انا بسمع عن المكمورة وهاي اكلة اردنية عنا شبيهة بالمسخن ودقتها لكن مابعرف طريقة عملها
يا ريت تدلوني على المقادير والطريقة بالتفصيل
والله يطعمها من ثمر الجنة اللي بتعطيني اياها
أنا اليوم جايبيت الكم المكمورة الأردنية
هاي أول مشاركة الي بالطبخ من ايدي انشاء الله تعجبكم
الخلطة :الحشوة
2kg بصل شرائح
3 دجاج مقطع كل دجاجة 8 قطع
وكوبين زيت الزيتون وبهارات حسب الرغبة والسماق ونحطو عالغاز نتركه حتى يذبل البصل ويستوي الجاج نص استواء من دون ما نحط ماء وهاي الصورة
العجين:
1:5kg دقيق أبيض و 500g دقيق أسمر
وملح حسب الرغبة أنا بحط دايما في العجين شوي زيت الزيتون مشان يسهل علي استخدامها
وتخلطيها بالماء الدافيء لغايت متبقى عجين طرية
وتدلكيها مليح ونتي بتضربيها بايدك
اتخيلي حالك بتضربي فحدا زعلانة منو 
وآخر اشي براحت ايدكتوديها وتجبيها
وبعدين تعمليها كويرات
وبعدين تمديها بزيت الزيتون
ثم تفرشي في صينية خاصة بالفرن فيها كوب زيت الزيتون طبقتين
وبعدين تحطي طبقه من البصل والجاج
وتكملي هيك طبقة عجين وطبقة من البصل والجاج لغايت متكملي انهيها بطبقة من العجين
وبعد أن أصبحت جاهزة لوضعها بالفرن تخرم العجينة من وسط بالسكين ليساعد على استواء العجينة من وسط
وتغطيها بورق قصدير ودخليها للفرن سخن لمدة 3 ساعات أو حتى تستوي
وهنا بعد ما استوت
وبعدين تقلبيها في صينية تقديم كبيرة
وهذه الصورة بعد التقطيع
صحتين وعافية
واتمنى يعجبك
كفيتي و وفيتي
جد حبيبتي شكرا