأون فيها بعض المصممات الله يهديهم ويباركلهم في رزقهم يعني ممكن فستان خطوبة بأربعه وممكن فستان فرح بعشره وما فوق هذي لليلة العمر بالنسبة للبنات وحتى لو تتكلفلها منطقي لكن أنا اتكلم عن فساتين سهره لأخوات عروس او عريس او معازيم بصراحة مبالغة يبدأ السعر من أربعة عشان بس أصمم فستان مميز مو متكرر بالسوق… ما أدري انتوا معااي بالرأي أو لا أبغى أعرف رأيكم لأني زي مو واضح من العنوان اصمم لزبايني بأسعار منطقيه يعني فساتين السهره العادية اللي ما فيها شغل كثير بألفين وينتهي حدي في فساتين السهره بثلاث آلاف وخمسمئه هذا طبعا يكون فيه شغل جاااامد وكريستال اصلي ما عندي شي بلاستيك مستحيييييل وما عندي خامات اي كلام برضه مستحيل اما فساتين الخطوبة والعرايس ثاني يوم تبدأ من أربعه آلاف وتنتهي بسته آلاف و فساتين الزفاف تبدأ بستة آلاف وتنتهي بعشرة آلاف ..
ولا تقولون لي غالي و نشتري من السوق جاهز أحسن 😮
وبقولكم ليش اللي في السوق يشترون خاماته بالجملة ويصممون من نفس الموديل مالا يقل عن عشرين قطعه وتنباع على محلات الجاهز فتطلع تكلفتها عليهم رخيصه ويبيعونها بسعر الى حد ما ارخص من الفساتين التصميم الخاص لكن انا اشتري القماش حسب أوردر الزبونه وأعامل في محلات الأقمشه على إني زبونه عاديه وأنا أشتري خامات جيدة ما أسترخص فلما حضرة البياع يراعيني بعد ما اقوله ترى انا مشغل وكل شوية اشتري من عندكم ينقصلي عشره ريال يا فرحتي فيه :a5bdf2b232:
هذا غير إن الشغل والشك تتغير خارطته تماما من فستان لفستان وهذا كمان له حسابات أخرى
عموما انا هدفي من الموضوع أعرفكم على نفسي وعلى حدود أسعاري وكمان أبغى أستطلع رأيكم إذا تشوفون أسعار المصممات حاليا طبيعيه ومنطقيه برفع أسعاري وبحوسكم حوس وإذا تشوفون ان أسعاري انا كمان غاليه وغير منطقيه برضه ما بنزلها وبحوسكم حوس …
أمزح معاكم لا تزعلون مني عموما انتوا طبعا تحكمون لما تشوفون شغلي وشغلي ما راح أعرضه على النت لعيون زبوناتي اللي يحبون الخصوصية ..
عموما انتظر ردودكم تنور موضوعي وآآسفه على الإطاله
يمنع وضع الايميل
لكن انا عني مااحب اشتري فستان فوق الالفين
والله اخاف من العقوبه صراحه هذي الالفييين راتب رجال يكدح طول الشهر
ممكن لوالعرس مره قريب لي مثل اختي او اخوي ممكن اشتري بالفين
لكن لايزيد صراحه
لاني بالبسه لبسه وحه فقط
وانا مع العروس ممكن انها تشتري فستان للزواج او الملكه بالالاف
عادي
لكن الوحده العاديه اللي مالها ومال العرس مثل زواج مو قريب لي مره ماله داعي اشترري فستان
البس من الموجووود
وشكرآ
بس بصراحه الاسعار جدا غاليه نحن محاسبين على ذلك
والله الضعيف الا هو الزوج يكد طول الشهر على ذا الراتب حتي لو كان 10 الاف ومع العلم بعض الاشخاص راتبهم 3 الالف
واجي وبكل برود احط في قطعة قماش مبلغ حق كده طول الشهر والبسه مره وفي الاخير ارميه في الدولاب؟؟؟؟؟؟؟؟والله حرام