الذكــرى ""لخالد الفيصل 2024.

مرتني الذكرى وأنا واقف !

في نفس المكان في غير الزمان ..
في ذا ضحكت أيّام لكنّي بكيت ..
في ذا حلمت أحلام لكنّي صحيت ..

منها أبتديت
وفيها أنتهيت
إلا من الذكرى .. !

في نفس المكان في غير الزمان
قالت لي الذكرى كلام عنّي
كلام واللّه بغيت أنساه ..

وصاحت ربابة شوق وأثر النّغم مني
يشكي وأنا شكواه ..

وغنّى صوت في ليلة فرح
وهلّت عين وقلب أنجرح ..

في صوتها جرح وتعب
وفي عينها نظرة عتب ..

وشفت إبتسامه عليها هلّت الدمّعه
ونظرة ملامه من الماضي على ربّعه

وأنا مع الذكرى ..

في نفس المكان في غير الزمان
تعطيني الذكرى ولا تاخذ أبدْ
تحكي لي الذكرى ولا تسّمع لأحدْ ..

وأنا عندي كلام ممنوع حتى عن الخاطر
لا ياخذه أمْسي ولا يقبله باكر ..

ما أقدر أوضّح غايمْ الصوره
ولا أزوّد للمسا نُوره ..

اللّه يا ذكرى ياما فهمتيني خطا .. !
ياما قدم رجلي علَى جمرك وطا

واليوم هيّضني هواي
أشكي ولا أدري وشْ بلاي ..

هو من شقاي الّلي مضى وإلا هناي .. !