السلام عليكم
كيفكم صبايا
كيفكم صبايا
اليوم وانا افحط بالمنتديات لقيت وحده كاتبه قصتهم قطعت قلبي
اترككم مع القصه:(:(
السلام عليكم ورحمه الله وبركاته
انا ماكتبت الموضوع هذا الا من قهري من نظرت الناس الغبيه لبنات المسجون ايه نعم ابوي انسجن بس مانسجن في سرقه ولا مخدرات ولا زنا الحمد لله ابوي اسجن بسبب الديون اللي تراكمت عليه ,,,,,
اللي ابي اعرفه ليش النظره هذي كننا مسوين جريمه نص الشعب عليهم ديون قاصه الظهر ليش نسوي كذا في بعض
والله اكتب من القهر اللي شفته من بعض الناس المتخلفه
معد نجيكم ليش ابوكم مسجون معد نناديكم عندنا في البيت ليش ابوكم مسجون
والنظرات الغريبه اللي اشوفها من الناس
ودي اصيح واكتب
ياناااااااااااس ابوي ماسوى جريمه اخلاق ولا شي عيب كان يبي يعيشنا احلى عيشه لكن ماقدر ….
ابوي انت اغلى ماعندنا ولا راح يعيبك شي ابد
ابوي صاير له سنه مسجون والله العظيم محد طل في وجهه الا امي بس …..كنه قاتل احد من عيالهم
وين اخوياك وين اخوانك وين خواتك وين عيال عمك وين جيرانك محد حولك
وين اللي كنت تتوسط لهم علشان يتوظفون !!!
وين اللي لاصارت له مشكله اول واحد يفزع انت !!!!
وين اللي لاصارت له مشكله اول واحد يفزع انت !!!!
وين اللي لاتمشكل مع ولده دق عليك !!!
وين اللي كنت تراكض ورى عياله تدور لهم وظايف !!!
اه اه اكتب لكم ودموعي على خدي ودي اتحرك اسوي شي لكن مالي الا الدعاء بتفريج كربتك ياابوي الغالي
لاحد يقول روحوا لجنه رعايه اسر السجناء راحت امي تبي الايجار ماعطونا للحين ولا ريال الايجار مطوف له 3 شهور تسلفناه وعطيناه راعي البيت …. والحمد لله على كل حال
ليش نظره المجتمع لنا كذا كننا جايين من كوكب اخر والله مانبي من احد فلوس نبي كلمه طيبه تصبرنا عن غياب ابوي
تدرون من المتعاطف الوحيد معنا يدق ويسأل عننا ويشوف وش اخبار ابوي
7
7
7
7
7
7
7
7
7
سواق التاكسي
ايه سواق التاكسي الغريب صار احسن من القرايب اللي بس يدقون يشوفون وش ردت فعل امي وللحين قاعده مع ابوي والا لا
اخواتي انا مابي منكم شي والله العظيم ابي دعوه بظهر الغيب تفرج كرب ابوي وامي والله صارلي سنه ماذوق طعم اللقمه من الهم اللي فيني
يارب فك اسر ابوي وترجعه لنا بالسلامه والله الموضوع هذا ماتكلم فيه مع احد الا امي لان اخواني الصغار مايدرون عن السالفه !!!! ومانبيهم يدرون !!!
والله قطعت قلبي
الله يفك سجن ابوها
ويعينهم على الدنيا يارب
الله يفك سجن ابوها
ويعينهم على الدنيا يارب
يلا ابغى ارئكم
لاحول ولاقوة الابالله
لي باك للموضوع
لي باك للموضوع
آه
ابوي صارله ثلاث سنين بالسجن
بس الحمدلله اهلي وضعهم زين واعمامي وخوالي مو مقصرين
انا إلي اعاني منه اذا ضحكت واذا انبسطت احس الناس نتظر لي نظره غريبه
نظره عجزت اني افهمها
يعني عشان ابوي بالسجن ماأضحك !!!
من جد الناس حالهم غريب
……………..
إلا انت يابوي غيبتك ماتهون
وينك يالغالي فداك قلبي والعيون
كل شي من بعدك تغير حالي وربعي والقلوب
وكلن يقول مقدر ومكتوب
ثلاث سنين يابوي مروا علي دهور
يارب ياعالم بالخفايا والظنون
يطلع الغالي وتفرح كل القلوب
يعطيك العافيه صوفي موضوع من جد جاء عالوتر
تقبلي زحلطتي
الدنيا عمرها واصفت لاحد
وهذا نصيبه ولاناس مالها الا الظاهر لكن..
مايحس بالنار الا واطيها
يعني ظروفه وحدته غصب عنه
لاهو راعي مخدرات ولاهو بمدمن
الحمدلله ع كل حال والله يعينهم ويسهل عليهم
مشكوره حبوبه
وهذا نصيبه ولاناس مالها الا الظاهر لكن..
مايحس بالنار الا واطيها
يعني ظروفه وحدته غصب عنه
لاهو راعي مخدرات ولاهو بمدمن
الحمدلله ع كل حال والله يعينهم ويسهل عليهم
مشكوره حبوبه
ياالله
ربنا يفرج عنه
ربنا يفرج عنه