السلام عليكم ورحمة الله وبركاته
كيفكم وكيف كتاكيتكم !!
حبيت اضيف الموضوع هذا لاني لاحظت ان فيه مواضيع كثيرة تتكلم عن اكل الاطفال الرضع بس فيه كثير من الاخطاء اللي تقع فيها الأمهات بدون قصد .. وهالاخطاء ممكن مايكون لها أثر الا بعد مرور فترة .. يعني اعطاء الطفل نوع معين من الأكل اللي مايناسب سنه ممكن يسبب له بعدين اي نوع من الحساسية ..
وعلشان نتجنب هالشيء راح احط قائمة بالأكل الممنوع والمسموح وسبب المنع .. وأي وحدة تدخل وعندها اضافة تضيفها علشان كلنا نستفيد
حليب الأبقار:
الحليب البقري المفروض ماياخذه الطفل قبل عمر سنه .. أولا لانه صعب الهضم وثانيا لانه لايحتوي على كمية كافية من المعادن اللي يحتاجها الطفل ومنها واهمها الحديد .. يعني بس بتنفخين البيبي على الفاضي
الزبادي:
مع ان الحليب البقري ممنوع, ممكن نعطي الطفل بعد عمر 7 او 8 شهور زبادي بس بشرط يكون سادة يعني مايكون
مضاف اليه فواكه لان الزبادي اللي عليه فواكه غالبا مايكون مضاف له سكر والسكر مو كويس للبيبي.. وكمان المفروض
يكون الزبادي كامل الدسم.. اعطاء الطفل زبادي قليل الدسم خطأ كبير تقع فيه كثير من الامهات .. لايعطى الطفل قبل عمر سنتين حليب او اي شي من مشتقاته قليل أو منزوع الدسم ..
السكر والملح:
لاتضاف ابدا لأكل الطفل .. بعض الأمهات تضيف سكر علشان البيبي يتقبل الأكل وهذا طبعا غلط
العسل:
وهذا أخطر شي .. المفروض ما نعطي الطفل قبل مايكمل سنه .. السبب: لوجود احياء دقيقة تسبب تسممات غذائية خطيرة.
الحمضيات:
داخل فيها البرتقال والطماطم مو ممنوعه ولا مسموحه <<< فهمتوا شي؟؟
اللي اقصده ان الكثير يفضلون تجنب البرتقال وغيره من الحمضيات قبل عمر 7 شهور لانه قد يسبب الاسهال أو الحساسية أو طفح جلدي وخصوصا في منطقة البامبرز <<< هذي مو مره مقتنعه فيها بس ترجمتها من أكثر من موقع اجنبي طبي..
بس لو جربتيها مع طفلك وماتحسس منها توكلي على الله وكملي لان الحمضيات غنية بفايتمين سي
البيض:
البيض لايعطي قبل عمر سنة.. ولكن ممكن تعطين بيبي بعمر7 او 8 شهور شوي من صفار البيض واخلطيه مع شوي ماء او حليب او اي سائل علشان مايلصق في سقف الحلق
ولكن بياض البيض لايعطى بتاتا البته << يمديكم على هيك جملة قبل عمر سنه. السبب: قد يسبب حساسية.
الجزر:
الكثير يفضل تجنب الجزر والسبانخ الى بعد عمر 8 شهور لوجود النترات فيه ..
السبب : مادري ايش تسبب النترات
بس دكتورة بنتي قالت لي .. وعلى فكرها تقول الجزر اللي في العلب (اكل الاطفال) نسبة النترات فيه اقل من الجزر الطبيعي الفريش .. بس للأمانة الدكتوره مره كويسه وفي احسن مستشفيات امريكا
العصيرات:
يجب ان تكون طبيعية 100% ولاتتجاوز ال 100 مل في اليوم .. السبب: السؤال تشبع البيبي بسرعة وفائدتها أقل من لما تكون فواكه صحيحة
ونجي الحين للمسموح:
بالنسبة لولدي عمره 5 شهور قالت لي الدكتورة:
السيريال اللي يكون زي السيريلاك بس بالأرز-
تفاح –
موز –
كمثرى –
المشمش-
الخوخ-
افوكادو << مادري وش جابه معهم حتى انا استغربت سألتها قالت كويس بس لاتكثرين منه لانه دهني-
بطاطا حلوة –
القرع الامريكي اللي يكون طويل-
كوسة
هذا تقريبا الى عمر 8 شهور … اذا فيه اضافات اكون شاكرة
لتفاصيل أكثر عن خدمة جوالها اضغطِ هنا
توقيع طعم الشهد